ഇ.പി.ജയരാജനെ ട്രെയിനില് വച്ച് വധിക്കാന് ശ്രമിച്ചെന്ന കേസില് കുറ്റവിമുക്തനാക്കണമെന്നാവശ്യപ്പെട്ട് കെ.സുധാകരന് നല്കിയ ഹര്ജിയില് ഇന്ന് ഹൈക്കോടതി അന്തിമ വാദം കേള്ക്കും...
ഇ.പി.ജയരാജനെ ട്രെയിനില് വച്ച് വധിക്കാന് ശ്രമിച്ചെന്ന കേസില് കുറ്റവിമുക്തനാക്കണമെന്നാവശ്യപ്പെട്ട് കെ.സുധാകരന് നല്കിയ ഹര്ജിയില് ഹൈക്കോടതി ഇന്ന് അന്തിമ വാദം കേള്ക്കും.
കേസിലെ വിചാരണ നടപടി 2016ല് ഹൈക്കോടതി സ്റ്റേ ചെയ്തെങ്കിലും തുടര് വാദമുണ്ടായിരുന്നില്ല. വര്ഷങ്ങളായി ഹൈക്കോടതിയില് നില്ക്കുന്ന കേസില് ഉടന് തീര്പ്പുണ്ടാക്കണം എന്ന് സര്ക്കാര് ആവശ്യപ്പെട്ടതിനെ തുടര്ന്നാണ് കോടതി ഇന്ന് കേസില് അന്തിമ വാദം കേള്ക്കാനൊരുങ്ങുന്നത്.
ഹര്ജി തീര്പ്പാക്കുന്നതില് കാലതാമസം ഉണ്ടാകുന്നത് വിചാരണ നടപടികള് വൈകുന്നതിനു കാരണമാകുന്നുവെന്നായിരുന്നു സര്ക്കാരിന്റെ വാദം. 1995 ഏപ്രില് 12 ന് രാജധാനി എക്സ്പ്രസില് യാത്ര ചെയ്യവെ ആന്ധ്രാപ്രദേശിലെ ഒംഗോളില് വച്ച് ജയരാജനെ ഗുണ്ടാ സംഘം വെടിവച്ചു കൊല്ലാന് ശ്രമിച്ച സംഭവമാണ് കേസിനാധാരം.സംഭവത്തില് സുധാകരന് ഗൂഢാലോചന നടത്തിയെന്നാണ് കേസ്. ഇടതുമുന്നണി കണ്വീനര് ഇ.പി.ജയരാജനെതിരായ വധശ്രമ കേസില് പരാതിക്കാരായ യൂത്ത് കോണ്ഗ്രസ് പ്രവര്ത്തകര് ഫര്സീന് മജീദും നവീന്കുമാരും മൊഴി നല്കി .
കൊല്ലം പൊലീസ് ക്ലബിലെത്തിയാണ് ഇരുവരും മൊഴി നല്കിയത്. മുഖ്യമന്ത്രിയെ വധിക്കാന് ശ്രമിച്ചെന്ന കേസിലെ ജാമ്യ വ്യവസ്ഥയില് ഫര്സിന് തിരുവനന്തപുരം ജില്ലയില് പ്രവേശിക്കുന്നതിന് വിലക്കുള്ളതിനാലാണ് കൊല്ലത്ത് വച്ച് മൊഴിയെടുക്കുന്നത്. ജീവന് ഭീഷണിയുണ്ടെന്നും യാത്രയ്ക്ക് പോലീസ് സംരക്ഷണം നല്കണമെന്നും ആവശ്യപ്പെട്ട് ഫര്സീന് ഡി.ജി.പിക്ക് കത്ത് നല്കിയിരുന്നു. എന്നാല് സംരക്ഷണം നല്കിയില്ല. തനിക്ക് വധ ഭീഷണി ഉണ്ടെന്നും ഫര്സീന് മജീദ് പറഞ്ഞു . നേരത്തെ അന്വേഷണ ഉദ്യോഗസ്ഥന് മുന്നില് ഹാജരാകാനായി രണ്ട് തവണ വലിയതുറ പൊലീസ് നോട്ടീസ് നല്കിയിട്ടുണ്ടായിരുന്നു. എന്നാല് മുഖ്യമന്ത്രിയെ വധിക്കാന് ശ്രമിച്ച കേസില് ഹൈക്കോടതി അനുവദിച്ച ജാമ്യ ഉപാധികളില് തിരുവനന്തപുരം ജില്ലയില് പ്രവേശിക്കരുതെന്ന വ്യവസ്ഥയുളളതിനാല് ഹാജരാകാന് കഴിയില്ലെന്ന് യൂത്ത് കോണ്ഗ്രസുകാര് മറുപടി നല്കി.
ഇപി ജയരാജന് നല്കിയ പരാതിയുടെ അടിസ്ഥാനത്തിലാണ് യൂത്ത് കോണ്ഗ്രസ് പ്രവര്ത്തകരെ മൊഴി രേഖപ്പെടുത്താനായി വിളിച്ചുവരുത്തിയത്. മുഖ്യമന്ത്രിക്കെതിരെ വിമാനത്തില് പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ കയ്യേറ്റം ചെയ്ത സംഭവത്തില് വധശ്രമം, മനഃപൂര്വ്വമല്ലാത്ത നരഹത്യാ ശ്രമം, ഗൂഢാലോചന, ഭീഷണിപ്പെടുത്തല് എന്നീ കുറ്റങ്ങള് ചുമത്തി തിരുവനന്തപുരം വലിയതുറ പൊലീസ് ഇ പി ജയരാജനെതിരെ കേസെടുത്തിരുന്നു
. മുഖ്യമന്ത്രിയുടെ ഗണ്മാന് അനില്കുമാര്, പിഎ സുനീഷ് എന്നിവര്ക്കെതിരെയും കേസെടുത്തിട്ടുണ്ട്. തിരുവനന്തപുരം ജെ എഫ് എം സി കോടതിയുടെ ഉത്തരവിന്റെ അടിസ്ഥാനത്തിലായിരുന്നു പൊലീസ് കേസെടുത്തത്. വിമാനത്തില് മുഖ്യമന്ത്രിക്കെതിരെ പ്രതിഷേധിച്ച് വധശ്രമക്കേസില് പ്രതികളാക്കപ്പെട്ട യൂത്ത് കോണ്ഗ്രസ് പ്രവര്ത്തകര് ഫര്സീന് മജീദും നവീന്കുമാറും നല്കിയ പരാതിയാണ് ഇപിക്ക് തിരിച്ചടിയായത്. ഇവര്ക്കെതിരായാണ് ഇപി ജയരാജന്റെയും മറ്റും പരാതി.
ഇപി ജയരാജനും മുഖ്യമന്ത്രിയുടെ പേഴ്സനല് സ്റ്റാഫ് അംഗം സുനീഷും ഗണ്മാന് അനില്കുമാറും ചേര്ന്ന് മര്ദ്ദിച്ചുവെന്ന യൂത്ത് കോണ്ഗ്രസ് പ്രവര്ത്തകരുടെ പരാതിയിലാണ് ഇപിക്കെതിരെ കേസ് എടുത്തിരിക്കുന്നത്. ക്രിമിനല് ഗൂഢാലോചന, വധശ്രമം, മനപ്പൂര്വ്വമല്ലാത്ത നരഹത്യാശ്രമം തുടങ്ങിയ കുറ്റങ്ങള് ചുമത്തിയാണ് ജാമ്യമില്ലാ വകുപ്പ് പ്രകാരം കേസെടുത്തത്. സംഭവമുണ്ടായതിന് പിന്നാലെ അനില്കുമാറിന്റെ പരാതിയില് യൂത്ത് കോണ്ഗ്രസ്സുകാര്ക്കെതിരെ മാത്രമായിരുന്നു പൊലീസ് കേസ്. ഇപിക്കെതിരെയും കേസെടുക്കണമെന്ന പ്രതിപക്ഷ ആവശ്യം പൊലീസ് തള്ളുകയായിരുന്നു.
അനില്കുമാര് ഔദ്യോഗിക കൃത്യനിര്വ്വഹണമാണ് നടത്തിയതെന്നായിരുന്നു വാദം. സദുദ്ദേശത്തോടെ പ്രതിഷേധക്കാരെ നേരിട്ട ഇപി തന്നെ രക്ഷിക്കാന് ശ്രമിച്ചെന്നായിരുന്നു മുഖ്യമന്ത്രിയുടെ ആവര്ത്തിച്ചുള്ള ന്യായീകരണം. വലിയ കുറ്റം ഇപിയാണ് ചെയ്തെന്ന് കണ്ടെത്തി ഇന്ഡിഗോ വിമാന കമ്പനിയുടെ യാത്രാ വിലക്കായിരുന്നു സര്ക്കാരിനുള്ള ആദ്യ തിരിച്ചടിയും, രണ്ടാം പ്രഹരമാണ് ഇപിക്കെതിരായ കേസും.
അതേസമയം കുറ്റവിമുക്തനാക്കണമെന്നാവശ്യപ്പെട്ട് കെ.സുധാകരന് നല്കിയ ഹര്ജിയില് തിരുവനന്തപുരം സെഷന്സ് കോടതി തള്ളിയതിനെ തുടര്ന്നാണ് കെ സുധാകരന് ഹൈക്കോടതിയെ സമീപിച്ചിരിക്കുന്നത്.
https://www.facebook.com/Malayalivartha
