സിപിഐയുടെ പച്ചക്കൊടി പിണറായിക്ക് സ്വപ്ന സാഫല്യം; വിലങ്ങുതടിയാകുക ഗവര്ണര് മാത്രം
സി പി ഐ മുന്നോട്ട് വച്ച നിര്ദേശങ്ങള് ലോകായുക്ത ബില്ലിലെ ഔദ്യോഗിക ഭേദഗതിയായി ഉള്പ്പെടുത്താന് തീരുമാനിച്ചതോടെ. പിണറായിക്ക് ആശ്വാസം. ലോകായുക്ത വിധി പേടിച്ച് പിണറായി വിജയന് മുന് കൈ എടുത്തു കൊണ്ടു വന്നതാണ് ലോകായുക്ത ബില്. സിപിഐ ആണ് ആദ്യം ഇതിന് വിലങ്ങുതടിയായി നിന്നത്. ഇപ്പോഴിതാ അവരും പച്ചക്കൊടി കാണിച്ചതോടെ സഭയില് വീണ്ടും ബില്ലെത്തും. സി പി ഐ മുന്നോട്ട് വച്ച നിര്ദേശങ്ങള് ലോകായുക്ത ബില്ലിലെ ഔദ്യോഗിക ഭേദഗതിയായി ഉള്പ്പെടുത്തിയാകും ഇന്ന് സഭയിലെത്തുക. ഇന്നലെ നിയമസഭയില് അവതരിപ്പിച്ച ശേഷം സബ്ജകട് കമ്മിറ്റിക്ക് വിട്ട ബില്ലില് ആണ് പിന്നീട് ഭേദഗതിക്ക് തീരുമാനമായത്. അതേസമയം സബ്ജക്ട് കമ്മിറ്റിയില് പ്രതിപക്ഷം ഭേദഗതിയെ ശക്തമായി എതിര്ത്തു. അതുകൊണ്ടുതന്നെ ഇന്നും സഭയില് ചൂടേറിയ ച!ര്ച്ചയാകും നടക്കുക.
മുഖ്യമന്ത്രിക്കെതിരായ ലോകായുക്ത ഉത്തരവുകളില് തീരുമാനമെടുക്കാന് നിയമസഭയെ അധികാരപ്പെടുത്തുന്നതാണ് സി പി ഐ കൊണ്ടുവന്ന പുതിയ ഭേദഗതി. മന്ത്രിമാര്ക്കെതിരെ ലോകായുക്ത വിധിയില് മുഖ്യമന്ത്രിക്ക് പുനപരിശോധന നടത്താം. എം എല് എമാര്ക്കെതിരെയുള്ള ഉത്തരവുകളില് സ്പീക്കര്ക്കാവും പുനഃപരിശോധന നടത്താന് അധികാരം. ഉദ്യോഗസ്ഥര്ക്കെതിരായ ലോകായുക്ത ഉത്തരവുകളില് സര്വീസ് ചട്ട പ്രകാരം സര്ക്കാര് നടപടി തീരുമാനിക്കും. ജനപ്രതിനിധികള് അല്ലാത്ത പൊതുപ്രവര്ത്തകര് നിയമത്തിന്റെ പരിധിയില് വരില്ലെന്നും ഭേദഗതിയിലുണ്ട്
പുതിയ ഭേദഗതിയോടെ സബ്ജക്ട് കമ്മിറ്റി റിപ്പോര്ട്ട് ഇന്ന് ചേരുന്ന നിയമസഭയില് വയ്ക്കും. പ്രതിപക്ഷത്തിന്റെ വിയോജനക്കുറിപ്പോടെയാണ് സബ്ജക്ട് കമ്മിറ്റി റിപ്പോര്ട്ട് സഭയില് തിരിച്ചെത്തുക. പ്രതിപക്ഷ നേതാവ് വി ഡി സതീശന്, മുസ്ലീം ലീഗ് കക്ഷിനേതാവ് പി കെ കുഞ്ഞാലിക്കുട്ടി എന്നിവരാണ് സബ്ജക്ട് കമ്മിറ്റിയിലെ പ്രതിപക്ഷ പ്രതിനിധികള്. ജുഡീഷ്യറിയുടെ അധികാരം കവര്ന്നെടുക്കുന്നതാണ് നിയമഭേദഗതിയെന്ന വിമര്ശനത്തോടെയാണ് പ്രതിപക്ഷം ബില്ലിനോട് വിയോജിക്കുന്നത്.
അതേസമയം വിവാദങ്ങള്ക്കിടെ ലോകായുക്ത ബില് ഇന്നലെ നിയമസഭയില് അവതരിപ്പിച്ചപ്പോള് തന്നെ ശക്തമായ പ്രതിഷേധമറിയിച്ച് പ്രതിപക്ഷ നേതാവ് രംഗത്തെത്തിയിരുന്നു. ജുഡീഷ്യറിയുടെ അധികാരം എക്സിക്യൂട്ടീവിന് കവരാനുള്ളതാണ് ഭേദഗതിയെന്നാണ് നിയമമന്ത്രി പി രാജീവ് അവതരിപ്പിച്ച ബില്ലിനെക്കുറിച്ച് സതീശന് പറഞ്ഞത്. ജുഡീഷ്യല് അധികാരത്തെ കവര്ന്നെടുക്കുന്ന അപ്പലേറ്റ് അതോറീട്ടി ആയി എക്സിക്യുറ്റീവ് മാറുന്നു സുപ്രീം കോടതി ഉത്തരവുകള്ക്ക് വിരുദ്ധമായ ഭേദഗതിയാണ് വരുന്നതെന്നും ജുഡീഷ്യല് സംവിധാനത്തിന്റെ തീരുമാനം എങ്ങിനെ എക്സിക്യൂട്ടീവിന് തള്ളാന് കഴിയുമെന്നും അദ്ദേഹം ചോദിച്ചു. ഭേദഗതി ഭരണഘടനയുടെ പതിനാലാം അനുഛേദത്തിന്റെ ലംഘനമാണെന്നും സതീശന് പറഞ്ഞു. സിപിഐ മന്ത്രിമാരെും സഭയില് പ്രതിപക്ഷ നേതാവ് പരിഹസിച്ചിരുന്നു. നിങ്ങള് തമ്മില് ഉണ്ടായ സെറ്റില്മെന്റ് എന്താണെന്ന് അറിയില്ലെന്നും ദൗര്ഭാഗ്യകരമാണെന്നുമായിരുന്നു അദ്ദേഹം പറഞ്ഞത്. സിപിഐ മന്ത്രിമാര് ഇ ചന്ദ്രശേഖരന് നായരുടെ പ്രസംഗം വായിച്ചു നോക്കണമെന്നും പ്രതിപക്ഷ നേതാവ് ആവശ്യപ്പെടുകയും ചെയ്തു.
https://www.facebook.com/Malayalivartha
