ആകാംക്ഷയോടെ പ്രവാസികൾ..! വിമാനക്കമ്പനികളെ വെട്ടിലാക്കി ആ വാർത്ത, ഗള്ഫ് രാജ്യങ്ങളില് നിന്നും ഇന്ത്യയിലേക്ക് ഉയര്ന്ന വിമാന ടിക്കറ്റ് നിരക്ക്, ഡിജിസിഎയോട് ഹാജരാകാന് ആവശ്യപ്പെട്ട് ഹൈക്കോടതി...!
പ്രവാസികൾ നിരന്തരമായി അവശ്യപ്പെടുന്ന കാര്യമാണ് വിമാന ടിക്കറ്റ് നിരക്ക് കുറയ്ക്കണമെന്നത്. ഉയർന്ന വിമാന നിരക്കിൽ പരിഹാരം കണ്ടെത്തുന്നതിനായി കേരള പ്രവാസി അസോസിയേഷൻ ഹൈക്കോടതിയിൽ റിട്ട് ഹർജി സമർപ്പിച്ചിരുന്നു. ഗള്ഫ് രാജ്യങ്ങളില് നിന്നും ഇന്ത്യയിലേക്കുളള യാത്രക്ക് ഉയര്ന്ന വിമാന യാത്രാനിരക്ക് ഈടാക്കുന്നത് ചോദ്യംചെയ്ത് അസോസിയേഷൻ സമര്പ്പിച്ച ഹര്ജിയില് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ)യോട് ഹാജരാകാന് ആവശ്യപ്പെട്ട് ഡല്ഹി ഹൈക്കോടതി.
ഡല്ഹി ആസ്ഥാനമായി പ്രവര്ത്തിക്കുന്ന സംഘടനയായ കേരള പ്രവാസി അസോസിയേഷനാണ് ഹര്ജി സമര്പ്പിച്ചത്. 1937 എയര്ക്രാഫ്റ്റ് നിയമം 135(1) അവ്യക്തവും ആപേക്ഷികവും ഭരണഘടനാവിരുദ്ധവുമാണെന്ന് ചൂണ്ടിക്കാട്ടിയാണ് ഹര്ജി.ഉയര്ന്ന നിരക്ക് ഈടാക്കുന്നത് ഡിജിസിഎ ഇടപെട്ട് പരിഹരിക്കണമെന്നും ഹർജിയിൽ ആവശ്യപ്പെട്ടു. ഗള്ഫ് രാജ്യങ്ങളില് നിന്നും ഇന്ത്യയിലേക്ക് പ്രത്യേകിച്ച് കേരളത്തിലേക്ക് യാത്രചെയ്യുന്നവരില് നിന്നും അധിക വിമാനയാത്രക്കൂലിയാണ് ഈടാക്കുന്നതെന്ന് ഹര്ജിയില് പറയുന്നു.
എയര്ക്രാഫ്റ്റ് നിയമം 134 ന്റെ സെക്ഷന് (1), (2) പ്രവര്ത്തന നിരക്ക്, സര്വ്വീസിന്റെ രീതി, ന്യായീകരിക്കാവുന്ന ലാഭം ഉള്പ്പടെയുള്ള നിര്ണ്ണായക ഘടകങ്ങള് സംബന്ധിച്ചാണ് പ്രസാതാവിക്കുന്നത്. എയര്ലൈനുകള് കൂടുതല് നിരക്ക് ഈടാക്കുന്നുണ്ടെങ്കില് അവര്ക്ക് നിര്ദേശങ്ങള് നൽകാന് ഡിജിസിഎ തയ്യാറാകണമെന്നും ഹര്ജിയില് ആവശ്യപ്പെടുന്നു.എയര്ക്രാഫ്റ്റ് നിയമം 135(4) പ്രകാരം അധിക നിരക്ക് ഈടാക്കുന്നെങ്കില് അതു സംബന്ധിച്ച് വിമാന കമ്പനികള്ക്ക് നിര്ദേശങ്ങള് നൽകാന് അധികാരപ്പെടുത്തുന്നതാണ്.
അടിയന്തിരമായി ഉയര്ന്ന നിരക്ക് ഈടാക്കുന്നതില് നിന്നും ഇടക്കാല ആശ്വാസം നൽകാന് ആവശ്യപ്പെടണം അല്ലാത്തപക്ഷം നിയമത്തിന്റെ 135(1) വകുപ്പ് റദ്ദാക്കുകയോ വേണമെന്ന് സംഘടന ആവശ്യപ്പെട്ടു.ജോലിക്കും, ബിസിനസ് ആവശ്യങ്ങള്ക്കും വിദ്യാഭ്യാസത്തിനുമായി ഗള്ഫ് രാജ്യങ്ങളില് നിന്നും ഇന്ത്യയിലേക്കും തിരിച്ചും യാത്ര ചെയ്യേണ്ടി വരുന്നവര് ഉയര്ന്ന യാത്രാനിരക്കാണ് നൽകേണ്ടി വരുന്നത്
. പ്രവാസികളായ ഇന്ത്യന് പൗരന്മാരുടെ അവകാശങ്ങള് ലംഘിക്കുന്നതാണ് ഉയർന്ന വിമാന നിരക്കെന്നും ഹര്ജിയിൽ പറയുന്നു. മുതിര്ന്ന സുപ്രീം കോടതി അഭിഭാഷകനും കെഎന്പിഎം ലോ പാര്ട്ണറുമായ കുര്യാക്കോസ് വര്ഗ്ഗീസ് ആണ് പ്രവാസി സംഘടനക്കുവേണ്ടി ഹാജരായത്.
https://www.facebook.com/Malayalivartha