സിപിഎമ്മില് പിണറായി വിജയന്, വിഎസ് അച്യുതാനന്ദന് പക്ഷങ്ങള് തമ്മില് ഒന്നര പതിറ്റാണ്ടു തുടര്ന്നുവന്ന ശക്തമായ ഗ്രൂപ്പ് പോരിനു ശേഷം പിണറായി വിജയന് പക്ഷം പാര്ട്ടിയെ പിടിച്ചെടുത്തിട്ടും തീരുന്നില്ല വിഭാഗീയത.... വാളെടുത്തു പിണറായി
സിപിഎമ്മില് പിണറായി വിജയന്, വിഎസ് അച്യുതാനന്ദന് പക്ഷങ്ങള് തമ്മില് ഒന്നര പതിറ്റാണ്ടു തുടര്ന്നുവന്ന ശക്തമായ ഗ്രൂപ്പ് പോരിനു ശേഷം പിണറായി വിജയന് പക്ഷം പാര്ട്ടിയെ പിടിചെട്ടുത്തിട്ടും തീരുന്നില്ല വിഭാഗീയത. ഓരോ ജില്ലയിലും ഏരിയാ കമ്മിറ്റി മുതല് വ്യക്തി കേന്ദ്രീകൃത ഗ്രൂപ്പുകള് സിപിഎമ്മില് പൊട്ടിമുളയ്ക്കുന്നുവെന്നതാണ് പാര്ട്ടി നേരിടുന്ന പുതിയ വെല്ലുവിളി.
മുന്പ് ഔദ്യോഗിക പക്ഷം എന്നറിയപ്പെട്ടിരുന്ന പിണറായി വിജയന് ഗ്രൂപ്പ് വിഎസ് അച്യുതാനന്ദനെയും അണികളെയും വെട്ടിനിരത്തിയശേഷവും പുതിയ ചേരി ഗ്രൂപ്പിസം സിപിഎമ്മില് തലപൊക്കുകയാണ്. പാര്ട്ടിക്കുമുകളില് തലപൊക്കിയ പി ജയരാജന് ഉള്പ്പെടെയുള്ളവരെ ഒതുക്കി കണ്ണൂരിലെ പാര്ട്ടിയെ പിണറായി മെരുക്കിയെങ്കിലും തെക്കന് കേരളത്തിലാണ് വിഭാഗീയത എന്ന പേരില് ചേരിതിരിവ് രൂക്ഷമായിരിക്കുന്നത്.
പാലക്കാട്, ആലപ്പുഴ, ഇടുക്കി ജില്ലാ സമ്മേളനങ്ങളിലും മുന്നോടിയായി നടന്ന വിവിധ ഏരിയാ സമ്മേളനങ്ങളിലുമുണ്ടായ ഗ്രൂപ്പ് പോരാട്ടം പാര്ട്ടിയില് ആശങ്ക ജനിപ്പിക്കുകയാണ്.
ഇടുക്കി ജില്ലാ സമ്മേളനത്തിനു പിന്നാലെ മുന് ദേവികുളം എംഎല്എ എസ് രാജേന്ദ്രനെ പാര്ട്ടിയില് നിന്ന് പുറത്താക്കുമെന്ന് എംഎം മണി പ്രഖ്യാപിച്ചുകഴിഞ്ഞു. പുറത്താക്കപ്പെടുന്നതിനു മുന്പ് രാജിവെച്ചൊഴിയാനോ സിപിഐയില് ചേക്കാറാനോ ആലോചനയിലാണ് രാജേന്ദ്രന്.
പാര്ട്ടി കോണ്ഗ്രസിനും സംസ്ഥാന സമ്മേളനത്തിനും മുന്നോടിയായുള്ള സമ്മേളനങ്ങളില് വ്യക്തികേന്ദ്രീകൃതമായ ഗ്രൂപ്പിസം പാര്ട്ടിയെ ത്രസിച്ചിരിക്കുന്നു. പലയിടങ്ങളിലും കൂക്കുവിളികളിലേക്കും കൈയാങ്കളികളിലേക്കും പോയ ചര്ച്ചകള് പാര്ട്ടിക്കു തലവേദനയായതായി പിണറായി വിജയന് പരസ്യമായി പ്രഖ്യാപിക്കുകയും ചെയ്തിരിക്കുന്നു.
പാലക്കാട് സിപിഎമ്മിലെ വിഭാഗീയതയില് പാര്ട്ടിയിലെ സര്വാധിപതിയായ മുഖ്യമന്ത്രി പിണറായി വിജയന് ശക്തമായ മുന്നറിയിപ്പു നല്കിക്കഴിഞ്ഞു. സംസ്ഥാന പോലീസിനും ആഭ്യന്തര വകുപ്പിനുമെതിരെ പാര്ട്ടി പ്രതിനിധികള് രൂക്ഷ വിമര്ശനം ഉന്നയിച്ചതിന് പിന്നാലെയാണ് മുഖ്യമന്ത്രിയുടെ ഭീഷണിസ്വരത്തിലുള്ള മുന്നറിയിപ്പ്.
പാലക്കാട്ടെ പാര്ട്ടിയില് ചില നേതാക്കള് തുരുത്തുകള് സൃഷ്ടിയ്ക്കുന്നത് ശ്രദ്ധയില്പ്പെട്ടിട്ടുണ്ടെന്നും അത്തരം തുരുത്തുകള്ക്ക് കൈകാലുകള് മുളയ്ക്കുന്നതായും കാണുന്നുവെന്നുമാണ് പിണറായി പറഞ്ഞത്.
കേരള പോലീസ് സര്ക്കാരിനെ നാണം കെടുത്തുന്നുവെന്നും ഒരു നിയന്ത്രണവുമില്ലാതെയാണ് പോലീസ് പ്രവര്ത്തിക്കുന്നതെന്നുമാണ് പാര്ട്ടിക്കുള്ളിലെ വിമര്ശനം. സര്ക്കാരിനെ പ്രതിരോധത്തിലാക്കുന്ന പ്രവര്ത്തനങ്ങളാണ് പോലീസിന്റെ ഭാഗത്ത് നിന്നുണ്ടാവുന്നത് എന്നും പ്രവര്ത്തകര് കുറ്റപ്പെടുത്തിയിരുന്നു. ഇതിന് പിന്നാലെയാണ് മുഖ്യമന്ത്രിയുടെ മുന്നറിയിപ്പ്.
ആലപ്പുഴയില് മുതിര്ന്ന നേതാക്കളായ പി.പി.ചിത്തരഞ്ജനും ജി സുധാകരനും നേരെ പാര്ട്ടി മുന്നറിയിപ്പു നല്കിക്കഴിഞ്ഞു.
കഴിഞ്ഞ നിയമസഭാ തെരഞ്ഞെടുപ്പില് ജി സുധാകരന് ശക്തമായ പ്രചാരണ പ്രവര്ത്തനം കാഴ്ചവെച്ചില്ലെന്ന നിശദമായ വിമര്ശനമാണ് പാര്ട്ടിയിലുള്ളത്.
അലപ്പുഴയില് പാര്ട്ടി നിയന്ത്രണത്തിലുള്ള സ്വാശ്രയ സംഘങ്ങളിലും അയല്ക്കൂട്ടങ്ങളിലും ഭിന്നത രൂക്ഷമായിട്ടുണ്ട്.
ജി സുധാകരനെ കൂടുതല് പ്രതിരോധത്തിലാക്കാന് എഎം ആരിഫ് എംപി കൊണ്ടുവന്ന വിജിലന്സ് അന്വേഷണ ആവശ്യം ഉള്പ്പടെയുള്ള വിവാദ വിഷയങ്ങള് യോഗങ്ങളില് ചര്ച്ചയായിരുന്നു.
മാരാരിക്കുളം ഏരിയ കമ്മിറ്റി പിടിക്കാനുള്ള സുധാകരപക്ഷത്തിന്റെ നീക്കം സംസ്ഥാന നേതൃത്വം ഇടപെട്ട് തടയുകയും ചെയ്തിരുന്നു. ആലപ്പുഴയില് തോമസ് ഐസക് വിഭാഗം പാര്ട്ടിയില് കരുത്തുനേടുകയും ചെയ്തു.
സിപിഐഎം ഇടുക്കി ജില്ലാ സമ്മേളനത്തില് എസ്.രാജേന്ദ്രന് പങ്കെടുക്കില്ലെന്നു വ്യക്തമായി. സമ്മേളനത്തോടനുബന്ധിച്ച് മുന് എംഎല്എയെ സിപിഎമ്മില്നിന്ന് പുറത്താക്കാന് തന്നെയാണ് തീരുമാനം.
സിപിഎം ബ്രാഞ്ച്, ഏരിയ സമ്മേളങ്ങളില് നിന്ന് എസ് രാജേന്ദ്രന് വിട്ടുനിന്നത് വലിയ വിവാദമായിരുന്നു. ഇതിനുശേഷമാണ് ജില്ലാ സമ്മേളനത്തില് പങ്കെടുക്കാന് രാജേന്ദ്രന് നീക്കം നടത്തിയത്.
രാജേന്ദ്രനെ പാര്ട്ടയില് നിന്ന് ഒരു വര്ഷത്തേക്കു പുറത്താക്കാനാണ് ഇടുക്കി ജില്ലാ കമ്മിറ്റിയുടെ ശിപാര്ശ.
നിയമസഭാ തെരഞ്ഞെടുപ്പ് പ്രവര്ത്തനങ്ങളില് രാജേന്ദ്രന് ഗുരുതരമായ വീഴ്ച വരുത്തിയതായി പാര്ട്ടി അന്വേഷണ കമ്മീഷന് കണ്ടെത്തിയിരുന്നു.
https://www.facebook.com/Malayalivartha
