സംസ്ഥാന സർക്കാരിനെതിരെ വീണ്ടും രൂക്ഷ വിമർശനവുമായി ബി ജെ പി സംസ്ഥാന അധ്യക്ഷൻ കെ സുരേന്ദ്രൻ. സർക്കാർ ലോകായുക്തയുടെ കഴുത്ത് ഞെരിച്ച് കൊല്ലുവെന്ന് അദ്ദേഹം ആരോപിച്ചു. സർക്കാർ നീക്കം ജനാധിപത്യത്തിന് ഭീഷണിയാണ്.ലോകായുക്ത നിയമഭേതഗതി എന്നത് നിയമവാഴ്ചയോടുള്ള വെല്ലുവിളിയാണ. പ്രളയ ഫണ്ട് തട്ടിപ്പിൽ അന്വേഷണം മുന്നിൽ കണ്ടാണ് സർക്കാരിന്റെ നടപടി.കേരളത്തിൽ ഈ നീക്കം വില പോകില്ലെന്നും അദ്ദേഹം കൂട്ടിച്ചേർത്തു.

കണ്ണൂർ വിസിക്കെതിരെ അന്വേഷണമില്ലാത്ത നടപടി മര്യാദകേടാണ്. ഗവർണറെ വകവരുത്താൻ നീക്കമുണ്ടായി. എന്നിട്ടും സർക്കാർ അന്വേഷണമില്ല. ഭയമില്ലെങ്കിൽ എന്തുകൊണ്ടാണ് അന്വേഷിക്കാത്തത്. സർവകലാശാല നിയമനങ്ങൾ ചട്ടങ്ങൾ ലംഘിച്ചാണെന്ന് കണ്ടെത്തിയതോടെയാണ് ഗവർണർക്കെതിരെയുള്ള ഈ ആക്രോശമെന്നും അദ്ദേഹം കുറ്റപ്പെടുത്തി. ഗവർണർക്ക് നീതി ഇല്ല എങ്കിൽ ഏത് പൗരനാണ് നീതി ലഭിക്കുക. ഗവർണർക്കെതിരെ ആക്ഷേപവുമായി സിപിഐഎം ഇറങ്ങിയിട്ടുണ്ട്. അദ്ദേഹം ഉന്നയിച്ച കാര്യങ്ങളിൽ മറുപടിയില്ലെന്നും അദ്ദേഹം പറഞ്ഞു.