വിവാഹ വാഗ്ദാനം നല്കി പീഡിപ്പിച്ചെന്ന പരാതി... മുന്കൂര് ജാമ്യാപേക്ഷ നല്കി പെരുമ്പാവൂര് എംഎല്എ എല്ദോസ് കുന്നപ്പള്ളി
സൗഹൃദത്തിന് പിന്നാലെ വിവാഹ വാഗ്ദാനം നല്കി പീഡിപ്പിച്ചെന്ന പരാതിയില് കേസെടുത്തതിന് പിന്നാലെ മുന്കൂര് ജാമ്യാപേക്ഷ നല്കി പെരുമ്പാവൂര് എംഎല്എ എല്ദോസ് കുന്നപ്പള്ളി. അധ്യാപികയായ ആലുവ സ്വദേശിനിയുടെ പരാതിയിലാണ് എല്ദോസ് കുന്നപ്പിള്ളി എംഎല്എക്കെതിരെ ജാമ്യമില്ലാ വകുപ്പ് ചുമത്തി കേസെടുത്തത്. തിരുവനന്തപുരം സെഷന്സ് കോടതിയിലാണ് എല്ദോസ് കുന്നപ്പള്ളി ജാമ്യാപേക്ഷ നല്കിയത്.
സ്ത്രീത്വത്തെ അപമാനിക്കല്, തട്ടിക്കൊണ്ടുപോകല്, അതിക്രമിച്ചു കടക്കല്, മര്ദ്ദിക്കല് തുടങ്ങിയ കുറ്റങ്ങള്ക്കുള്ള വകുപ്പുകളാണ് കോണ്ഗ്രസിന്റെ എറണാകുളം ജില്ലയിലെ പ്രമുഖ യുവ നേതാവും മുന് ജില്ലാ പഞ്ചായത്ത് പ്രസിഡന്റുമായ നേതാവിനെതിരെ ചുമത്തിയിരിക്കുന്നത്. പരാതിയില് കെപിസിസിയും അന്വേഷിക്കും. രണ്ടംഗ സമിതിയെ നിയോഗിക്കും.
ഒന്നര വര്ഷമായി യുവതിയും എല്ദോസും തമ്മില് സൗഹൃദത്തിലായിരുന്നു. പിന്നാലെയാണ് എല്ദോസ് കുന്നപ്പിള്ളില് വിവാഹ വാഗ്ദാനം നല്കി നിരവധി തവണ ലൈംഗികമായി പീഡിപ്പിച്ചെന്നാണ് ആലുവ സ്വദേശിയായ യുവതിയുടെ പരാതി. കേസ് തീര്പ്പാക്കാന് പണം വാഗ്ദാനം നല്കിയെന്നും കോവളം പൊലീസ് കേസെടുക്കാതെ ഒത്തുതീര്പ്പിന് ശ്രമിച്ചെന്നും യുവതി മജിസ്ട്രേറ്റിന് നല്കിയ മൊഴിയില് ആരോപിക്കുന്നു. അതേസമയം, കോവളം പൊലീസില് വിശദമായ മൊഴി നല്കുന്നതിനിടെ കുഴഞ്ഞുവീണ യുവതിയെ ആശുപത്രിയിലേക്ക് മാറ്റി.
https://www.facebook.com/Malayalivartha
