ഇനി ദിവസങ്ങള് മാത്രം കാവ്യയെ ചോദ്യം ചെയ്യുമെന്ന് ക്രൈംബ്രാഞ്ച്; എട്ടിന്റെ പണി കിട്ടിയത് ദുബായിലെ ആ മലയാളി നടിയ്ക്ക്; കോടതിയില് വന് കരുക്കള് നീക്കി പ്രോസിക്യൂഷന്
നടിയെ ആക്രമിച്ച കേസിന്റെ തുടരന്വേഷണത്തിന് കൂടുതല് സമയം തേടി പ്രോസിക്യൂഷന് വീണ്ടും ഹൈക്കോടതിയിലേയ്ക്ക്. ഇതോടെ അന്വേഷണ സംഘത്തിന്റെ റെഡാറില് കാവ്യയും. മറ്റൊരു നടിയും എത്തുകയാണ്. നടിയെ ആക്രമിച്ച കേസിലെ ദിലീപിന്റെ പങ്ക് വ്യക്തമാകുന്ന ചില ഡിജിറ്റല് തെളിവുകള് ലഭ്യമായതോടു കൂടിയാണ്. കാവ്യയെയും ദുബായില് താമസമാക്കിയ ഒരു മലയാളി നടിയെയും അന്വേഷണ സംഘത്തിന് തൂക്കേണ്ടി വരുന്നത്. നടിയെ ആക്രമിക്കുന്ന ദൃശ്യങ്ങള് സംബന്ധിച്ച ചില വിവരങ്ങളും സൂരജിന്റെ ഫോണില് നിന്ന് ലഭിച്ചതായും പ്രോസിക്യൂഷന് പറയുന്നുണ്ട്. അതുപോലെ തന്നെ അന്വേഷണത്തില് ലഭിച്ച ഡിജിറ്റല് തെളിവുകളുടെ അടിസ്ഥാനത്തില് കാവ്യ മാധവനെ ചോദ്യം ചെയ്യേണ്ടതുണ്ടെന്ന് പ്രോസിക്യൂഷന് കോടതിയെ അറിയിച്ചു. ചോദ്യം ചെയ്യലിന് സൗകര്യം തേടിയപ്പോള് ചെന്നൈയില് ആണെന്നാണ് കാവ്യ മറുപടി നല്കിയതെന്നും അടുത്ത ആഴ്ച നാട്ടില് തിരികെയെത്തുമെന്ന് അറിയിച്ചതായും പ്രോസിക്യൂഷന് ഹൈക്കോടതിയില് പറഞ്ഞു. ദിലീപിന്റെ ഫോണിലെ തെളിവ് നശിപ്പിച്ച നാല് അഭിഭാഷകരെയും ചോദ്യം ചെയ്യണം എന്ന് അന്വേഷണ സംഘവും കോടതിയെ അറിയിച്ചു.
കേസുമായി ബന്ധപ്പെട്ട് ദിലീപിന്റെ മുന് നായികയായിരുന്ന നടിയെയും അന്വേഷണസംഘം ഉടന് ചോദ്യം ചെയ്യും. ദിലീപിന്റെ മൊബൈല് ഫോണില് നിന്നും ലഭിച്ച വിവരങ്ങളുടെ അടിസ്ഥാനത്തിലാണ് അന്വേഷണം പ്രമുഖ നടിയിലേക്കാണ് നീളുന്നത്. ദിലീപിന്റെ മുന് നായികയായ നടി ഇടവേളക്ക് ശേഷം ഈ അടുത്താണ് സിനിമയിലേക്ക് തിരിച്ചെത്തിയത്. ദുബായില് സ്ഥിരതാമസമാക്കിയ ഈ നടിയും ദിലീപും തമ്മില് അടുത്ത ബന്ധമുണ്ട്.
ഇരുവരും തമ്മിലുള്ള വാട്സ്ആപ്പ് ചാറ്റുകള് നശിപ്പിച്ചതായാണ് തെളിവുകള് നശിപ്പിച്ച സൈബര് വിദഗ്ദന് സായ് ശങ്കര് പൊലീസിന് നല്കിയ മൊഴി. ദിലീപിന്റെ നിര്ദേശപ്രകാരമാണ് കൃത്യം നിര്വഹിച്ചതെന്നും പ്രാഥമിക ചോദ്യം ചെയ്യലില് സായ് സമ്മതിച്ചിട്ടുണ്ട്. കേസുമായി ബന്ധപ്പെട്ട ചില വിവരങ്ങള് ചാറ്റുകളിലൂടെ പരസ്പരം കൈമാറിയതായാണ് സൂചന. ഈ സാഹചര്യത്തില് നടിയെ വിശദമായി ചോദ്യം ചെയ്യാനാണ് അന്വേഷണ സംഘത്തിന്റെ തീരുമാനം. സാക്ഷികളെ സ്വാധീനിക്കാന് ദിലീപ് പ്രമുഖ നടിയുടെ സഹായം തേടിയിട്ടുണ്ടോയെന്ന കാര്യമാണ് പ്രധാനമായും ക്രൈംബ്രാഞ്ച് അന്വേഷിക്കുന്നത്. സാമ്പത്തിക ഇടപാടുകളും പരിശോധിക്കാന് തീരുമാനമുണ്ട്.
നടിയെ ആക്രമിച്ച കേസിന്റെ തുടരന്വേഷണത്തിന് കൂടുതല് സമയം തേടി പ്രോസിക്യൂഷന് ഹൈക്കോടതിയില്. തുടരന്വേഷണം പൂര്ത്തിയാക്കാന് മൂന്ന് മാസം കൂടി സമയം അനുവദിക്കണമെന്നാണ് പ്രോസിക്യൂഷന് കോടതിയോട് ആവശ്യപ്പെട്ടത്. ഏപ്രില് 15നകം അന്വേഷണം പൂര്ത്തിയാക്കണമെന്നായിരുന്നു ഹൈക്കോടതിയുടെ ഉത്തരവ്.
സൂരജിന്റെ മൊബൈല് ഫോണ് പരിശോധിച്ചതില് ചില പുതിയ വിവരങ്ങള് ലഭിച്ചിട്ടുള്ളതായും പ്രോസിക്യൂഷന് കോടതിയെ അറിയിച്ചു. ഡിജിറ്റല് തെളിവുകളില് വിശദമായ അന്വേഷണവും പരിശോധനയും ആവശ്യമാണ്. ഇതിന് കൂടുതല് സമയം വേണമെന്നും പ്രോസിക്യൂഷന് കോടതിയെ അറിയിച്ചു. ഇതുവരെയുള്ള അന്വേഷണത്തില് ഒട്ടേറെ നിര്ണായക തെളിവുകള് ലഭിച്ചിട്ടുണ്ട്. ഈ സാഹചര്യത്തില് വിശദമായ തുടര് അന്വേഷണം ആവശ്യമാണെന്നും പ്രോസിക്യൂഷന് ഹൈക്കോടതിയില് വ്യക്തമാക്കി.
അതേസമയം, കേസില് ദിലീപിന്റെ അഭിഭാഷകര്ക്ക് നോട്ടീസ് അയക്കാന് ബാര് കൗണ്സില് തീരുമാനിച്ചു. അഭിഭാഷകരായ ബി രാമന്പിള്ള, ഫിലിപ്പ് ടി വര്ഗീസ്, സുജേഷ് മേനോന് എന്നിവര്ക്ക് നോട്ടീസ് അയക്കാനാണ് ബാര് കൗണ്സില് തീരുമാനിച്ചത്. ആക്രമിക്കപ്പെട്ട നടിയുടെ പരാതിയില് മറുപടി ആവശ്യപ്പെട്ടാണ് നടപടി.
പ്രതികളുമായി ചേര്ന്ന് 20 ലേറെ സാക്ഷികളെ അഭിഭാഷകന് കൂറുമാറ്റിയെന്നും നിയമവിരുദ്ധ പ്രവര്ത്തനം നടത്തിയ അഭിഭാഷകനെതിരെ നടപടി വേണെന്നും ആവശ്യപ്പെട്ടാണ് അതിജീവിത ബാര് കൗണ്സിലിന് പരാതി നല്കിയത്. സീനിയര് അഭിഭാഷകനായ ബി രാമന്പിള്ള, ഫിലിപ് ടി വര്ഗീസ് അടക്കമുള്ളവരുടെ പ്രവൃത്തി അഭിഭാഷകവൃത്തിയ്ക്ക് ചേരാത്തതും നിയമ വിരുദ്ധവുമാണെന്ന് അതിജീവിത പരാതിയില് പറയുന്നു. കേസിലെ സാക്ഷിയായ ജിന്സനെ സ്വാധീനിക്കാന് ക്രിമിനല് കേസിലെ പ്രതിയുടെ സഹായത്തോടെ ബി രാമന് പിള്ള 25 ലക്ഷം രൂപയും 5 സെന്റ് ഭൂമി വാഗ്ദാനം ചെയ്തു. ഇതില് പൊലീസ് കേസ് എടുത്ത് ചോദ്യം ചെയ്യലിന് ഹാജരാകാന് ബി രാമന്പിള്ളയ്ക്ക് നോട്ടീസ് നല്കിയിട്ടും ഹാജരായില്ല.
തുടരന്വേഷണത്തിലെ പ്രധാന തെളിവാണ് ദിലീപിന്റെ ഫോണുകള്. ഈ ഫോണ് സംബന്ധിച്ച ഹര്ജി ഹൈക്കോടതിയുടെ പരിഗണനയിലിരിക്കെ ബി രാമന്പിള്ളയുടെ ഓഫീസില്വെച്ച് സൈബര് വിദഗ്ധന്റെ സഹായത്തോടെ തെളിവ് നശിപ്പിച്ചു. കേസിലെ പ്രധാന പ്രതി പള്സര്സുനി ദിലീപിന് കൈമാറാന് കൊടുത്ത കത്ത് സജിത് എന്നയാളെ സ്വാധീനിച്ച് രാമന്പിള്ള കൈക്കലാക്കി. പിന്നീട് ഈ കത്ത് ഇരിങ്ങാലക്കുടയിലെ ഹോട്ടലില്വെച്ച് തിരിച്ച് നല്കിയെന്നും കത്തില് നടി ആരോപിക്കുന്നു. എന്നെ ആക്രമിച്ച കേസില് 20 സാക്ഷികളെ അഭിഭാഷകന് ഇടപെട്ട് കൂറ് മാറ്റി. കോടതിയെ സഹായിക്കേണ്ട അഭിഭാഷകനില് നിന്ന് നീതി തടയുന്ന പ്രവര്ത്തിയാണുണ്ടായത്. ഇക്കാര്യത്തില് അന്വേഷണം നടത്തി നടപടി വേണമെന്നും പരാതിയില് ആവശ്യപ്പെട്ടു.
നടിയെ ആക്രമിച്ച കേസില് തുടക്കം മുതല് ദിലീപിന്റെ അഭിഭാഷകന് ബി രാമന്പിള്ളയ്ക്കെതിരെ അന്വേഷണം സംഘം ആക്ഷേപങ്ങളുന്നയിച്ചിരുന്നു. പിന്നാലെ വധ ഗൂഡാലോചന കേസില് അഭിഭാഷകനെ ചോദ്യം ചെയ്യാന് ക്രൈംബ്രാഞ്ച് നോട്ടീസ് നല്കിയെങ്കിലും പ്രതിഷേധത്തെ തുടര്ന്ന് നീക്കം നിലച്ചുപോകുകയായിരുന്നു. ഇതിനിടെയാണ് ആക്രമിക്കപ്പെട്ട നടി തന്നെ അഭിഭാഷകന് ബി രാമന്പിള്ളയ്ക്കെതിരെ നടപടി ആവശ്യപ്പെട്ട് ബാര് കൗണ്സിലിനെ സമീപിച്ചത്.
https://www.facebook.com/Malayalivartha
