സ്വപ്ന സുരേഷ് കസ്റ്റംസ് കേസില് നല്കിയ രഹസ്യമൊഴിയുടെ പകര്പ്പ് ആവശ്യപ്പെട്ട് ഇഡി നല്കിയ ഹര്ജി ഇന്ന് കൊച്ചിയിലെ സാമ്പത്തിക കുറ്റകൃത്യങ്ങള്ക്കുള്ള കോടതി പരിഗണനയില്
സ്വപ്ന സുരേഷ് കസ്റ്റംസ് കേസില് നല്കിയ രഹസ്യമൊഴിയുടെ പകര്പ്പ് ആവശ്യപ്പെട്ട് ഇ ഡി നല്കിയ ഹര്ജി ഇന്ന് കൊച്ചിയിലെ സാമ്പത്തിക കുറ്റകൃത്യങ്ങള്ക്കുള്ള കോടതി പരിഗണനയില്.
ഡോളര് കടത്ത് കേസിലും സ്വര്ണ്ണക്കടത്ത് കേസിലും കസ്റ്റംസ് കസ്റ്റഡിയിലിരിക്കെയാണ് സ്വപ്ന രഹസ്യ മൊഴി നല്കിയത്. ഈ മൊഴി പകര്പ്പ് ആവശ്യപ്പെട്ട് നേരത്തെ ഇഡി നല്കിയ ഹര്ജി കോടതി തള്ളിയിട്ടുണ്ടായിരുന്നു.
അന്വേഷണം നടക്കുന്നതിനാല് മറ്റ് ഏജന്സികള്ക്ക് മൊഴി പകര്പ്പ് നല്കാനാകില്ലെന്നായിരുന്നു കോടതിയുടെ നിലപാട്. എന്നാല് നിലവില് അന്വേഷണം പൂര്ത്തിയായ സാഹചര്യത്തില് ഈ പകര്പ്പ് വേണമെന്നാണ് ഇഡി ആവശ്യപ്പെട്ടിട്ടുള്ളത്
അതേസമയം കോടതിയില് സ്വപ്ന സുരേഷ് 164 എ വഴി നല്കിയ രഹസ്യമൊഴിയുടെ പകര്പ്പ് ലഭിച്ചതിന് പിന്നാലെയാണ് സ്വപ്നയെ വിശദമായി ചോദ്യം ചെയ്ത് മൊഴി രേഖപ്പെടുത്താന് ഇഡി തീരുമാനിച്ചത്. അടുത്ത ബുധനാഴ്ച കൊച്ചിയിലെ ഇഡി ഓഫീസില് ഹാജരാകാന് ആവശ്യപ്പെട്ട് ഇഡി സ്വപ്നയ്ക്ക് നോട്ടീസ് നല്കിയിട്ടുണ്ട്.
സ്വപ്ന സുരേഷ് കോടതിയ്ക്ക് നല്കിയ 27 പേജുള്ള രഹസ്യ മൊഴിയാണ് എന്ഫോഴ്സ്മെന്റിന് ലഭിച്ചിട്ടുള്ളത്. ഇഡിയുടെ കേന്ദ്ര ഡയറക്ടറേറ്റ് ഈ മൊഴി പരിശോധിച്ച് അന്വേഷണവുമായി പോകാന് കൊച്ചി യൂണിറ്റിന് നിര്ദ്ദേശം നല്കുകയും ചെയ്തു. അന്വേഷണത്തിന്റെ ആദ്യഘട്ടമായി സ്വപ്ന സുരേഷിനെയാണ് വിളിച്ച് വരുത്തുക.
കള്ളപ്പണ കേസില് ഇഡി ചോദ്യം ചെയ്തപ്പോള് വെളിപ്പെടുത്താത്ത പുതിയ വിവരങ്ങള് ഇപ്പോള് നല്കിയ 164 സ്റ്റേറ്റ്മെന്റില് ഉണ്ടെന്നാണ് ഇഡി ഉദ്യോഗസ്ഥര് നല്കുന്ന സൂചനകള് . 164 മൊഴിയിലെ വിവരങ്ങള്ക്ക് കൂടുതല് തെളിവ് ശേഖരിക്കുന്ന നടപടികളാണ് ഇപ്പോള് നടക്കുന്നത്.
"
https://www.facebook.com/Malayalivartha