വയനാട്ടില് അനധികൃതമായി മുറിച്ച കോടികള് വിലമതിക്കുന്ന ഈട്ടി മരങ്ങള് കസ്റ്റഡിയിലെടുത്ത് റവന്യൂ വകുപ്പ്..ബത്തേരി തഹസില്ദാരുടെ അന്വേഷണ റിപ്പോര്ട്ടിന് മേല് ഉടന് തുടര് നടപടികള് ഉണ്ടാകുമെന്ന് ജില്ലാ കളക്ടര്
വയനാട് കൃഷ്ണഗിരിയില് അനധികൃതമായി മുറിച്ച ഈട്ടി മരങ്ങള് റവന്യൂ വകുപ്പ് കസ്റ്റഡിയിലെടുത്തു. ബത്തേരി തഹസില്ദാരുടെ അന്വേഷണ റിപ്പോര്ട്ടിന് മേല് ഉടന് തുടര് നടപടികള് ഉണ്ടാകുമെന്ന് ജില്ലാ കളക്ടര് .
. ഇതിനിടെ സംരക്ഷിത മരങ്ങള് മുറിക്കാന് ഒത്താശ ചെയ്തവര്ക്ക് എതിരെ വിജിലന്സ് അന്വേഷണം പ്രഖ്യാപിക്കണമെന്ന് ആവശ്യപ്പെട്ട് മുഖ്യമന്ത്രിക്ക് പ്രകൃതി സംഘടനകള് കത്തയച്ചു.
കോടികള് വില മതിക്കുന്ന മുറിച്ചിട്ട 13 ഈട്ടി മര തടികള് കസ്റ്റഡിയിലെടുത്തു. മര തടികള് എസ്റ്റേറ്റില് നിന്ന് കടത്തുന്നതിന് മുന്പ് ബത്തേരി തഹസില്ദാര് സ്റ്റോപ്പ് മെമ്മോ നല്കിയിരുന്നു. കൃഷ്ണഗിരി വില്ലേജ് ഓഫീസറുടെ പിന്തുണയോടെ സര്ക്കാര് ഭൂമിയില് നിന്ന് സംരക്ഷിത മരങ്ങള് മുറിച്ചെന്നാണ് ബത്തേരി തഹസില്ദാരുടെ കണ്ടെത്തല്. ഈ അന്വേഷണ റിപ്പോര്ട്ട് ജില്ലാ കളക്ടര് അംഗീകരിച്ചാല് വില്ലേജ് ഓഫീസര്ക്കെതിരെ നടപടി ഉണ്ടായേക്കും.
മരം മുറിക്കാന് അപേക്ഷ നല്കിയ പാണ്ടാ ഫുഡ്സ് കമ്പനി ഉടമകള്ക്കെതിരെയും കൂട്ടു നിന്ന ഉദ്യോഗസ്ഥര്ക്കെതിരെയും ക്രിമിനല് കേസ് എടുക്കണമെന്നആവശ്യപ്പെട്ട് പ്രകൃതി സംരക്ഷണ സമിതി . ജന്മ ഭൂമിയാണെന്ന് തെളിയിച്ച് ഈട്ടി മരം മുറിക്കാന് വേണ്ടി 6 മാസങ്ങള്ക്ക് മുന്പ് വ്യാജ ആധാരം ചമച്ചെന്നും പരാതിയുണ്ട്. മലന്തോട്ടം എസ്റ്റേറ്റിലെ റവന്യൂ ഭൂമിക്ക് പട്ടയം അനുവദിക്കുന്നതുമായി ബന്ധപ്പെട്ട് ഹൈക്കോടതിയില് ഏറെകാലമായി കേസ് നടക്കുകയാണ്.
https://www.facebook.com/Malayalivartha
