മൊബൈല്‍ ക്യാമറ വച്ച് പെണ്‍കുട്ടി കുളിക്കുന്ന ദൃശ്യം പകര്‍ത്തിയ യുവാവ് അറസ്റ്റില്‍
മൊബൈല്‍ ക്യാമറ വച്ച് പെണ്‍കുട്ടി കുളിക്കുന്ന ദൃശ്യം പകര്‍ത്തിയ യുവാവ് അറസ്റ്റില്‍. കുളിമുറിയുടെ വെന്റിലേഷനിലൂടെ പെണ്‍കുട്ടി കുളിക്കുന്ന ദൃശ്യം മൊബൈല്‍ ഫോണിലൂടെ പകര്‍ത്തിയ െ്രെഡവിങ് പരിശീലകനായ യുവാവാണ് അറസ്റ്റിലായത്. ചിങ്ങോലി ഗ്രാമപ്പഞ്ചായത്ത് ഓഫീസിനു സമീപം ഷഹനാസ് മന്‍സിലില്‍ ഷഹനാസ് ഷാഹുല്‍ എന്ന 26കാരനാണ് പിടിയിലായത്.
നഗരസഭ 21ാം വാര്‍ഡിലെ വീട്ടില്‍ ശനിയാഴ്ച രാത്രി ഒന്‍പതരയോടെയാണ് സംഭവം. വീടിനു പുറത്തു നിന്ന് കുളിമുറിയുടെ വെന്റിലേഷനിലൂടെയാണ് പ്രതി പെണ്‍കുട്ടി കുളിക്കുന്ന ദൃശ്യം പകര്‍ത്തിയത്. ഇതിനിടെ വെന്റിലേഷനില്‍ മൊബൈല്‍ ഫോണ്‍ കണ്ട പെണ്‍കുട്ടി ബഹളംവെച്ചതോടെ പ്രതി ഇവിടെ നിന്നും കടന്നു കളയുകയായിരുന്നു.
തുടര്‍ന്ന് പെണ്‍കുട്ടി വനിതാ സെല്ലിനു പരാതി നല്‍ക്കുകയായിരുന്നു. സൈബര്‍സെല്ലിന്റെ സഹായത്തോടെ നടത്തിയ അന്വേഷണത്തിലാണ് പ്രതിയെ പിടികൂടിയത്. ഇയാളുടെ മൊബൈല്‍ ഫോണും പോലീസ് പിടിച്ചെടുത്തു. പ്രതി സമാനമായ കുറ്റകൃത്യങ്ങള്‍ നേരത്തേയും ചെയ്തിട്ടുള്ളതായി പോലീസ് പറഞ്ഞു.
https://www.facebook.com/Malayalivartha
