കേരള സന്ദര്‍ശനത്തിനായി രാഷ്ട്രപതി രാംനാഥ് കോവിന്ദ് ഇന്ന് തലസ്ഥാനത്തെത്തും. ഇന്ന് രാത്രി 8.30ന് തിരുവനന്തപുരം ശംഖുംമുഖം വ്യോമസേനാവിമാനത്താവളത്തിന്റെ ടെക്‌നിക്കല്‍ ഏരിയയില്‍ വിമാനമിറങ്ങും. നാളെ രാവിലെ 11.30ന് നിയമസഭയില്‍ ആസാദി കാ അമൃത് മഹോത്സവിന്റെ ഭാഗമായി സംഘടിപ്പിക്കുന്ന ദേശീയ വനിതാസാമാജിക സമ്മേളനം രാഷ്ട്രപതി ഉദ്ഘാടനം ചെയ്യും.

ഉച്ചഭക്ഷണത്തിന് ശേഷം രാജ്ഭവനില്‍ വിശ്രമിക്കും. വൈകിട്ട് അഞ്ചിന് പൂനെയ്ക്ക് മടങ്ങും. ഇന്ന് രാത്രിയെത്തുന്ന രാഷ്ട്രപതിയെ ഗവര്‍ണര്‍ ആരിഫ് മുഹമ്മദ് ഖാന്‍, മുഖ്യമന്ത്രി പിണറായി വിജയന്‍ എന്നിവര്‍ ചേര്‍ന്ന് സ്വീകരിക്കും.

തുടര്‍ന്ന് രാജ്ഭവനിലെത്തി വിശ്രമം. വ്യാഴാഴ്ച രാവിലെ 11.30ന് നിയമസഭയിലെ പരിപാടി ഉദ്ഘാടനം ചെയ്യുന്നതല്ലാതെ മറ്റ് പരിപാടികളൊന്നും നിശ്ചയിച്ചിട്ടില്ല. .രാഷ്ട്രപതി നാളെ രാവിലെ 11.30ന് തിരുവനന്തപുരത്തെത്തുമെന്നാണ് നേരത്തേ അറിയിച്ചിരുന്നത്.

വിമാനമിറങ്ങി നേരേ നിയമസഭാമന്ദിരത്തിലെത്തി 12 മണിയോടെ വനിതാ സാമാജിക സമ്മേളനം ഉദ്ഘാടനം ചെയ്യാനും രാജ്ഭവനിലെ വിശ്രമത്തിന് ശേഷം വെള്ളിയാഴ്ച രാവിലെ ഡല്‍ഹിക്ക് മടങ്ങാനുമായിരുന്നു ധാരണ.

രാഷ്ട്രപതിഭവനില്‍ നിന്ന് ഇന്നലെ രാവിലെയാണ് പുതുക്കിയ സമയക്രമീകരണം സംസ്ഥാന സര്‍ക്കാരിനെ അറിയിച്ചത്.