തെരുവുനായ കുറുകെ ചാടി അപകടം പറ്റിയ ബൈക്ക് യാത്രക്കാരന് 4.48ലക്ഷം രൂപ നഷ്ടപരിഹാരം പഞ്ചായത്ത് നല്‍കണമെന്ന് ഉത്തരവ്


തെരുവുനായ കുറുകെ ചാടി അപകടം പറ്റിയ ബൈക്ക് യാത്രക്കാരന് നാല് രക്ഷം രൂപ നഷ്ടപരിഹാരം നല്‍കാന്‍ ഗ്രാമപഞ്ചായത്തിനോട് ഉത്തരവിട്ട് സിരിജഗന്‍ കമ്മിറ്റി. മണലൂര്‍ സ്വദേശി സണ്ണിക്കാണ് അന്തിക്കാട് ഗ്രാമപഞ്ചായത്താണ് തുക നല്‍കേണ്ടത്.



തെരുവുനായ അക്രമണത്തെ തുടര്‍ന്നുണ്ടാവുന്ന അപകട നഷ്ടപരിഹാരത്തിനായി സുപ്രീം കോടതി ഉത്തരവ് പ്രകാരമാണ് ജസ്റ്റിസ് സിരിജഗന്‍ കമ്മിറ്റി രൂപീകരിച്ചത്.

തെരുവുനായ ശല്യം മൂല്യമുണ്ടായ അപകട നഷ്ടപരിഹാരവുമായി ബന്ധപ്പെട്ട് നിരവധി അപേക്ഷകളാണ് സിരിജഗന്‍ കമ്മിറ്റിയ്ക്ക് മുമ്പാകെ വരുന്നത്.


അന്തിക്കാട് ആലിനടുത്ത് വച്ചാണ് സണ്ണിക്ക് അപകടം സംഭവിച്ചത്. അപകടത്തില്‍ സണ്ണിയുടെ കാല്‍ ഒടിഞ്ഞിരുന്നു. ഇതേ തുടര്‍ന്ന് പത്ത് മാസത്തോളം വിശ്രമമായിരുന്നു.
ഇതുവരെ സണ്ണിക്ക് പൂര്‍ണ്ണാരോഗ്യം വീണ്ടുകിട്ടിയിട്ടില്ല. ഇതു പരിഗണിച്ചാണ് കമ്മിറ്റിയുടെ ഉത്തരവ്. 4,47,947 ലക്ഷം രൂപയാണ് പഞ്ചായത്ത് നഷ്ട പരിഹാരം നല്‍കേണ്ടത്. തെരുവു നായ്ക്കളുടെ ഉത്തരവാദിത്ത്വം പഞ്ചായത്തിനാണെന്നും കമ്മിറ്റി വ്യക്തമാക്കിയിട്ടുണ്ട്.

പരാതി നല്‍കി ഉത്തരവ് ലഭിച്ചിട്ടും തദ്ദേശ സ്ഥാപനങ്ങള്‍ പണം നല്‍കിയില്ലെങ്കില്‍ സംസ്ഥാന സര്‍ക്കാരിനെ സമീപിയ്ക്കണമെന്നും കമ്മിറ്റി വ്യക്തമാക്കി.