ദേശീയപാതയില്‍ സമയക്രമത്തെ ചൊല്ലിയുള്ള തര്‍ക്കത്തെത്തുടര്‍ന്ന് ബസ് ജീവനക്കാര്‍ ഏറ്റുമുട്ടി.. നാലു പേര്‍ക്കെതിരെ കേസെടുത്ത് പോലീസ്.

സംഭവത്തില്‍ തൊഴിലാളികളായ പള്ളുരുത്തി കട്ടത്തറ സഹീര്‍ (25), ചെല്ലാനം കളത്തുമുറി വീട്ടില്‍ അനന്തു (23), പള്ളുരുത്തി കട്ടങ്ങാഴത്തു ഗരുദത്ത് (21), വെങ്ങോല കറുക്കന്‍ചേരി മുഹമ്മദ് റിയാസ് (42) എന്നിവര്‍ക്കെതിരെ കേസെടുത്തതായി പൊലീസ് .

ബസുകളും കസ്റ്റഡിയിലെടുത്തു. ഇടപ്പള്ളി ടോള്‍ ബസ് സ്റ്റോപ്പിനു സമീപം ബസുകള്‍ വട്ടംവച്ചശേഷമായിരുന്നു ആലുവയില്‍ നിന്നു കുമ്പളങ്ങിയിലേക്കും തേവരയിലേക്കും പോയിരുന്ന ബസുകളിലെ തൊഴിലാളികള്‍ ഏറ്റുമുട്ടിയത്.

ഇരു ബസുകളിലും യാത്രക്കാരുണ്ടായിരുന്നു. രാവിലെ 9.30നായിരുന്നു സംഭവം. ദേശീയപാതയില്‍ ബസ് തൊഴിലാളികളുടെ ഏറ്റുമുട്ടല്‍ ഏറെ നേരം ഗതാഗതക്കുരുക്കും ഉണ്ടാക്കുകയും ചെയ്തു.