കോതമംഗലം നെല്ലിക്കുഴി സ്വദേശി അക്ഷയ ഷാജിയ്ക്ക് സഹായ വാഗ്ദ്ധാനവുമായി ചെറുവട്ടൂർ സ്‌കൂൾ പി ടി എ. ഈ സ്കൂളിലാണ് അക്ഷയ പ്ലസ് ടു പഠനം പൂർത്തിയാക്കിയത്. 2018ൽ മികച്ച മാർക്കോടെയായിരുന്നു അക്ഷയ പ്ലസ് ടു പാസായത്.

തുടർന്ന് കോതമംഗലത്തെ കോളേജിൽ നിന്ന് എൺപത് ശതമാനം മാർക്കോടെ ബിരുദവും പൂർത്തിയാക്കി. തുടർപഠനത്തിനായി എറണാകുളത്തെ സ്വകാര്യ സ്ഥാപനത്തിൽ ചേർന്നു. ഇതിനിടയിൽ സോഷ്യൽ മീഡിയ വഴി പരിചയപ്പെട്ട യൂനസുമായി പ്രണയത്തിലാകുകയും പഠനം മുടങ്ങുകയുമായിരുന്നു.

തൊടുപുഴയിലെ ലോഡ്ജില്‍നിന്ന് എം.ഡി.എം.എയുമായി യുവതിയും യുവാവും കഴിഞ്ഞ ആഴ്ചയിലാണ് പിടിയിലായത്.രഹസ്യ വിവരത്തെ തുടര്‍ന്ന് തിങ്കളാഴ്ച രാവിലെ തൊടുപുഴ ഡിവൈഎസ്പിയുടെ നേതൃത്വത്തില്‍ ലോഡ്ജില്‍ നടത്തിയ പരിശോധനയിലാണ് ഇരുവരേയും പിടികൂടിയത്. യുവാവ് ഇതിനുമുമ്പും ലഹരിമരുന്ന് വില്‍പ്പന നടത്തിയിരുന്നു. ഇതിന്റെ അടിസ്ഥാനത്തില്‍ കഴിഞ്ഞ കുറച്ചുദിവസമായി ഇരുവരും പോലീസിന്റെ നിരീക്ഷണത്തിലായിരുന്നു.

യുവതിയും യുവാവും ഇടയ്ക്കിടെ തൊടുപുഴയിലെ ലോഡ്ജില്‍ എത്തിയിരുന്നു. പോലീസ് സംശയിക്കാതിരിക്കാന്‍ ലോഡ്ജ് കേന്ദ്രീകരിച്ച് 22-കാരിയായ അക്ഷയയെ ഉപയോഗിച്ച് വില്‍പ്പന നടത്തുകയായിരുന്നു പതിവ്. എംഡിഎംഎയുമായി എത്തിയശേഷം അത് വിറ്റുതീരുന്നതുവരെ ഇവിടെ താമസിക്കുന്നതായിരുന്നു ഇവരുടെ രീതിയെന്നും പോലീസ് പറയുന്നു.