തെന്മല ദേശീയപാതയില്‍ കാര്‍ വീട്ടിലിടിച്ച് തലകീഴായി മറിഞ്ഞു... കാറിലുണ്ടായിരുന്ന 4 വയസ്സുള്ള കുട്ടിയടക്കം മൂന്നു പേര്‍ രക്ഷപ്പെട്ടത് അത്ഭുതകരമായി.

വീട്ടുടമ തങ്കമണി വീടിന് പുറത്തേക്കു പോയ സമയത്തായിരുന്നു അപകടം നടന്നത് . ഉറുകുന്നിലെ ഒരു പള്ളിയിലെ പാസ്റ്റുറും അടൂര്‍സ്വദേശിയുമായ ജോസ് വര്‍ഗീസ്(63), ഭാര്യ ഷീല(58), കൊച്ചുമകള്‍ ജാക്വലിന്‍(4) എന്നിവരായിരുന്നു കാറിലുണ്ടായിരുന്നത്. ഇന്നലെ 1.15ന് ഉറുകുന്ന് കോളനി ജംഗ്്ഷനും പെട്രോള്‍ പമ്പിനും മധ്യേയായിരുന്നു അപകടം നടന്നത്.

അടൂര്‍ ഭാഗത്ത് നിന്ന് ഉറുകുന്ന് പള്ളിയിലേക്ക് പോകുകയായിരുന്ന കാര്‍ വീടിനു മുന്നില്‍ക്കിടന്ന കരിങ്കല്ലില്‍ തട്ടി വീട്ടിലിടിച്ച ശേഷമാണ് മറിഞ്ഞത്. വീടും കാറും പൂര്‍ണമായും തകര്‍ന്നു പോയി. കാറിനുള്ളില്‍ കുടുങ്ങിയവരെ നാട്ടുകാര്‍ എത്തിയാണ് രക്ഷപ്പെടുത്തിയത്.