വയറിനുള്ളില് സ്വര്ണം അടങ്ങിയ നാല് കാപ്സ്യൂളുകൾ, കരിപ്പൂര് വിമാനത്തവളം വഴി 55 ലക്ഷം രൂപയുടെ സ്വര്ണം മിശ്രിതം കടത്താൻ ശ്രമം, ദുബായില് നിന്ന് സ്പൈസ് ജെറ്റ് വിമാനത്തിലെത്തിയ പുറത്തു യുവാവ് വിമാനത്തവളത്തിന് പുറത്ത് പിടിയില്...!
കരിപ്പൂര് വിമാനത്തവളം വഴി ശരീരത്തിൽ ഒളിപ്പിച്ച് 1.075 കിലോ സ്വര്ണം മിശ്രിത രൂപത്തിലാക്കി കടത്താൻ ശ്രമിച്ച യുവാവ് പിടിയില്. ദുബായില്നിന്നും സ്വര്ണം കടത്തിയ മലപ്പുറം വെട്ടത്തൂര് സ്വദേശി സല്മാനുല് ഫാരിസിനെ (24) പോലീസ് കസ്റ്റഡിയിലെടുത്തു. വിമാനത്തവളത്തിന് പുറത്തുവെച്ചാണ് ഇയാൾ പോലീസിന്റെ പിടിയിലായത്.
മലപ്പുറം ജില്ലാ പോലീസ് മേധാവി എസ് സുജിത് ദാസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് സല്മാനെ പോലീസ് കസ്റ്റഡിയിലെടുത്തത്. ആഭ്യന്തര വിപണിയില് 55 ലക്ഷം രൂപ വില വരും പിടിച്ചെടുത്ത സ്വര്ണത്തിന്. വയറിനുള്ളില് ഒരു കിലോയിലധികം സ്വര്ണം അടങ്ങിയ നാല് കാപ്സ്യൂളുകളാണ് യുവാവ് കടത്താൻ ശ്രമിച്ചത്.
ദുബായില് നിന്നെത്തിയ സ്പൈസ് ജെറ്റ് വിമാനത്തിലാണ് സല്മാനുല് ഫാരിസ് കരിപ്പൂർ വിമാനത്താവളത്തിൽ ഇറങ്ങിയത്. കസ്റ്റംസ് പരിശോധനയ്ക്ക് ശേഷം ഒൻപത് മണിയോടെ വിമാനത്താവളത്തിന് പുറത്തിറങ്ങിയ സല്മാനുൽ തന്നെ കൂട്ടാനെത്തിയ ബന്ധുക്കളോടൊപ്പം കാറില് കയറി പുറത്തേക്ക് പോകും വഴിയാണ് സല്മാനെ പോലീസ് കസ്റ്റഡിയിലെടുത്തത്.
ആദ്യഘട്ട ചോദ്യം ചെയ്യലില് കുറ്റം സമ്മതിക്കാന് സല്മാനുൽ വിസമ്മതിച്ചിരുന്നു. തുടര്ന്ന് ഇയാളുടെ ദേഹവും ലഗേജും പോലീസ് വിശദമായി പരിശോധിച്ചു. എന്നാല് സ്വര്ണം കണ്ടെടുക്കാന് കഴിയാത്തതിനെ തുടര്ന്ന് സല്മാനുലിനെ കൊണ്ടോട്ടിയിലെ സ്വകാര്യ ആശുപത്രിയില് എത്തിച്ചു വിശദമായ വൈദ്യപരിശോധനയ്ക്ക് വിധേയനാക്കി. എക്സ്റേയില് ഇയാളുടെ വയറിനുള്ളില് സ്വര്ണം അടങ്ങിയ നാല് കാപ്സ്യൂളുകള് കണ്ടെത്തുകയായിരുന്നു. സല്മാനെ വിശദമായി ചോദ്യം ചെയ്ത് വരികയാണ്.സ്വര്ണക്കടത്തിന് പിന്നിലുള്ളലരെ കണ്ടെത്താനുള്ള ശ്രമം തുടരുകയാണ്.
https://www.facebook.com/Malayalivartha
