തന്നെ ആക്രമിച്ച കേസിൽ ഒരു വിട്ടു വീഴ്ച്ചയുമില്ലാത്ത സമീപനമാണ് അതിജീവിത സ്വീകരിച്ചിരിക്കുന്നത്. എത്രയും വേഗത്തിൽ തന്നെ അക്രമിച്ചവരെ നിയമം വഴി ശിക്ഷിക്കാനുള്ള തത്രപ്പാടിലാണ് നടി. അതിജീവിത ഇന്ന് മുഖ്യമന്ത്രിയെ കാണുവാനായി സെക്രട്ടറിയേറ്റിൽ വരികയാണ്. നടിയെ ആക്രമിച്ച കേസ് അട്ടിമറിച്ചെന്ന വിവാദങ്ങൾക്കിടെയാണ് ഇത്തരത്തിലൊരു നീക്കം താരം നടത്തുന്നത്.

കേസ് അട്ടിമറിക്കാനുള്ള ശ്രമങ്ങൾ നടക്കുന്നയായി അതിജീവത പരാതിയുന്നയിച്ചിരുന്നു. സർക്കാരിനെതിരായ പരാതിക്ക് പിന്നിൽ ദുരൂഹതയുണ്ടെന്ന് ഇടത് നേതാക്കൾ ആരോപിച്ചിരുന്നു. ഈ വിഷയത്തിൽ സര്‍ക്കാരിനെതിരെ പ്രതിപക്ഷമടക്കം വിമര്‍ശനമുന്നയിച്ചപ്പോഴാണ് സർക്കാരുമായി കൂടിക്കാഴ്ചക്ക് അതിജീവിത തയ്യാറെടുക്കുന്നത് .

പ്രതിയായ ദിലീപും ഭരണകക്ഷിയിലെ ഉന്നതരും ചേർന്ന് കേസ് അന്വേഷണം അട്ടിമറിക്കുന്നുവെന്നായിരുന്നു നടിയുടെ പരാതി. പ്രതിഭാഗം അഭിഭാഷകരെ പോലും ചോദ്യം ചെയ്യാതെ അന്വേഷണം അവസാനിപ്പിക്കാനുള്ള നീക്കത്തിലാണ് നടി സംശയം ഉന്നയിക്കുകയും ചെയ്തു.

കേസ് അന്വേഷണത്തിൻറെ ഗതിയിലുള്ള ആശങ്ക മുഖ്യമന്ത്രിയോട് പറയും. കേസിൽ സ്പെഷ്യൽ പ്രോസിക്യൂട്ടർ രാജിവെച്ച് മാസങ്ങൾ കഴിഞ്ഞു. എന്നിട്ടും പുതിയ നിയമനം നൽകാത്ത കാര്യവും ചൂണ്ടിക്കാട്ടുവാനിരിക്കുകയാണ്. പരാതിയെ രാഷ്ട്രീയമായി വലിച്ചിഴതിലുള്ള അതൃപ്തി അതിജീവിത മുഖ്യമന്ത്രിയെ ബോധ്യപ്പെടുത്തും.

നടിയുടെ പരാതി രാഷ്ട്രീയവിവാദമായതോടെ സിപിഎം നേതാക്കൾ നടിക്കെതിരെ തിരിഞ്ഞിരുന്നു . സർക്കാർ ഇരയെ തള്ളുകയാണെന്ന ആക്ഷേപം ശക്തമാകുന്നതിനിടയിൽ അതിജീവിത മുഖ്യമന്ത്രിയെ കാണുന്നത്.

നടിക്കൊപ്പമാണ് സർക്കാർ എന്ന് മുഖ്യമന്ത്രി വ്യക്തമായി പറഞ്ഞിട്ടുണ്ട്. ഇക്കാര്യത്തിൽ അതീജീവിതയ്ക്ക് പിണറായി വിജയന്‍ ഉറപ്പ് നല്‍കുമെന്നാണ് പ്രതീക്ഷ. നടി പരാതിയിൽ ഉന്നയിച്ച കാര്യങ്ങൾ സർക്കാർ അഭിഭാഷകൻ ഹൈക്കോടതിയിൽ തള്ളുന്ന സാഹചര്യമാണ് ഉണ്ടായത്. നടിയുടേത് അനാവശ്യ ആശങ്ക മാത്രമാണെന്ന് സർക്കാർ അഭിഭാഷകൻ വ്യക്തമാക്കി.

അന്വേഷണം നിന്നതോടെ കുറ്റപത്രം നൽകുന്നത് ഇടക്കാല ഉത്തരവിലൂടെ സ്റ്റേ ചെയ്യണമെന്ന് നടി ആവശ്യപ്പെട്ടു. പക്ഷേ ഇത് അംഗീകരിക്കാൻ ആകില്ലെന്ന് ജസ്റ്റിസ് സിയാദ് റഹ്മാൻ പറഞ്ഞു. തൃക്കാക്കര ഉപതെരഞ്ഞെടുപ്പ് സമയത്ത് നടി സർക്കാരിനെതിരെ തിരിഞ്ഞത് സര്‍ക്കാരിനെ പ്രതിരോധത്തിലാക്കിയ കാര്യമാണ്.