തേങ്ങയിടുന്നതിനിടെ തോട്ടി വൈദ്യുതലൈനില് തട്ടി കബഡിതാരം ഷോക്കേറ്റ് മരിച്ചു... ബന്ധുവീട്ടിലെ പറമ്പിലായിരുന്നു അപകടം നടന്നത്, ഷോക്കേറ്റ് തെറിച്ചുവീണ ഫിലിപ്പിനെ കഞ്ചിക്കോട് അഗ്നിരക്ഷാസേന ഉടന് ജില്ലാ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല
തേങ്ങയിടുന്നതിനിടെ തോട്ടി വൈദ്യുതലൈനില് തട്ടി കബഡിതാരം ഷോക്കേറ്റ് മരിച്ചു. കൊഴിഞ്ഞാമ്പാറ എരുത്തേമ്പതി പഞ്ചായത്തംഗവും കോണ്ഗ്രസ് നേതാവുമായ ലാസറിന്റെയും ജപമാല മേരിയുടെയും മകന് ഫിലിപ്പ് ആല്വില് പ്രിന്സ് (27) ആണ് മരിച്ചത്.
സംസ്ഥാന സീനിയര് കബഡിടീമിലെ അംഗവും കോയമ്പത്തൂര് രാമകൃഷ്ണകോളജില് ഫിസിക്കല് എജ്യുക്കേഷന് വിഭാഗം അവസാനവര്ഷ വിദ്യാര്ഥിയുമാണ്.
തിങ്കളാഴ്ച ഉച്ചയ്ക്ക് ഒന്നരയോടെ വാളയാര് അട്ടപ്പള്ളത്ത് ബന്ധുവായ റീത്ത തന്സിലാസിന്റെ വീട്ടിലെ പറമ്പിലായിരുന്നു അപകടം നടന്നത്.
മുളകൊണ്ട് നിര്മിച്ച തോട്ടികൊണ്ട് തേങ്ങ പറിക്കുന്നതിനിടെ, കഞ്ചിക്കോട് സബ്സ്റ്റേഷനില് നിന്നും മലബാര് സിമന്റ്്സ് കമ്പനിയിലേക്ക് പോകുന്ന 64 കെ.വി. ലൈനില് തട്ടുകയായിരുന്നെന്ന് പോലീസ്.
ഷോക്കേറ്റ് തെറിച്ചുവീണ ഫിലിപ്പിനെ കഞ്ചിക്കോട് അഗ്നിരക്ഷാസേന ഉടന് ജില്ലാ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ജില്ലാ ആശുപത്രി മോര്ച്ചറിയില്. സംസ്കാരം ഇന്ന് ഉച്ചയ്ക്ക് 12-ന് എരുത്തേമ്പതി സെന്റ് പീറ്റേഴ്സ് ചര്ച്ച് സെമിത്തേരിയില്.
"
https://www.facebook.com/Malayalivartha
