റെയില്‍വേ ട്രാക്കില്‍ നിന്ന് ഓര്‍മക്കുറവുള്ള മകനെ രക്ഷിക്കാനുള്ള അച്ഛന്റെ ശ്രമം വിഫലം.... തീരദേശ റെയില്‍പ്പാതയില്‍ ചന്തിരൂര്‍ വെളുത്തുള്ളി റെയില്‍വേ ക്രോസിന് സമീപമാണ് സംഭവം
റെയില്‍വേ ട്രാക്കില്‍ നിന്ന് ഓര്‍മക്കുറവുള്ള മകനെ രക്ഷിക്കാനുള്ള അച്ഛന്റെ ശ്രമം വിഫലം.... തീരദേശ റെയില്‍പ്പാതയില്‍ ചന്തിരൂര്‍ വെളുത്തുള്ളി റെയില്‍വേ ക്രോസിന് സമീപമാണ് സംഭവം നടന്നത്.
ഓര്‍മക്കുറവുള്ള മകനെ റെയില്‍വേ ട്രാക്കില്‍ നിന്ന് രക്ഷിക്കാനുള്ള അച്ഛന്റെ ശ്രമം വിഫലമായി. ഇരുവരും തീവണ്ടിതട്ടി മരിച്ചു. ചന്തിരൂര്‍ വെളുത്തുള്ളി പുളിത്തറ പുരുഷന്‍ (57), മകന്‍ നിഥിന് (28) എന്നിവരാണ് മരിച്ചത്.
തിരുവനന്തപുരത്ത് നിന്ന് കോഴിക്കോട്ടേക്ക് പോയ ജനശതാബ്ദി എക്‌സ്പ്രസ് തട്ടിയായിരുന്നു അപകടം ഉണ്ടായത്. തീരദേശ റെയില്‍പ്പാതയില്‍ ചന്തിരൂര്‍ വെളുത്തുള്ളി റെയില്‍വേ ക്രോസിന് സമീപം ഇന്നലെയായിരുന്നു സംഭവം. മത്സ്യത്തൊഴിലാളിയാണ് പുരുഷന്‍. വെല്‍ഡിങ് തൊഴിലാളിയായിരുന്നു നിഥിന്.
മൂന്നുവര്‍ഷം മുന്‍പുണ്ടായ വാഹനാപകടത്തില്‍ തലയ്ക്ക് പരിക്കേറ്റ നിഥിന് ഏറെനാളായി ചികിത്സയില്‍ കഴിയുകയായിരുന്നു. ഇവരുടെ വീട് റെയില്‍പ്പാളത്തിന് സമീപത്താണ്. വാഹനാപകടത്തില്‍ തലയ്ക്ക് പരിക്കേറ്റ നിഥിന് ഓര്‍മക്കുറവുണ്ടായിരുന്നതായി ബന്ധുക്കള്‍ .
തീവണ്ടി വരുന്ന സമയത്ത് മകന്‍ റെയില്‍പ്പാളത്തിലൂടെ നടക്കുന്നതുകണ്ട് പുരുഷന്‍ ഓടിച്ചെല്ലുകയായിരുന്നു. മകനെ തള്ളിമാറ്റാന്‍ ശ്രമിക്കുമ്പോഴേക്കും തീവണ്ടി ഇരുവരെയും തട്ടിത്തെറിപ്പിച്ചു. അരൂര്‍ പോലീസ് ആശുപത്രിയിലേക്ക് മാറ്റിയ മൃതദേഹങ്ങള്‍ പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കി.
"
https://www.facebook.com/Malayalivartha
