മാധ്യമങ്ങളിലൂടെ പ്രചരിക്കുന്ന വാര്‍ത്ത തെറ്റാണ്, തനിക്ക് കോവിഡ് ബാധിച്ചിട്ടില്ലെന്ന് ആരോഗ്യ മന്ത്രി വീണാ ജോര്‍ജ്. കഴിഞ്ഞ കുറച്ചു ദിവസങ്ങളായി പനി ഉണ്ടായിരുന്നു. രണ്ടു തവണ ആര്‍ടിപിസിആര്‍ പരിശോധന നടത്തിയപ്പോഴും കോവിഡ് നെഗറ്റീവ് ആയിരുന്നു. നിജസ്ഥിതി തിരക്കാതെ മാധ്യമങ്ങളിലൂടെ പ്രചരിക്കുന്ന വാര്‍ത്ത തെറ്റാണ്.

തെറ്റായ വാര്‍ത്ത മറ്റുള്ളവര്‍ക്കും ബുദ്ധിമുട്ടാകുമെന്ന് കണ്ടതുകൊണ്ടാണ് ഇത് ഇവിടെ കുറിയ്ക്കുന്നത്. ഇന്നും ടെസ്റ്റ് ചെയ്തു. നെഗറ്റീവ് ആണ്. 'ഡെങ്കി' യും നെഗറ്റീവ്. വൈറല്‍ ഫീവര്‍ ആകാമെന്നും വിശ്രമം അനിവാര്യമാണെന്നും ഡോക്ടര്‍മാര്‍ നിര്‍ദ്ദേശിച്ചു. ഈ ദിവസങ്ങളിലെ പൊതുപരിപാടികള്‍ റദ്ദാക്കിയിരുന്നു.

അനേകം പേര്‍ നേരിട്ടും അല്ലാതെയും വിളിക്കുകയും രോഗവിവരം തിരക്കുകയും ചെയ്യുന്നുണ്ട് . എല്ലാവരുടെയും സ്‌നേഹത്തിനും കരുതലിനും നന്ദി.

സ്വാതന്ത്ര്യം ഉണ്ടെന്ന് കരുതി എന്തും എഴുതി പിടിപ്പിക്കുന്ന നാറികളായി ഇന്ത്യയിലെ പത്ര മാധ്യമങ്ങള്‍ അധപതിച്ചു... എത്തിക്‌സ് ഒന്നും ഇവന്‍മാര്‍ക്ക് പ്രശ്‌നമല്ല... ആരോഗ്യ മന്ത്രിയുടെ കാര്യം ഇതാണെങ്കില്‍ സാധാരണക്കാരുടെ കാര്യം എന്ത് ആയിരിക്കും നല്ല മാധ്യമ പ്രവര്‍ത്തനം ഇത്തരത്തിലൊക്കെയാണ് മന്ത്രിയുടെ പോസ്റ്റിന് താഴെ വന്ന പ്രതികരണം.