വിരമിച്ച ജീവനക്കാര്‍ക്ക് പെന്‍ഷന്‍ നല്‍കാന്‍ പണമില്ല; സഹകരണ ബാങ്കുകളില്‍ നിന്ന് 146 കോടി രൂപ കടമെടുക്കുമെന്ന് കെ.എസ്.ആര്‍.ടി.സി
വിരമിച്ച ജീവനക്കാര്‍ക്ക് പെന്‍ഷന്‍ നല്‍കാന്‍ സഹകരണ ബാങ്കുകളില്‍ നിന്ന് 146 കോടി രൂപ കടമെടുക്കുമെന്ന് കെ.എസ്.ആര്‍.ടി.സി. നവംബറിലെ പെന്‍ഷന്‍ മുടങ്ങിയ സാഹചര്യത്തിലാണ് സര്‍ക്കാരിന്റെ ഈ തീരുമാനം. ഒരു മാസം ഏകദേശം 70 കോടി രൂപയാണു പെന്‍ഷന്‍ വിതരണത്തിനായി ചിലവാകുന്നത്.
അതായത് 41,0000 ആളുകളാണ് കെഎസ്ആര്‍ടിസി നിന്ന് പെന്‍ഷന്‍ വാങ്ങുന്നത്. സഹകരണ ബാങ്കുകളാണു പെന്‍ഷന്‍ നല്‍കേണ്ടത്. ഒരോ മാസം പെന്‍ഷനുള്ള തുക എട്ടര ശതമാനം പലിശ സഹിതം സഹകരണ ബാങ്കുള്‍ക്ക് സര്‍ക്കാര്‍ തിരിച്ചു നല്‍കുകയും വേണം. ഇതിന് പുറമെ കെ.എസ്.ആര്‍.ടി.സിയ്ക്ക് മുമ്ബ് നല്‍കിയതു കൂടാതെ പ്രത്യേക സാമ്ബത്തിക സഹായമായി 15 കോടി രൂപ നല്‍കാന്‍ തീരുമാനിച്ചതായും ധനകാര്യ മന്ത്രി കെ.എന്‍ ബാലഗോപാല്‍ അറിയിച്ചു.
കഴിഞ്ഞ മാസങ്ങളില്‍ പെന്‍ഷന്‍ മുടങ്ങിയതില്‍ പ്രതിഷേധിച്ച് കെ.എസ്.ആര്‍.ടി.സി പെന്‍ഷനേഴ്‌സ് ഓര്‍ഗനൈസേഷന്‍ സെക്രട്ടറിയേറ്റിന് മുന്നില്‍ അനിശ്ചിതകാല സമരത്തിലായിരുന്നു. ഡിസംബര്‍ 19 മുതലാണ് സമരം തുടങ്ങിയത്. നവംബര്‍ മാസത്തെ പെന്‍ഷന്‍ വിതരണം ചെയ്യാത്ത സാഹചര്യത്തിലായിരുന്നു പ്രതിഷേധം.
https://www.facebook.com/Malayalivartha
