കൊച്ചിയിൽ ഭക്ഷണം തൊണ്ടയിൽ കുരുങ്ങി കുഞ്ഞിന് ദാരുണാന്ത്യം. എറണാകുളം കാലടിയിലാണ് സംഭവം. ഒരു വയസായ ഹെലനാണ് മരിച്ചത്. കൈപ്പട്ടൂർ തേമാലികര മരോട്ടികൂടി ഷിന്റോ ജോസിന്റെയും റോണിയുടേയും ഇരട്ട കുട്ടികൾ ഒരാളാണ് ഹെലൻ.

അതേസമയം കുഞ്ഞുങ്ങൾക്ക് നൽകുന്ന കുറുക്കാണ് തൊണ്ടയിൽ കുരുങ്ങിയത്. കഴിഞ്ഞ ദിവസം രാത്രി കുറുക്ക് കൊടുക്കുമ്പോഴാണ് സംഭവം നടന്നത്. ഇതോടെ ഉടനെ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

തുടർന്ന് പോസ്റ്റുമാർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകി. വിദേശത്താണ് കുട്ടിയുടെ പിതാവ് ഷാന്റോ. പിതാവ് എത്തിയ ശേഷമാകും ശവസംസ്കാരം നടക്കുക.