പമ്പയില് ഞങ്ങള് ഒന്നിച്ചു ഇതേ വേഷത്തില് അയ്യപ്പന് മാരെ കൊണ്ടുപോയിട്ടുണ്ട്... ചെട്ടികുളങ്ങര ഉത്സവ സ്പെഷ്യല് സര്വീസ് പോയിട്ടുണ്ട് ഇതേ വേഷത്തില്.. എടത്വ പള്ളി പെരുന്നാളിന് ഭക്തരെ കൊണ്ടുപോയിട്ടുണ്ട് ഇതേ വേഷത്തില് ബീമാ പള്ളിയിലേക്ക് വിശ്വാസികളെ കൊണ്ടുപോയിട്ടുണ്ട് ഇതേ വേഷത്തില്.... യൂണിഫോം ഒഴിവാക്കി മതവേഷം ധരിച്ച് കെഎസ്ആര്ടിസി ഡ്രൈവര് ജോലി ചെയ്തുവെന്ന വ്യാജ പ്രചരണത്തിനെതിരെ ഡ്രൈവറുടെ മുന് സഹപ്രവര്ത്തകന്റെ കുറിപ്പിങ്ങനെ.....
പമ്പയില് ഞങ്ങള് ഒന്നിച്ചു ഇതേ വേഷത്തില് അയ്യപ്പന് മാരെ കൊണ്ടുപോയിട്ടുണ്ട്... ചെട്ടികുളങ്ങര ഉത്സവ സ്പെഷ്യല് സര്വീസ് പോയിട്ടുണ്ട് ഇതേ വേഷത്തില്.. എടത്വ പള്ളി പെരുന്നാളിന് ഭക്തരെ കൊണ്ടുപോയിട്ടുണ്ട് ഇതേ വേഷത്തില് ബീമാ പള്ളിയിലേക്ക് വിശ്വാസികളെ കൊണ്ടുപോയിട്ടുണ്ട് ഇതേ വേഷത്തില്.... യൂണിഫോം ഒഴിവാക്കി മതവേഷം ധരിച്ച് കെഎസ്ആര്ടിസി ഡ്രൈവര് ജോലി ചെയ്തുവെന്ന വ്യാജ പ്രചരണത്തിനെതിരെ ഡ്രൈവറുടെ മുന് സഹപ്രവര്ത്തകന്റെ കുറിപ്പിങ്ങനെ.....
. 'ഇതേ വേഷത്തില് വിവിധ ക്ഷേത്രങ്ങളിലേക്കും പളളികളിലേക്കും തങ്ങള് ഒരുമിച്ച് സര്വീസ് നടത്തിയിട്ടുണ്ട്. മനുഷ്യനോട് സാമ്യമുള്ള ചില മൃഗങ്ങള് താങ്കളെ കുറിച്ച് എന്തൊക്കെയോ പറഞ്ഞു പരത്തുന്നു' ഡ്രൈവര് പി എച്ച് അഷ്റഫിന്റെ മുന് സഹപ്രവര്ത്തകന് സൈജു ആദിനാട് ഫേസ്ബുക്കില് കുറിച്ചു.
കുറിപ്പിന്റെ പൂര്ണ്ണ രൂപമിങ്ങനെ....
''ഇത് എന്റെ കൂടെ ജോലി ചെയ്ത പി എച്ച് അഷ്റഫ്..ഒര് സാധു മനുഷ്യന്....പമ്പയില് ഞങ്ങള് ഒന്നിച്ചു ഇതേ വേഷത്തില് അയ്യപ്പന് മാരെ കൊണ്ടുപോയിട്ടുണ്ട്... ചെട്ടികുളങ്ങര ഉത്സവ സ്പെഷ്യല് സര്വീസ് പോയിട്ടുണ്ട് ഇതേ വേഷത്തില്.. എടത്വ പള്ളി പെരുന്നാളിന് ഭക്തരെ കൊണ്ടുപോയിട്ടുണ്ട് ഇതേ വേഷത്തില് ബീമാ പള്ളിയിലേക്ക് വിശ്വാസികളെ കൊണ്ടുപോയിട്ടുണ്ട് ഇതേ വേഷത്തില്... അങ്ങയെ കുറിച്ച് മനുഷ്യനോട് സാമ്യമുള്ള ചില മൃഗങ്ങള് എന്തൊക്കെയോ പറഞ്ഞു പരത്തുന്നു.. പ്രിയപ്പെട്ട അഷറഫ്... മാപ്പ്.''
മാവേലിക്കര കെഎസ്ആര്ടിസി ഡിപ്പോയിലെ ഡ്രൈവര് പി എച്ച് അഷറഫിന്റെ തെറ്റിദ്ധരിപ്പിക്കുന്ന ചിത്രം എടുത്ത് സമൂഹ മാധ്യമങ്ങളിലൂടെ പ്രചരിപ്പിച്ചതിനെതിരെ കെഎസ്ആര്ടിസി അധികൃതര് തന്നെ മറുപടി നല്കിയിട്ടുണ്ടായിരുന്നു. തെറ്റിദ്ധരിപ്പിക്കുന്ന പ്രചാരണമാണുണ്ടായതെന്ന് കെഎസ്ആര്ടിസി അധികൃതര് പത്രക്കുറിപ്പിലൂടെ വ്യക്തമാക്കി.
കഴിഞ്ഞ ദിവസമാണ് കെഎസ്ആര്ടിസി ഡ്രൈവര് മതവേഷം ധരിച്ച് ബസ് ഓടിക്കുന്ന തരത്തിലുള്ള ചിത്രം സോഷ്യല് മീഡിയയില് വ്യാപകമായി പ്രചരിച്ചത്. ഇങ്ങനെ ഒരു ചിത്രം പ്രചരിപ്പിക്കുന്നതായി ശ്രദ്ധയില്പെട്ടപ്പോള് തന്നെ കെഎസ്ആര്ടിസി വിജിലന്സ് അന്വേഷണം തുടങ്ങിയിരുന്നു. അന്വേഷണത്തില്, കെഎസ്ആര്ടിസി മാവേലിക്കര യൂണിറ്റിലെ ഡ്രൈവര് പി എച്ച് അഷറഫ് മേയ് 24ന് തിരുവനന്തപുരം - മാവേലിക്കര സര്വീസില് ഡ്യൂട്ടി നിര്വഹിക്കുന്നതിനിടെയാണ് തെറ്റിധാരണ പരത്തുന്ന രീതിയില് ചിലര് ചിത്രമെടുത്ത് പ്രചരിപ്പിച്ചതെന്നു കെഎസ്ആര്ടിസി കണ്ടെത്തി.
ജോലി ചെയ്യവെ യൂണിഫോം പാന്റിന് മുകളിലായി അഴുക്ക് പറ്റാതിരിക്കുവാന് മടിയില് വലിയ ഒരു തോര്ത്ത് വിരിച്ചിരുന്നത് പ്രത്യേക ആംഗിളില് ഫോട്ടോ എടുത്ത് തെറ്റിധാരണ ഉണ്ടാക്കുന്ന രീതിയില് പ്രചരിപ്പിക്കുകയാണ് ചെയ്തത് എന്ന് വ്യക്തമായതായി കെഎസ്ആര്ടിസി വാര്ത്താക്കുറിപ്പില് അറിയിച്ചു. താടിയും തൊപ്പിയും കൂടി കണ്ടാണ് മതവേഷമെന്ന് തെറ്റിദ്ധരിച്ചത്. താടിയും തൊപ്പിയും വയ്ക്കുന്നതില് വിലക്കില്ലെന്ന് ഡ്രൈവര് പി എച്ച് അഷറഫും പറഞ്ഞു.
അനുവദനീയമായ രീതിയില് യൂണിഫോം ധരിച്ച് കൃത്യനിഷ്ഠയോടെ ജോലി ചെയ്യുന്ന ജീവനക്കാരനെ തെറ്റിധാരണ പരത്തുന്ന രീതിയില് ചിത്രമെടുത്ത് ദുരുദ്ദേശത്തോടെ പ്രചരിപ്പിക്കുകയാണ് ഉണ്ടായത് എന്നും അന്വേഷണത്തില് വെളിവായതായി കെഎസ്ആര്ടിസി അധികൃതര് പ്രതികരിച്ചു.
"
https://www.facebook.com/Malayalivartha
