നാളെ സംസ്ഥാന ചലച്ചിത്ര അവാര്ഡ് പ്രഖ്യാപനം..... മത്സരരംഗത്ത് മലയാളത്തിലെ മുന്നിര താരങ്ങളടക്കം...മന്ത്രി സജി ചെറിയാനാണ് ആണ് അവാര്ഡ് ജേതാക്കളെ പ്രഖ്യാപിക്കുന്നത്, നീണ്ട നാളുകള്ക്ക് ശേഷം മലയാളത്തിലെ ഒട്ടുമിക്ക മുന്നിര താരങ്ങളും ഇത്തവണത്തെ അവാര്ഡിനായി അണിനിരക്കുന്നു.
സംസ്ഥാന ചലച്ചിത്ര അവാര്ഡ് പ്രഖ്യാപനം നാളെ വൈകിട്ട് അഞ്ച് മണിക്ക് നടക്കും. മോഹന്ലാല്, മമ്മൂട്ടി, ദുല്ഖര് സല്മാന്, പ്രണവ് മോഹന്ലാല് എന്നിവരുടെ ചിത്രങ്ങളും മത്സരത്തിന് എത്തിയിട്ടുണ്ട്. ഇന്ദ്രന്സ്, സൂരജ് വെഞ്ഞാറമൂട്, ഗുരു സോമസുന്ദരം തുടങ്ങിയവരും മത്സര രംഗത്തുണ്ട്. മമ്മൂട്ടിയുടെ മത്സര ചിത്രങ്ങളായി 'വണ്', 'ദി പ്രീസ്റ്റ്' എന്നിവയാണ് എത്തിയിട്ടുള്ളത്. 'ദൃശ്യം-2' ആണ് മോഹന്ലാല് ചിത്രം. 'കാവല്' എന്ന ചിത്രത്തിലൂടെ മികച്ച പ്രകടനം കാഴ്ചവച്ച സുരേഷ് ഗോപിയും മത്സര രംഗത്തുണ്ട്.
കൂടാതെ പൃഥ്വിരാജ്, ജയസൂര്യ, കുഞ്ചാക്കോ ബോബന്, ഫഹദ് ഫാസില്, ടോവിനോ തോമസ്, ബിജു മേനോന്, ആസിഫ് അലി, ചെമ്പന് വിനോദ്, ദിലീപ്, സൗബിന് ഷാഹിര്, നിവിന് പൊളി, സണ്ണി വെയ്ന്, ഉണ്ണി മുകുന്ദന്, അനൂപ് മേനോന് എന്നിവരുടെ ചിത്രങ്ങളുമുണ്ട്.
പ്രേക്ഷക പ്രീതി ലഭിച്ച 'ഹോം', 'ഹൃദയം', എന്നീ ചിത്രങ്ങളും. ഐഎഫ്എഫ്കെയിലടക്കം കയ്യടി നേടിയ 'നിഷിദ്ധോ' എന്ന ചിത്രവും 'ആണ്', 'ഖെദ', 'അവനോവിലോന', 'ദി പോര്ട്രെയ്റ്റ്സ്' എന്നെ ചിത്രങ്ങളും ജയരാജ് സംവിധാനത്തിലൊരുങ്ങിയ മൂന്ന് ചിത്രങ്ങളും മത്സരിക്കാനുണ്ട്. 142 സിനിമകളാണ് മത്സരത്തിനെത്തിയത്. 2 പ്രാഥമിക ജൂറികള് ചിത്രം കണ്ടതിനു ശേഷം 40 - 45 മികച്ച ചിത്രങ്ങളാണ് അന്തിമ ജൂറിക്ക് വിലയിരുത്താന് വിട്ടത്.
നടിമാരില് പാര്വതി തിരുവോത്ത്, മഞ്ജു വാര്യര്, നിമിഷ സജയന്, കല്യാണി പ്രിയദര്ശന്, അന്ന ബെന്, ദര്ശന രാജേന്ദ്രന്, രജീഷ് വിജയന്, ഗ്രേസ് ആന്റണി, ഉര്വശി, ഐശ്വര്യ ലക്ഷ്മി, മമ്ത മോഹന്ദാസ്, മീന, നമിത പ്രമോദ്, ലെന, സാനിയ ഇയപ്പന്, മഞ്ജു പിള്ള, ദിവ്യ പിള്ള, ശ്രുതി രാമചന്ദ്രന്, ശ്രുതി സത്യന്, റിയ സൈര, ഡയാന, വിന്സി അലോഷ്യസ്, ദിവ്യ എം നായര് തുടങ്ങിയവരും മത്സരത്തിനുണ്ട്.
https://www.facebook.com/Malayalivartha
