കെഎസ്ആര്ടിസിയ്ക്ക് അമിത വേഗത ആകാമോ; കേരളത്തെ നടുക്കി അടുത്ത അപകടം
ടൂറിസ്റ്റ് ബസുകള്ക്ക് മൂക്കുകയര്: നിയമലംഘനം നടത്തുന്ന ബസുകള് നാളെ മുതല് നിരത്തുകളില് വേണ്ട, കര്ശന നിര്ദേശം നല്കി ഹൈക്കോടതി ഇന്നത്തെ ഏറ്റവും പ്രധാനപ്പെട്ട വാര്ത്തയാണിത്. ഈ ടൂറിസ്റ്റ് ബസുകള്ക്ക് മാത്രം മതിയോ ഈ മൂക്കുകയര്. ഈ വാര്ത്ത ഒന്ന് നോക്കൂ.. കെഎസ് ആര്ടിസി ബസിന്റെ അമിതവേഗത. ബസ് ലോറിയില് ഇടിച്ച് ഒരാള് മരിച്ചു. നിയമ ലംഘനം നടത്തുന്നവര് അത് ആരായാലും അവര്ക്കെതിരെ നടപടി എടുക്കണം. അതിന് കെഎസ് ആര്ടിസി എന്നോ ടൂറിസ്റ്റ് ബസ് എന്നോ ഉള്ള തരം തിരിക്കല് എന്തിനാണ്. ഇന്ത്യന് ഭരണഘടനയില് എല്ലാവര്ക്കും തുല്യ നീതി എന്നതല്ലേ പറഞ്ഞു വയ്ക്കുന്നത്.
നിയമലംഘനം നടത്തുന്ന ബസ്സുകളുടെ ഫിറ്റ്നസ് സര്ട്ടിഫിക്കറ്റ് റദ്ദാക്കണമെന്നും ഉടനടി ഡ്രൈവറുടെ ലൈസന്സ് റദ്ദാക്കണമെന്നുമാണ് ഹൈക്കോടതി ഡിവിഷന് ബഞ്ച് സര്ക്കാരിനോട് നിര്ദ്ദേശിച്ചിരിക്കുന്നത്. വടക്കഞ്ചേരി ബസ് അപകടവുമായി ബന്ധപ്പെട്ട് സ്വമേധയാ എടുത്ത കേസിലാണ് ഹൈക്കോടതി നിര്ദ്ദേശം. നിരത്തുകളില് നിയമലംഘനം നടത്തുന്ന ടൂറിസ്റ്റ് ബസുകള് നാളെ മുതല് ഓടരുത്. ഇത്തരത്തിലുള്ള വാഹനങ്ങള്ക്കെതിരെ കര്ശന നടപടി സ്വീകരിക്കാനും കോടതി നിര്ദേശിമുണ്ട്. പൊതുജനങ്ങളുടെ ജീവന് ഭീഷണിയാകുന്ന വാഹനങ്ങള്ക്കെതിരെ സൗമ്യത വേണ്ട. നിയമവിരുദ്ധമായ ശബ്ദ സംവിധാനങ്ങളോടെയുള്ള വാഹനങ്ങള് സ്കൂളിലോ ക്യാമ്പസിലോ പ്രവേശിക്കാന് പാടില്ലെ എന്നൊക്കെയാണ് ഹൈക്കോടതി നിര്ദേശം. വളരെ ശരിയായ ഇടപെടലാണ് ബഹുമാനപ്പെട്ട ഹോക്കോടതി ഈ സമയത്ത് സ്വീകരിക്കത്. അക്കാര്യത്തില് ഒരു സംശയവും ഇല്ല. എന്നാല് ഈ ഉത്തരവില് കെഎസ്ആര്ടിസിയെയും കൂടി കോടതി ഉള്പ്പെടുത്തണമായിരുന്നു. ടൂറിസ്റ്റ് ബസുകള് ഓടുന്നതുപോലെ ടയറുരുണ്ട് തന്നെയാണ് കെഎസ് ആര്ടിസിയും ഓടുന്നത്. അതിനും എഞ്ചിനുണ്ട്. കാണാനും അതുപോലെയൊക്കെ തന്നെയാണ്, എന്നാല് നടപടി ടൂറിസ്റ്റ് ബസുകള്ക്കെതിരെ മാത്രമെന്നത് എന്തു നീതിയാണെന്ന ചോദ്യം വളരെ പ്രസക്തമാണ്.
ഇന്ന് കേരളം വളരെ ഗൗരവകരമായി ചര്ച്ച ചെയ്യേണ്ട ഒരു വാര്ത്തയാണ് അരീക്കാടിന് സമീപം നടന്ന കെഎസ്ആര്ടിസി ബസ് സൃഷ്ടിച്ച അപകടം. കെ എസ് ആര് ടി സി ബസ് ലോറിയില് ഇടിച്ചാണ് ഒരാള് മരിച്ചത്. കോഴിക്കോടിന് സമീപം അരീക്കാട് ആണ് അപകടമുണ്ടായത്. പാലക്കാട് സ്വദേശി ഷഫീക്കാണ് മരിച്ചത്. പുലര്ച്ചെ അഞ്ച് മണിയോടെയായിരുന്നു സംഭവം. അപകടത്തില് ബസ് ഡ്രൈവര് ഉള്പ്പടെ അഞ്ച് പേര്ക്ക് പരിക്കേല്ക്കുകയും ചെയ്തു. പരിക്കേറ്റവരെ കോഴിക്കോട് മെഡിക്കല് കോളേജിലും സ്വകാര്യ ആശുപത്രിയിലുമായി പ്രവേശിപ്പിച്ചു. ലോറിയില് നിന്ന് ലോഡ് ഇറക്കുന്നതിനിടെയാണ് കെ എസ് ആര് ടി സി ബസ് ഇടിച്ചത്. ഇടിയുടെ ആഘാതത്തില് ഷെഫീഖ് റോഡില് തെറിച്ചുവീണു. ബസിന്റെ അമിതവേഗതയാണ് അപകടത്തിന് കാരണമെന്ന ദൃക്സാക്ഷികള് പറയുന്നത്.
നിരത്തുകളില് ഉണ്ടാകുന്ന അപകടങ്ങളില് വാഹനത്തിനുള്ളിലെ ഫിറ്റിംസുകളിലെ നടപടി അപകടം കുറയ്ക്കുമോ എന്ന ചോദ്യമാണ് സാമാന്യ ബോധമുള്ളവര് ചോദിക്കുന്നത്. അക്കാര്യങ്ങളില് കൃത്യമായ നടപടി വേണം അതിനേക്കാളൊക്കെ പ്രാധാന്യം ബസുകളുടെ ഫിറ്റ്നസ്സ് പരിശോധനയും. യാത്രകള്ക്കു മുമ്പുള്ള എവിഡിയുടെ പരിശോധനയൊക്കെയല്ലേ.. അങ്ങനെ വന്നാല് കേരളത്തിലെ ഒരു കെഎസ് ആര്ടിസി ബസ്സും നമ്മുടെ നിരത്തുകളിലൂടെ ഓടില്ല. ഇക്കാര്യം അറിയാവുന്നതുകൊണ്ടാണോ എന്തോ കോടതി ഇങ്ങനെ ഒരു ഉത്തരവ് ഒരു വിഭാഗത്തെ മാത്രം ലക്ഷ്യം വച്ച് പറഞ്ഞത് എന്നാണ് പൊതു ജനം ചോദിക്കുന്നത്.
അതേസമയം ബസ്സിനുള്ളിലെ സജ്ജീകരണങ്ങള് കോടതിയില് ചര്ച്ചയായിരുന്നു. ഈ ലൈറ്റും സൗണ്ട് സിസ്റ്റവുമുള്ള വാഹനങ്ങള് വിദ്യാര്ത്ഥികളാണ് ആവശ്യപ്പെടുന്നതെന്ന് സര്ക്കാര് അഭിഭാഷകന് കോടതിയെ അറിയിച്ചപ്പോള്, ഫ്ലാഷ് ലൈറ്റും ഡിജെ സംവിധാനവും അനുവദിക്കുന്നതെങ്ങനെ എന്നാണ് കോടതി ചോദിച്ചത്. വിദ്യാര്ഥികള് ഇത്തരം ബസ്സുകളില് വിനോദയാത്ര പോകേണ്ടതില്ല എന്ന് വ്യക്തമാക്കിയ കോടതി, രക്ഷിതാക്കളുടെ നിലവിളി ആര് കേള്ക്കും എന്ന ചോദ്യമാണ് ഉയര്ത്തിയത്.
അതേസമയം ഇതേ ചോദ്യം കെഎസ് ആര്ടിസി അധികൃതരോടും ബഹുമാനപ്പെട്ട കോടതി ചോദിക്കണം എന്ന ആവശ്യം ഉയരുകയാണ്. ഇങ്ങനെ ലക്കും ലഗാനവും ഇല്ലാതെ നിരത്തുകളില് പായുന്ന കെഎസ് ആര്ടിസി ബസുകള്ക്ക് ആര് മുക്കുകയറിടും. അന്തരീക്ഷ മലിനീകരണവും അതിനേക്കാളേറെ ഒരു ഫിറ്റ്നസ്സും ഇല്ലാതെ റോഡിലിറങ്ങുന്ന കെഎസ് ആര്ടിസി ബസ്സുകളാണ് ഇത്തരത്തിലുള്ള അപകടങ്ങള് സൃഷ്ടിക്കുന്നത്. ഇതിലൂടേ പൊലിയുന്ന ജീവനുകളും ജീവനുകളാണ്. അതില് ജാതിയോ മതമോ ഐത്തമോ കാണേണ്ടതില്ല. കോടതിയ്ക്ക് മാത്രമേ ഇക്കാര്യത്തില് ഇടപെടാനാകൂ.. ടൂറിസ്റ്റ് ബസ് അപകടത്തില് സ്വമേധയാ കോടതി കേസെടുത്തപോലെ. ഈ അപകടത്തിലും കേസെടുത്ത് ഇനി ഇത്തരം സാഹചര്യങ്ങള് ഉണ്ടാകുന്നത് തടയണം എന്നതാണ് പൊതു ജനങ്ങളുടെ ആവശ്യം
https://www.facebook.com/Malayalivartha
