കണ്ണൂരില് സി.പി.എമ്മിന്റെ 22ാമത് പാര്ട്ടി കോണ്ഗ്രസിന് തുടക്കമായി... മുഖ്യമന്ത്രി പിണറായി വിജയന് പതാക ഉയര്ത്തി സമ്മേളനം ഉദ്ഘാടനം ചെയ്തു, ഇന്ന് രാവിലെ ജനറല് സെക്രട്ടറി സീതാറാം യെച്ചൂരി പാര്ട്ടി കോണ്ഗ്രസ് ഉദ്ഘാടനം ചെയ്യും , പ്രതിനിധികളും നിരീക്ഷകരും കേന്ദ്ര കമ്മിറ്റി അംഗങ്ങളും ഉള്പ്പെടെ 815 പേരാണ് കോണ്ഗ്രസില് പങ്കെടുക്കുന്നത്
സി.പി.എമ്മിന്റെ 22ാമത് പാര്ട്ടി കോണ്ഗ്രസിന് കണ്ണൂരില് തുടക്കമായി. പൊതുസമ്മേളനവേദിയായ എ.കെ.ജി നഗറില് ഇന്നലെ വൈകിട്ട് സ്വാഗതസംഘം ചെയര്മാന്കൂടിയായ മുഖ്യമന്ത്രി പിണറായി വിജയന് പതാക ഉയര്ത്തി. ഇ.കെ. നായനാരുടെ പേരിലുള്ള അക്കാദമിയങ്കണത്തില് പ്രത്യേകം തയ്യാറാക്കിയ വേദിയിലാണ് പ്രതിനിധി സമ്മേളനം.
കൊടിമരജാഥയ്ക്ക് നേതൃത്വം നല്കിയത് കേന്ദ്ര കമ്മിറ്റി അംഗം പികെ ശ്രീമതിയായിരുന്നു്. നശ്വരരായ കയ്യൂര് രക്തസാക്ഷികളുടെ നാട്ടില്നിന്നും തിങ്കള് വൈകിട്ടാണ് കൊടിമരം പ്രയാണം ആരംഭിച്ചത്. കേന്ദ്രകമ്മിറ്റി അംഗമായ മന്ത്രി എം വി ഗോവിന്ദന് കൊടിമര യാത്ര ഉദ്ഘാടനം ചെയ്യുകയുണ്ടായി. പി കെ ശ്രീമതിക്ക് കൊടിമരം കൈമാറി കേന്ദ്രകമ്മിറ്റി അംഗം പി കരുണാകരന്.
ജാഥാ മാനേജര് കെ പി സതീഷ്ചന്ദ്രനും മറ്റു നേതാക്കളും ഏറ്റുവാങ്ങി. കാസര്കോട് ജില്ലാ സെക്രട്ടറി എം വി ബാലകൃഷ്ണന് അധ്യക്ഷനായിരുന്നു. എം രാജഗോപാലന് എംഎല്എ സ്വാഗതം പറഞ്ഞു. ചുവപ്പ് വളന്റിയര്മാരുടെ അകമ്പടിയോടെ ഇന്നലെ കാസര്കോട്, കണ്ണൂര് ജില്ലകളില് സ്വീകരണകേന്ദ്രങ്ങള് പിന്നിട്ട് വൈകിട്ട് അഞ്ചിനോടെ സമ്മേളന നഗരിയില് എത്തുകയും ചെയ്തു. സംസ്ഥാന സെക്രട്ടറിയറ്റ് അംഗം എം സ്വരാജ് നയിക്കുന്ന പതാക ജാഥ ചൊവ്വ രാവിലെയാണ് കണ്ണൂര് ജില്ലയില് പ്രവേശിച്ചത്.
ഇന്ന് രാവിലെ ജനറല് സെക്രട്ടറി സീതാറാം യെച്ചൂരി പാര്ട്ടി കോണ്ഗ്രസ് ഉദ്ഘാടനം ചെയ്യും. സി.പി.ഐ ജനറല് സെക്രട്ടറി ഡി.രാജ അഭിവാദ്യം ചെയ്യും. പ്രതിനിധികളും നിരീക്ഷകരും കേന്ദ്ര കമ്മിറ്റി അംഗങ്ങളും ഉള്പ്പെടെ 815 പേരാണ് കോണ്ഗ്രസില് പങ്കെടുക്കുന്നത്.
ഇകെ നായനാരുടെ പേരിലുള്ള അക്കാദമിയങ്കണത്തില് പ്രത്യേകം തയ്യാറാക്കിയ വേദിയിലാണ് പ്രതിനിധി സമ്മേളനം അരങ്ങേറിയത്. ഇന്ന് കണ്ണൂര് ടൗണ് പാര്ട്ടി കോണ്ഗ്രസിനോട് അനുബന്ധിച്ച് ചുവപ്പു ലോകമായിക്കഴിഞ്ഞു.
രക്തപതാകകളും ചുവപ്പലങ്കാരങ്ങളും ലോക, ഇന്ത്യന് കമ്യൂണിസ്റ്റ് ആചാര്യന്മാരുടെ ചിത്രങ്ങളും അടക്കം പ്രചാരണം നിറഞ്ഞ കണ്ണൂര് നഗരമാകെ പാര്ടി കോണ്ഗ്രസ് വേദിയായി മാറിക്കഴിഞ്ഞു.
"
https://www.facebook.com/Malayalivartha
