സിഗ്നല്‍ തകരാറിൽ കുടുങ്ങി ട്രെയിൻ ഗതാഗതം. എറണാകുളത്ത് സിഗ്നലാണ് തകരാറിലായത്. ഇതേത്തുടര്‍ന്ന് സംസ്ഥാനത്ത് ട്രെയിന്‍ ഗതാഗതം അവതാളത്തിലായി. ഇതോടെ മിക്ക ട്രെയിനുകളും വൈകിയാണ് ഓടുന്നത്.

അതേസമയം തന്നെ ചില വണ്ടികള്‍ മണിക്കൂറുകളോളം പിടിച്ചിട്ടു. ഇന്ന് രാവിലെ 9.45ന് എറണാകുളം നോര്‍ത്ത് സ്‌റ്റേഷന്‍ വിടേണ്ട തിരുവനന്തപുരം ജനശതാബ്ദി മണിക്കൂറുകള്‍ പിടിച്ചിട്ടു. മാത്രമല്ല ആലപ്പുഴ എക്‌സിക്യൂട്ടിവ് എക്‌സ്പ്രസ് ഇടപ്പള്ളിയിലും നിര്‍ത്തിയിട്ടു.

അതുപോലെ സിഗ്നല്‍ തകാറിനെത്തുടര്‍ന്ന് ഏതാനും ട്രെയിനുകളുടെ സര്‍വീസ് പുനക്രമീകരിച്ചതായി റെയില്‍വേ അറിയിച്ചു. നിലവിൽ കൊല്ലം - എറണാകുളം മെമു തൃപ്പൂണിത്തുറയില്‍ യാത്ര അവസാനിപ്പിക്കാനാണ് തീരുമാനം. മംഗള നോര്‍ത്തില്‍ സര്‍വീസ് നിര്‍ത്തും.