കൊല്ലം ജില്ലയില് ഇന്ന് കെഎസ്.യുവിന്റെ നേതൃത്വത്തില് വിദ്യാഭ്യാസ ബന്ദ്.... ആയൂര് മാര്ത്തോമാ കോളേജിലേക്ക് കെഎസ്.യു നടത്തിയ മാര്ച്ചിന് നേരെയുള്ള പൊലീസ് നടപടിയില് പ്രതിഷേധിച്ചാണ് വിദ്യാഭ്യാസ ബന്ദ്
കൊല്ലം ജില്ലയില് ഇന്ന് കെഎസ്.യുവിന്റെ നേതൃത്വത്തില് വിദ്യാഭ്യാസ ബന്ദ്. ആയൂര് മാര്ത്തോമാ കോളേജിലേക്ക് കെഎസ്യു നടത്തിയ മാര്ച്ചിന് നേരെയുള്ള പൊലീസ് നടപടിയില് പ്രതിഷേധിച്ചാണ് വിദ്യാഭ്യാസ ബന്ദ്.
നീറ്റ് പരീക്ഷ എഴുതാനെത്തിയ വിദ്യാര്ഥിനികളുടെ അടിവസ്ത്രം അഴിപ്പിച്ചതില് പ്രതിഷേധിച്ച് വിവിധ വിദ്യാര്ത്ഥി സംഘടനകള് നടത്തിയ മാര്ച്ച് വന് സംഘര്ഷത്തില് കലാശിച്ചിരുന്നു. സംഘര്ഷത്തില് നിരവധി പേര്ക്ക് പരിക്കേല്ക്കുകയും ചെയ്തു.
അതേസമയം പരീക്ഷയ്ക്കിടെ പെണ്കുട്ടികളുടെ അടിവസ്ത്രം അഴിപ്പിച്ച സംഭവത്തില് അറസ്റ്റിലായ അഞ്ച് പ്രതികളും റിമാന്ഡിലായി. കടയ്ക്കല് മജിസ്ട്രേറ്റ് കോടതിയാണ് ഇവരെ 14 ദിവസത്തേക്ക് റിമാന്ഡ് ചെയ്തത്.
കൂടുതല് പ്രതികളെ പിടികൂടാനുള്ളതിനാല് ജാമ്യം നില്കരുതെന്ന് പ്രോസിക്യൂഷന് വാദിച്ചു.പ്രതികള്ക്ക് ജാമ്യം നല്കുന്നത് ഭരണഘടനയുടെ ആര്ട്ടിക്കിള് 21 ന്റെ ലംഘനമെന്ന് കോടതി നിരീക്ഷിച്ചു.
നീറ്റ് പരീക്ഷയ്ക്ക് എത്തിയ വിദ്യാര്ത്ഥിനികളുടെ അടിവസ്ത്രം അഴിപ്പിച്ച സംഭവത്തില് അഞ്ച് പേര് അറസ്റ്റില്. സ്വകാര്യ ഏജന്സിയായ സ്റ്റാര് സെക്യരിറ്റി നിയോഗിച്ച മൂന്നുപേരെയും കോളജ് ശുചീകരണ ജീവനക്കാരായ രണ്ടുപേരുടെയും അറസ്റ്റാണ് രേഖപ്പെടുത്തിയത്. പരീക്ഷാ സുരക്ഷയില് മതിയായ പരിശീലനം ലഭിച്ചിട്ടില്ലാത്ത പത്തംഗ സംഘമാണ് വിദ്യാര്ത്ഥിനികളെ അപമാനിച്ചത്.
ഇന്ന് കോളജില് എത്തിയ സൈബര് പൊലീസ് സംഘം പരിശോധനയുടെ സിസിടിവി ദൃശ്യങ്ങള് ശേഖരിച്ചു. പരീക്ഷയ്ക്ക് എത്തിയ വിദ്യാര്ത്ഥിനികളുടെ അടിവസ്ത്രം അഴിപ്പിച്ച സംഭവത്തില് അധികൃതര്ക്ക് സംഭവിച്ച ഗുരുതര വീഴ്ചകളുടെ കൂടുതല് വിവരങ്ങള് പുറത്തുവന്നിരുന്നു. അറസ്റ്റ് രേഖപ്പെടുത്തിയ സമയവും രേഖകളും ഹാജരാക്കാന് കോടതി അന്വേഷണ സംഘത്തോട് നിര്ദ്ദേശിച്ചു.
അതേസമയം നീറ്റ് പരീക്ഷാ നടത്തിപ്പുമായി ബന്ധപ്പെട്ട് ലഭിച്ച പരാതികളുടെ അടിസ്ഥാനത്തില് വനിതാ കമ്മീഷന് കേസെടുത്തു. കേരളത്തിലെന്നു മാത്രമല്ല, ഇന്ത്യയിലൊരിടത്തും തന്നെ ഈ രീതിയില് പ്രാകൃതമായൊരു പരിശോധന മത്സരപ്പരീക്ഷയുമായി ബന്ധപ്പെട്ട് നടത്തുന്നത് ആരോഗ്യകരമായ പ്രവണതയല്ലെന്ന് വനിതാ കമ്മീഷന് അധ്യക്ഷ പറഞ്ഞു.
"
https://www.facebook.com/Malayalivartha
