വിഴിഞ്ഞത്ത് നടക്കുന്നത് രാജ്യത്തെ വികസനത്തിന് എതിരായ സമരമാണ്. ഇതിന് മുൻപിൽ സമരക്കാരും രാഷ്‌ട്രീയ പ്രവർത്തകരും ഓച്ഛാനിച്ചു നിൽക്കുന്നു.വിഴിഞ്ഞം തുറമുഖ പദ്ധതി കേരളത്തിന്റെ സ്വപ്‌ന പദ്ധതിയാണ്. ഇത് പൂർത്തിയാകാനൊരുങ്ങുമ്പോൾ പ്രതിഷേധമുയർത്തി പദ്ധതി നിർത്തിവയ്‌ക്കണമെന്ന് പറയുന്നത് ശരിയല്ല. സമരക്കാരുടെ ആവശ്യങ്ങളിൽ ഭൂരിഭാഗത്തിനും സർക്കാരിന്റെ പിന്തുണയുണ്ട്. സംഘടിത മതശക്തികൾക്ക് മുൻപിൽ സർക്കാരിനുള്ളത് മുട്ടുകുത്തുന്ന സമീപനമാണെന്നും വെള്ളപ്പള്ളി കുറ്റപ്പെടുത്തി.

കേസുകളുടെ നടുവിലൂടെയാണ് ട്രസ്റ്റിന്റെ പ്രവർത്തനങ്ങൾ മുന്നോട്ടുപോകുന്നത്. എസ്.എൻ ട്രസ്റ്റിനെ സാമ്പത്തികമായി തകർക്കാനും വികസനം തടസ്സപ്പെടുത്താനും സമ്പന്നർ പിന്താങ്ങുന്ന ലോബി പ്രവർത്തിക്കുന്നു. മൂന്ന് മാസങ്ങൾക്ക് മുൻപ് ട്രസ്റ്റിനെതിരെ 152 കേസുകളാണ് ഉണ്ടായിരുന്നത്. എന്നാൽ ഇപ്പോഴിത് 172ലെത്തി. സമ്പന്നരുടെ ലോബിയാണ് ഇതിന് പിന്നിൽ. ഇവർ പുറത്തുവരികയില്ലെന്നും വെള്ളപ്പള്ളി നടേശൻ കൂട്ടിച്ചേർത്തു.