ഒരു മാസത്തോളം ജനങ്ങളെ ഭീതിയിലാഴ്ത്തിയ വിരുതനെ പിടികൂടി....
ഒരു മാസത്തോളമായി ജനങ്ങളെ ഭീതിയിലാഴ്ത്തി വഴിയരികിലെ മാളത്തിലൊളിച്ച മൂര്ഖന് പാമ്പിനെ ഇന്ന് രണ്ടു മണിക്കൂര് നേരത്തെ ശ്രമത്തിനൊടുവില് പിടികൂടി. ചാരുംമൂട് താമരക്കുളം ചത്തിയറ തെക്ക് കലതിവിളയില് പുരയിടത്തില് നിന്നാണ് പാമ്പിനെ പിടികൂടിയത്. പാമ്പുപിടുത്തക്കാരനായ ചെങ്ങന്നൂര് പൂമല സാംജോണ് ജെ സി ബിയുടെ സഹായത്തോടെ രണ്ടു മീറ്ററോളം നീളമുള്ള മൂര്ഖന് പാമ്പിനെ പിടികൂടിയത്. ഒരു മാസം മുമ്പ് കുട്ടികളും മുതിര്ന്നവരുമൊക്കെ ഇവിടെ പാമ്പിനെ കണ്ടതോടെ ഭീതിയിലായിരുന്നു.
ചെറിയ കുട്ടികളടക്കം സഞ്ചരിക്കുന്ന വഴിയരികിലെ ആഞ്ഞിലിമരത്തിനു താഴെയായിരുന്നു മാളം. ഇവിടെ രണ്ടു ദിവസം മുമ്പ് അടുത്ത വീട്ടുകാരനായ രാധാകൃഷ്ണന് പാമ്പ് പടം പൊഴിച്ചിട്ടിരുന്നതും കണ്ടിരുന്നു. ഇന്നലെ ഉച്ചയോടെയാണ് മാളത്തിനുള്ളില് പാമ്പിനെ വീണ്ടും കണ്ടത്. പാമ്പ് മാളത്തിനുള്ളിലേക്ക് വലിഞ്ഞിരുന്നു. പിക്കാസും മറ്റു പയോഗിച്ച് ഒന്നര മണിക്കൂര് കൊണ്ട് അടുത്ത വീട്ടുകാര് മാളം വെട്ടിയിളക്കിയെങ്കിലും പാമ്പിനെ കണ്ടെത്താനായില്ല.
തുടര്ന്ന് ചെങ്ങന്നൂരില് നിന്നും സ്ഥലത്തെത്തിയ സാംജോണ് ആഞ്ഞിലിമരം പിഴുത് മാറ്റിയെങ്കിലും പാമ്പിനെ കണ്ടെത്തിയില്ല. തുടര്ന്ന് ആഞ്ഞിലിയുടെ ചുവട് തുരന്നതോടെ മണ്ണില് പുതഞ്ഞു കിടന്ന പാമ്പിനെ സാം പിടികൂടുകയായിരുന്നു.
https://www.facebook.com/Malayalivartha