മലയാളിയുടെ ലൈംഗികദാരിദ്ര്യത്തിന്റെ കഥകള്‍ സോഷ്യല്‍ മീഡിയയില്‍ ചവറുപോലെയാണിപ്പോള്‍? ഇന്ന് ആ ഗണത്തില്‍ പെടുത്താവുന്ന രണ്ടു സംഭവങ്ങളാണ് പുറത്തുവന്നിരിക്കുന്നത്. ഒന്ന് പുരുഷ വേശ്യയാകാനിറങ്ങിത്തിരിച്ച ഒരു യുവാവിന്റെ കഥ. മറ്റൊന്ന് വൈറലായ തേന്‍ കെണി കപ്പിള്‍സിന്റെ കഥ.

ഇന്‍സ്റ്റഗ്രാം റീല്‍സിലൂടെ പ്രശസ്തരായ ദമ്പതികളുടെ ഹണിട്രാപ്പ് കഥ ഇതിനോടകം തന്നെ കേരളം അറിഞ്ഞുകാണും. എങ്ങനെയായിരുന്നു ആ തേന്‍ കണി എങ്ങനെയാണ് ഇവര്‍ ഇതിനുള്ള ഇരകളെ കണ്ടെത്തുന്നത് അതെങ്ങനെയാണെന്നുള്ളതാണ് എല്ലാവരും തിരയുന്നത്.

സമൂഹമാധ്യമത്തില്‍ സജീവമായ ദേവുവിനും ഗോകുല്‍ ദീപിനും നിരവധി ആരാധകരുണ്ട്. വ്യത്യസ്ത ഭാവങ്ങളിലും വേഷങ്ങളിലും സമൂഹമാധ്യമത്തില്‍ പങ്കുവച്ചിരുന്ന ദൃശ്യങ്ങളുടെ വിശ്വാസ്യതയിലായിരുന്നു ഇവരുടെ തട്ടിപ്പ്. കണ്ണൂര്‍ സ്വദേശി ഗോകുല്‍ ദീപ്, ഭാര്യ ദേവു, ഇരിങ്ങാലക്കുടക്കാരായ ജിഷ്ണു, അജിത്, വിനയ്, പാല സ്വദേശി ശരത് എന്നിവരെയാണ് പാലക്കാട് സൗത്ത് പൊലീസ് പിടികൂടിയത്. ഇരിങ്ങാലക്കുടയിലെ വ്യവസായിയെ യാക്കരയിലെ വാടക വീട്ടിലെത്തിച്ച് ഭീഷണിപ്പെടുത്തി ലക്ഷങ്ങള്‍ തട്ടിയെടുക്കാന്‍ ശ്രമിച്ചത് പൊളിച്ചത് പൊലീസിന്റെ തന്ത്രങ്ങളാണ്. ഗോകുല്‍ ദീപിന്റേയും ദേവുവിന്റേയും സോഷ്യല്‍ മീഡിയയിലെ സ്വീകാര്യതയായിരുന്നു തട്ടിപ്പിന്റെ കരുത്ത്. സമ്പന്നരെ കുടുക്കാന്‍ ഹണി ട്രാപ്പ് സംഘത്തിന് ഊര്‍ജം നല്‍കിയതും ഇരുവരുടെയും പ്രകടനമാണ്. ചൂണ്ടയില്‍ കുരുങ്ങാന്‍ സാധ്യതയുള്ള ആളെന്ന് ഉറപ്പിച്ചതിനു ശേഷമാണ് ഇരിങ്ങാലക്കുടയിലെ വ്യവസായിയെ സംഘം ഇരയാക്കിയത്.

ഇരിങ്ങാലക്കുട സ്വദേശിയായ വ്യവസായിയെ മെസഞ്ചറില്‍ പരിചയപ്പെട്ട സമയത്ത് യുവതിയുടെ വീട് പാലക്കാട് ആണെന്നാണ് പറഞ്ഞിരുന്നത്. തട്ടിപ്പിന് മാത്രമായി 11 മാസത്തെ കരാറില്‍ ഒരു വീട് സംഘം പലക്കാട് യാക്കരയില്‍ സംഘം വാടകയ്ക്ക് എടുത്തു. പിന്നാലെയാണ് വ്യവസായിയെ പാലക്കാടേക്ക് വിളിച്ചുവരുത്തിയത്. ഞായറാഴ്ച രാവിലെയാണ് വ്യവസായി പാലക്കാട് എത്തിയത്. ഒലവക്കോട് വച്ച് ഇരുവരും കണ്ടുമുട്ടി.

വീട്ടില്‍ അമ്മ മാത്രമേ ഉള്ളൂ എന്നും, ഭര്‍ത്താവ് വിദേശത്തെന്നുമായിരുന്നു വ്യവസായിയെ വിശ്വസിപ്പിച്ചിരുന്നത്. വൈകീട്ടോടെ, യാക്കരയിലെ വീട്ടിലേക്ക് ഇയാളെ ക്ഷണിച്ചു. അവിടെ എത്തിയപ്പോഴാണ് കൂടെയുള്ളവര്‍ക്ക് ഒപ്പം ചേര്‍ന്നുള്ള തട്ടിപ്പ് നടന്നത്. വ്യവസായിയുടെ മാല, ഫോണ്‍, പണം, എടിഎം കാര്‍ഡ്, വാഹനം എന്നിവ കൈക്കലാക്കി. പിന്നാലെ പ്രതികളുടെ കൊടുങ്ങല്ലൂരിലെ ഫ്‌ളാറ്റില്‍ കൊണ്ടുപോയി തുടര്‍ തട്ടിപ്പിനായിരുന്നു നീക്കം.

യാത്രമധ്യേ മൂത്രമൊഴിക്കണം എന്ന് പറഞ്ഞിറങ്ങിയ ഇദ്ദേഹം ഓടി രക്ഷപ്പെടുകയായിരുന്നു. പ്രതികള്‍ ഇടയ്ക്ക് ഒത്തുതീര്‍പ്പിന് ശ്രമിച്ചെങ്കിലും വ്യവസായി വഴങ്ങിയില്ല. പാലക്കാട് എത്തി ടൗണ്‍ സൗത്ത് പൊലീസില്‍ പരാതി നല്‍കി. പിന്നാലെ പ്രതികളെ തെരഞ്ഞ പൊലീസ് കാലടിയിലെ ലോഡ്ജില്‍ നിന്ന് കസ്റ്റഡിയില്‍ എടുക്കുകയായിരുന്നു.

ഫീനിക്‌സ് കപ്പിള്‍സ് എന്നായിരുന്നു ഇവരുടെ ഇന്‍സ്റ്റാഗ്രാം ഐഡി, ഫേസ്ബുക്ക് പേജുമുണ്ട്. യുട്യൂബിലും ഈ പേരിലാണ് ഇവര്‍ അറിയപ്പെടുന്നത്. മാതൃകാ ദമ്പതികളായി ആടിപ്പാടുന്ന ഇവര്‍ സൈബര്‍ ലോകത്ത് പല വൈറല്‍ വീഡിയോകളും ചെയ്തിട്ടുണ്ട്. ഭര്‍ത്താവിന്റെ ഐശ്വര്യത്തിനായി നിറുകയില്‍ വലിയ കുങ്കുമം ഇടുന്ന ഭാര്യയെന്ന നിലയിലാണ് ദേവു ശ്രദ്ധിക്കപ്പെട്ടത്. നിരവധി റീല്‍സ് വീഡിയോകള്‍ ഈ ദമ്പതികള്‍ ചെയ്തിരുന്നു. ആഡംബര ജീവിതമാണ് നയിച്ചിരുന്നത് എന്നു സൂചിപ്പിക്കുന്നതാണ് ഇവരുടെ റീല്‍സുകളെല്ലാം.

സാധാരണ ഞരമ്പുരോഗികളെ ഇത്തരത്തില്‍ ഹണിട്രാപ്പില്‍ കുടുക്കുന്നതൊക്കെ മുമ്പു നടന്നിട്ടുണ്ടെന്നു വയ്ക്കാം എ്ന്നാല്‍ അതുക്കും മേലെയുള്ള സൈക്കോ ടീമിനെ വലയിലാക്കുന്ന പുത്തന്‍ മാഫിയ ആണ് ഇപ്പോള്‍ സോഷ്യല്‍ മീഡിയയിലെ പുതിയ താരോദയം. മെയില്‍ എക്‌സോര്‍ട്ടിങ്ങുകള്‍ക്ക് അതായത്പുരുഷവേശ്യകളെ ആവിശ്യത്തിന് കാശും ലൈഗികസുഖവും നല്‍കുന്ന വര്‍ണ്ണ ശബളാഭമായ ജീവിതമാണ് ഇവര്‍ വാഗ്ദാനം ചെയ്യുന്നത്. ഇരു ചെവി അറിയാതെ സുഖവും കിട്ടും കാശും കിട്ടും പോരെ പയ്യന്മാര്‍ക്ക്. എന്നാല്‍ സര്‍വ്വീസ് ചാര്‍ജ്ജും ഇന്‍ഷുറസും സെക്യൂരിറ്റിയും അടക്കം വന്‍തുകയാണ് പരസ്യത്തില്‍ മനം മയങ്ങിവരുന്ന ഇത്തരക്കാരെ പറ്റിച്ച് ഈ സംഘം അടിച്ചു മാറ്റുന്നത്. പണം നഷ്ടമായ വഴി പൊലീസിനോടു പറയാന്‍ നാണക്കേടായതില്‍ അബദ്ധം പറ്റുന്ന ആളുകള്‍ പുറത്ത് പറയുന്നില്ല. ആയിരക്കണക്കിന് ആളുകളെയാണ് ദിവസും ഇത്തരം തട്ടിപ്പുസംഘങ്ങള്‍ പറ്റിക്കുന്നത്.

പുരുഷവേശ്യയാകാന്‍ തയ്യാറുണ്ടോ എങ്കില്‍ ജീവിതം സുഖകരമാക്കാം എന്ന പരസ്യം കണ്ട് ക്ലിക്ക് ചെയ്ത തിരുവല്ല സ്വദേശിക്ക് നഷ്ടമായത് 15000 രൂപ. പത്തനാപുരത്ത് ഈ രീതിയില്‍ പണം നഷ്ടപ്പെട്ട യുവാവ് മറുനാടനോട് തനിക്ക് പറ്റിയ അമളിയുടെ കഥ പറഞ്ഞു.തനിക്ക് പറ്റിയ അബദ്ധം ഇനി ആര്‍ക്കും പറ്റാതെ ഇരിക്കാനാണ് ഇത് വെളിപ്പെടുത്തുന്ന് എന്ന് അഭ്യസ്തവിദ്യനായ ഇയാള്‍ പറയുന്നു. യുവാക്കളെ ആകര്‍ഷിക്കുന്ന തരത്തിലാണ് സോഷ്യല്‍മീഡിയയില്‍ മെയില്‍ എക്‌സോര്‍ട്ടിങ്ങുകള്‍ക്ക് അവസരം നല്‍കുന്നു എന്ന പരസ്യം പ്രചരിക്കുന്നത്. ഫെയിസ്ബുക്കിലും ഇന്‍സ്റ്റാഗ്രാമിലും പരസ്യവുമായി ഈ മാഫിയ തകര്‍ക്കുകയാണ്. ലിങ്കില്‍ ക്ലിക്ക് ചെയ്തു കഴിഞ്ഞാല്‍ നിങ്ങളുടെ വിവരങ്ങള്‍ വാട്ട്‌സ് അപ്പ് നമ്പരില്‍ അയക്കാന്‍ നിര്‍ദ്ദേശം ലഭിക്കും.

സുന്ദരികളായ സ്ത്രീകളുടെ ചിത്രങ്ങളാണ് വാട്ട്‌സ്അപ്പില്‍ ഡി.പി ആയി ഇട്ടിരിക്കുന്നത് ഇത് തന്നെ വ്യാജമായിരിക്കാനാണ് സാധ്യത. ഈ പറയുന്ന നമ്പരില്‍ മേസേജ് അയക്കുമ്പോള്‍ തന്നെ മറുപടി ലഭിക്കുന്ന രീതിയില്‍ ബിസിനസ് അകൗണ്ടായിട്ടാണ് ഇത് രൂപീകരിച്ചിരിക്കുന്നത്. പേര്,അഡ്രസ്, രണ്ട് ഫോട്ടോ,ജില്ല, തൊഴില്‍,കളര്‍, ഹൈറ്റ്, വെയിറ്റ്, മൊബൈല്‍ നമ്പര്‍ എന്നില അയക്കാന്‍ ഈ മേസേജില്‍ നിര്‍ദ്ദേശം ഉണ്ട്. ഞങ്ങള്‍ വിവരങ്ങള്‍ നോക്കി താങ്കള്‍ക്ക് മെയില്‍ എക്‌സോര്‍ട്ട്( പുരുഷ വേശ്യ) ജോലി ചെയ്യാന്‍ യോഗ്യത ഉണ്ടെങ്കില്‍ ബാക്കി കാര്യങ്ങള്‍ പറയാം. നിങ്ങളുടെ വിവരങ്ങള്‍ ഞങ്ങളുടെ ലേഡീസ് ക്ലൈന്റ്‌സിന് മാത്രമേ ഷെയര്‍ ചെയ്യുകയുള്ളൂ. സേഫ് ആണ്. ഫോട്ടോ ഉള്‍പ്പടെ മുകളില്‍ ചോദിച്ചിട്ടുള്ള എല്ലാ വിവരങ്ങളും സെന്‍ഡ് ചെയ്താല്‍ മാത്രമേ ഞങ്ങള്‍ മറുപടി നല്‍കുകയുള്ളൂ ഇങ്ങനെയാണ് ആദ്യത്തെ മേസേജ് വരിക.

ആദ്യ മേസേജിന് തൊട്ട് പിറകേ അടുത്ത സന്ദേശം എത്തും അത് ഇങ്ങനെയാണ്.വിവരങ്ങള്‍ നോക്കിയിട്ട് താങ്കള്‍ തിരഞ്ഞെടുക്കപെടുവാണെങ്കിലും അല്ലെങ്കിലും ഒരു ദിവസത്തിനകം മറുപടി നല്‍കുന്നതാണ്.നിങ്ങള്‍ നല്‍കുന്ന എല്ലാ വിവരങ്ങളും ഞങ്ങളുടെ ലേഡീസ് ക്ലൈന്റ്‌സിന് മാത്രമേ ഷെയര്‍ ചെയ്യുകയുള്ളൂ.വേറെ സൈറ്റുകളിലോ സോഷ്യല്‍ മീഡിയാസിലോ ഒന്നും പബ്ലിഷ് ചെയ്യില്ല. ക്ലൈന്റ്‌സിനെ കാണിച്ചു സെലക്ഷന് വേണ്ടിയിട്ടാണ് ഞങ്ങള്‍ ഈ ഒരു ദിവസം സമയം ചോദിക്കുന്നത്.ഡീറ്റെയില്‍സ് അയച്ചശേഷം ഇടയ്ക്കു ശല്യം ചെയ്തു മെസ്സേജ് അയക്കരുത്. ചിലപ്പോള്‍ ക്ലൈന്റ്‌സ് പെട്ടന്നു സെലെക്റ്റ് ചെയ്യുകയാണെങ്കില്‍ പെട്ടന്നു റിപ്ലൈ നല്‍കുന്നതാണ്.

വ്യക്തിപരമായ വിവരങ്ങള്‍ കൈമാറി കഴിഞ്ഞാല്‍ ഉടന്‍ തന്നെ മറ്റോരു നമ്പരില്‍ നിന്നും മേസേജ് എത്തും ഈ നമ്പരിലെയും വാട്ട്‌സ് അപ്പ് ഡിപി സ്ത്രികളുടെത് ആയിരിക്കും.ഈ ജോലി ചെയ്യാന്‍ രജിസ്‌ട്രേഷന്‍ ഫീസ് ആവിശ്യമുണ്ട് എന്ന് പറഞ്ഞു ഇവര്‍ തുക ആവിശ്യപ്പെടും. 3535 രൂപയാണ് ആദ്യം ആവിശ്യപ്പെടുക. അതിനായുള്ള മെസേജില്‍ ലൈംഗികബന്ധം ആവിശ്യമുള്ള കസ്റ്റമറുടെ പേരും വയസും ഉണ്ടാകും. അവര്‍ കാറില്‍ വന്നു പറയുന്ന സ്ഥലത്ത് നിന്നും നിങ്ങളെ കൊണ്ട് പോകും എന്നായിരിക്കും ആ സന്ദേശം.

താങ്കള്‍ ആദ്യം കാണേണ്ട ക്ലൈന്റ് ആണ് ഇതു. ക്ലൈന്റിനെ കാണുന്നതിന് മുന്‍പ് ഞങ്ങളുടെ സെക്യൂരിറ്റി ഡെപ്പോസിറ്റ് ആയ 3535 രൂപ ഞങ്ങള്‍ താഴേ നല്‍കിയിരിക്കുന്ന ലിങ്ക് വഴി ഡെപ്പോസിറ്റ് ചെയുക. തുടര്‍ന്ന് നിങ്ങള്‍ ഡെപ്പോസിറ്റ് ചെയ്തതിന്റെ ഫോട്ടോയോ സ്‌ക്രീന്‍ ഷോട്ടോ എടുത്ത് ഞങ്ങള്‍ക്ക് തിരിച്ചു സെന്‍ഡ് ചെയ്തു നല്‍കുക. അപ്പോള്‍ ഞങ്ങള്‍ ക്ലൈന്റിന്റെ ഡീറ്റൈല്‍ നല്‍കുന്നതാണ്. സെക്യൂരിറ്റി ഡെപ്പോസിറ്റ് ഇന്റെ കാര്യത്തില്‍ ഒരു മാറ്റവും ഇല്ല. ഈ ക്ലൈന്റ് നിങ്ങള്‍ക്ക് ഒരു സര്‍വീസിന് 18000 മുതല്‍ 27000 രൂപയില്‍ കുറയാതെ പേയ്‌മെന്റ് നല്‍കും.