ഇനിയും എത്ര അനിതമാര്‍ കേരളത്തില്‍ എത്തിയിട്ടുണ്ടെന്ന് പിണറായി സര്‍ക്കാരിന് മാത്രമേ അറിയൂ! നാരീമണികളേയും വിവാദനായികമാരേയും ഇറക്കിയ വീരസഖാവിന് മുട്ടുവിറക്കുന്നു സിപിഎം പദ്ധതികള്‍ പൊളിയുന്നു; പിണറായി മറുപടിപറയണം!
ലോക കേരളസഭാ സമ്മേളനത്തില്‍ വേറെ എത്ര അനിത പുല്ലയിമാര്‍ ഇത്തരത്തില്‍ ആള്‍ക്കൂട്ടത്തില്‍ പലരുടെ സ്വന്തം അതിഥിയായി പങ്കെടുത്തുവെന്നത് സംഘാടകര്‍ക്കും ചുമതലക്കാരായ മന്ത്രിമാര്‍ക്കും മാത്രമേ അറിയു. നിരവധി ഫ്രോഡ് കക്ഷികള്‍ കഴിഞ്ഞ ഒന്നര ദശകമായി കേരളത്തിലെ സര്‍ക്കാരുകളില്‍ പലതരം ഇടപെടലുകള്‍ നടത്തിയിട്ടുണ്ടെന്നതില്‍ ആര്‍ക്കും സംശയം വേണ്ട.
ഏതാനും നാരീമണികള്‍ മുഖ്യമന്ത്രിമാരുടെ ചെവിയില്‍ കിന്നരിക്കുന്നതും പിന്നില്‍ ചമയം ചാര്‍ത്തി നില്‍ക്കുന്നതുമൊക്കെ മലയാളികളുടെ മനസിലെ ഫ്രെയിമിട്ട ചിത്രങ്ങളാണ്. അനിത പുല്ലകയില്‍ അത്യുന്നതരുടെ പ്രിയങ്കരിയായി ലോക മലയാളി സമ്മേളനത്തെ അലങ്കരിക്കുമ്പോള്‍ അനിതയെ മലയാളികള്‍ പരിചയപ്പെടാനിടയാക്കിയ പ്രതി മോന്‍സന്‍ മാവുങ്കന്‍ ഇപ്പോഴും അകത്ത് ഗോതമ്പുണ്ട തിന്നുകയാണെന്ന സത്യം മറുന്നുകൂടാ.
സരിതയും സ്വപ്‌നയുമൊക്കെ ഓരോരോ കാലങ്ങളില്‍ സര്‍ക്കാരിന്റെയും ഭരണസിരാകേന്ദ്രങ്ങളുടെയും അകത്തളങ്ങളെ പലതരത്തില്‍ അലങ്കരിച്ചവരാണ്. ഇറ്റലിയില്‍ കഴിയുന്ന മലയാളിയായ അനിത പുല്ലയില്‍ ആരാണെന്നോ കേരള സര്‍ക്കാരില്‍ എന്താണിത്ര സ്വാധീനമെന്നോ ഇക്കാലത്തും ആര്‍ക്കും വ്യക്തമല്ല. ലോക് നാഥ് ബഹ്‌റ മുന്പ് സംസ്ഥാന പോലീസ് മേധാവിയായിരിക്കെ ഇതേ അനിത പുല്ലയിലിന് സംസ്ഥാന പോലീസ് ആസ്ഥാന കാര്യാലയത്തില്‍ കയറിവരാന്‍ ആരാളുടെയും പാസ് ആവശ്യമായിരുന്നില്ല. അത്യുന്നത പോലീസ് സാറന്‍മാര്‍ ഇതേ അനിത പുല്ലയിലിന് സല്യൂട്ട് അടിക്കുകയും മത്സരിച്ച് മാഡം മാഡം എന്നു വിളിയിക്കുകയും ചെയ്തിരുന്നു.
ഇതേ അനിത പുല്ലയില്‍ സാംസ്‌കാരിക കേരളത്തിന് എന്തു സംഭാവനയാണ് ചെയ്തുകൊണ്ടിരിക്കുന്നതെന്ന് ആര്‍ക്കും വ്യക്തമായി അറിയില്ല. പുരാവസ്തു തട്ടിപ്പുകാരനും പീഢനക്കേസിലെ പ്രതിയും പോക്‌സോ കേസില്‍ അകത്തു കിടക്കുന്നയാളുമായ മോന്‍സണ്‍ മാവുങ്കലിനെ ആദരണീയനായ പോലീസ് മേധാവി ലോക്‌നാഥ് ബഹറയെയും മറ്റ് കാക്കിപ്രഭുക്കളെയും പരിചയപ്പെടുത്തിക്കൊടുത്തത് ഇതേ അനിത പുല്ലയിലായിരുന്നുവെന്ന് കഥ. തീരുന്നില്ല ഇതേ അനിത പുല്ലയിലിനെ കഴിഞ്ഞ ലോക മലയാളി സമ്മേളനത്തിലേക്ക് ക്ഷണിച്ചതിന് കാരണഭൂതന്‍ മഹാനായ ലോക് നാഥ് ബഹറയായിരുന്നു. മോന്‍സന്റെ തട്ടിപ്പുതാവളത്തില്‍ സൂക്ഷിച്ചിരുന്ന ടിപ്പുവിന്റെ വ്യാജസിംഹാസനത്തില്‍ ഇരിക്കുകയും ഉടവാള്‍ കൈയിലേന്തി കേരളത്തെ ധന്യനാക്കുകയും ചെയ്ത മഹാമണ്ടനായ ബഹ്‌റയെ ഇപ്പോഴും കേരളത്തിനു വേണമെന്നാണ് പിണറായി വിജയന്റെ നിര്‍ബന്ധം.
മോന്‍സന്റെ നാറ്റക്കേസ് പുറത്തുവന്നതോടെ ഒറീസയിലേക്ക് മുങ്ങിയ ബഹ്‌റ അടുത്തയിടെ കൊച്ചി മെട്രോയുടെ മുതലാളിയായി കേരളത്തില്‍ വീണ്ടു പൊങ്ങിയതിനു പിന്നാലെയാണ് അനിത പുല്ലയില്‍ മഹതിയുടെ കേരളത്തിലേക്കുള്ള വരവ്. മാവുങ്കലിനെ അകത്താക്കിയശേഷം കേരളം എന്നു കേട്ടാല്‍ കലിപ്പും ചാനലുകളുടെ പേരു കേട്ടാല്‍ കലിതുള്ളലുമായിരുന്ന പുല്ലകയില്‍ ലോക മലയാളി സമ്മേളനത്തിലേക്ക് കടന്നുവന്നത് ആരുടെ താല്‍പര്യത്തിലും അനുവാദത്തിലുമായിരുന്നുവെന്ന് ഇടതു പക്ഷ സര്‍ക്കാരിനു മാത്രമേ അറിയൂ.
ലോക മലയാളി സമ്മേളത്തിലെ ക്ഷണിതാക്കളില്‍ ചിലരൊക്കെയും ഈ സര്‍ക്കാരിലെ പല ഇടതു നേതാക്കളുടെയും ബിനാമികളും സുനാമികളുമൊക്കെയാണെന്നു മനസിലാക്കാനുളള ശരാശരി ബുദ്ധി കേരളത്തിലെ അരിയാഹാരം കഴിക്കുന്ന ഏറെ മലയാളികള്‍ക്കും അറിയില്ല.
പല മന്ത്രിമാര്‍ക്കും അവരുടെ പെണ്‍മക്കള്‍ക്കും ആണ്‍മക്കള്‍ക്കും ദുബായിലും യുകെയിലും അമേരിക്കിയിലും അബുദാബിയിലുമൊക്കെയുള്ള കള്ളക്കച്ചവടത്തിലെ ദല്ലാളുകളും ബിനാമികളുമൊക്കെ ലോക മലയാളി സമ്മേളനത്തില്‍ കോട്ടും സ്യൂട്ടുമിട്ട് വന്നിരിപ്പുണ്ടെന്നും പല തരം കച്ചവടം ഉറപ്പിക്കലാണ് ഈ സമ്മേളന ദൂര്‍ത്തിന്റെ ഒരു ലക്ഷ്യമെന്നും മലയാളികള്‍ തിരിച്ചറിയണം. കച്ചവടക്കാരും ബിനാമികളും തട്ടിപ്പുകാരുമൊക്കെ മുന്‍പും ഉണ്ടായിട്ടുണ്ട്, മന്ത്രിമന്ദിരങ്ങളില്‍ നിരങ്ങിയിട്ടുണ്ട്. ഇപ്പോഴും നിരങ്ങുന്നുമുണ്ട്. ലോകമലയാളി സമ്മേളനവേദിയില്‍ എത്തിയ പല തരം കച്ചവടക്കാരും തെരഞ്ഞടുപ്പുകളിലും പാര്‍ട്ടി ഫണ്ടിലേക്ക് പരസ്യമായും നേതാക്കളുടെ പോക്കറ്റില്‍ രഹസ്യമായും ഫണ്ട് കൊടുക്കുന്നുണ്ടെന്നതില്‍ ആര്‍ക്കും സംശയം വേണ്ട.
https://www.facebook.com/Malayalivartha
