തൃശൂർ എസ്റ്റേറ്റിൽ വീണ്ടും കാട്ടാനക്കൂട്ടം; തിരിഞ്ഞു നോക്കാതെ വനംവകുപ്പ്; ഭീതിയിൽ നാട്ടുകാർ
തൃശൂർ പാലപ്പള്ളി പുതുക്കാട് എസ്റ്റേറ്റിൽ വീണ്ടും കാട്ടാനക്കൂട്ടം ഇറങ്ങിയതോടെ ഭയത്തിൽ ജനങ്ങൾ. ഇവിടെ 25ലേറെ ആനക്കൂട്ടമാണ് നില ഉറപ്പിച്ചിരിക്കുന്നത്. മാത്രമല്ല കാട്ടാനക്കൂട്ടം നില ഉറപ്പിച്ചതോടെ തൊഴിലാളികൾക്ക് ജോലിക്കിറങ്ങാൻ ആയിട്ടില്ല. റബർ തോട്ടത്തിലാണ് ആനക്കൂട്ടം നിലയുറപ്പിച്ചിരിക്കുന്നത്.
അതേസമയം ജനവാസ മേഖലയിൽ ആനക്കൂട്ടം ഇറങ്ങിയ വിവരം വനം വകുപ്പിനെ അറിയിച്ചു . എന്നാൽ, ഇതുവരെയും വിവരം അറിഞ്ഞിട്ടും വനം വകുപ്പ് ഉദ്യോഗസ്ഥർ എത്തിയില്ലെന്ന് നാട്ടുകാർ പറയുന്നു. കൂടാതെ ആനക്കൂട്ടം ഉള്ള സ്ഥലത്തേക്ക് നിങ്ങൾ പോകേണ്ട എന്നാണ് വനം വകുപ്പ് പറഞ്ഞതെന്ന് നാട്ടുകാർ പറയുന്നു. ഈ മേഖലയിൽ കഴിഞ്ഞ രണ്ട് ദിവസമായി തുടർച്ചയായി കാട്ടാന കൂട്ടം ഇറങ്ങുന്നുണ്ട് എന്നതും ആശങ്കയാണ്.
കഴിഞ്ഞ ദിവസം കൊടകര വെള്ളിക്കുളങ്ങരയിൽ ആളൊഴിഞ്ഞ പറമ്പിലെ സെപ്റ്റിക് ടാങ്കിൽ വീണ് കാട്ടുകൊമ്പൻ മരിച്ചിരുന്നു. പോത്തൻചിറയിൽ വനാതിർത്തിയോട് ചേർന്ന് ആൾ താമസമില്ലാത്ത പറമ്പിലാണ് ജഡം കണ്ടെത്തിയത്. തുടർന്ന് ഫോറസ്റ്റ് ഉദ്യോഗസ്ഥർ സ്ഥലത്തെത്തി ആനയുടെ ജഡം നീക്കം ചെയ്തു. ഇവിടെ നാലുദിവസം മുമ്പ് കാട്ടാനകള് സ്ഥലത്തെത്തി പന മറിച്ചിട്ടിരുന്നു. പിന്നീടുള്ള ദിവസങ്ങളില് പനമ്പട്ട തിന്നാന് വരുന്നത് പതിവായിരുന്നെന്ന് നാട്ടുകാര് പറയുന്നു.a
https://www.facebook.com/Malayalivartha