സംസ്ഥാനത്ത് ഇന്ന് ആഭ്യന്തരവകുപ്പ് നിരന്തരം രൂക്ഷമായ വിമർശനങ്ങൾക്ക് ഇടയാവുകയാണ്. മാത്രമല്ല സംസ്ഥാനത്തെ ആഭ്യന്തര വകുപ്പിന്റെ ചുമതല മുഖ്യമന്ത്രിയ്ക്കായിരിക്കെയാണ് ഈ വിമർശനങ്ങൾ ഉണ്ടാവുന്നതെന്നുള്ളത് വിഷയത്തെ ​ഗൗരവമുള്ളതാക്കുന്നു.

അതേസമയം ക്രമസമാധാനപാലനം കൃത്യമായി പുലരേണ്ടത് ജനാധിപത്യ സമൂഹത്തിലെ ജനങ്ങളുടെ സ്വൈര്യ ജീവിതത്തിന് അത്യാവശ്യമാണ്. ഇതിനോടൊപ്പം ചേർത്തു വായിക്കേണ്ടതാണ്, ഇന്നലെ ഭക്ഷ്യ വകുപ്പ് മന്ത്രി ജി ആർ അനിൽ ​ഗിരിലാൽ എന്ന സി ഐ യുമായി ന‌ടത്തിയ ഫോൺ സംഭാഷണം.

സംസ്ഥാനത്ത് നടന്ന ഗൗരവമായൊരു വിഷയത്തിൽ ഒരു ജനപ്രതിനിധി എന്ന നിലയില‍ ഇടപ്പെട്ട മന്ത്രിയ്ക്ക് നേരിടേണ്ടിവന്നത് തീർത്തും മോശമായ അനുഭവമാണ്. എന്നാൽ സംസ്ഥാനം ഭരിക്കുന്ന മന്ത്രിയ്ക്ക് ഒരു സിഐ യിൽ നിന്ന് ഇത്രയും നേരിടേണ്ടി വന്നാൽ സാധാരണക്കാരുടെ അവസ്ഥ പിന്നെ പറയുകയേ വേണ്ട.