കുസൃതി കാണിച്ചതിന് അഞ്ചര വയസുകാരനോട് അമ്മ കാട്ടിയ ക്രൂരത?
കുസൃതി കാണിച്ചതിന് അഞ്ചര വയസുകാരന്റെ രണ്ടു കാലിന്റെയും ഉള്ളം കാലില്‍ പൊള്ളലേല്‍പ്പിച്ചു. ഇടുപ്പിലും പൊള്ളല്‍ ഏല്‍പ്പിച്ചിട്ടുണ്ട്. കുസൃതി കൂടുതല്‍ കാണിച്ചതിനാണ് സ്വന്തം അമ്മയുടെ ശിക്ഷ.
ഇടുക്കിയില്‍ രണ്ട് ദിവസം മുമ്പാണ് സംഭവമുണ്ടായത്. ശാന്തന്‍പാറ പേത്തൊട്ടി സ്വദേശി അബിനേഷിനാണ് പൊള്ളലേറ്റത്. പറയാതെ മുറ്റത്തേക്കിറങ്ങി എന്നതാണ് അമ്മ കുട്ടിയെ പൊള്ളിക്കാന്‍ കാരണമായി പൊലീസ് പറയുന്നത്.
കുട്ടിയുടെ പരുക്ക് ശ്രദ്ധയില്‍പ്പെട്ട നാട്ടുകാര്‍ ചൈല്‍ഡ് ലൈന്‍ ഉദ്യോഗസ്ഥരെ വിവരമറിയിക്കുകയായിരുന്നു.ചൈല്‍ഡ് ലൈന്‍ പ്രവര്‍ത്തകര്‍ നടത്തിയ പരിശോധനയില്‍ കാലില്‍ സാരമായ പൊള്ളലേല്‍ക്കുകയും പഴുപ്പ് ബാധിക്കുകയും ചെയ്തതായ് കണ്ടെത്തി.
ഇതിനെ തുടര്‍ന്ന് കുട്ടിയെ വിദഗ്ധ ചികില്‍സയ്ക്കായ് അടിമാലിയിലെ ആശുപത്രിയിലേക്ക് മാറ്റി. കുട്ടിയുടെ അമ്മ ഭുവനക്കെതിരെ ജുവനൈല്‍ ജസ്റ്റിസ് ആക്ട് പ്രകാരം ശാന്തമ്പാറ പൊലീസ് കേസെടുത്ത് അന്വേഷണമാരംഭിച്ചു.
https://www.facebook.com/Malayalivartha
