സംസ്ഥാനത്തെ 14 സർവകലാശാലകളുടെയും ചാൻസലർ സ്ഥാനത്തു നിന്നു ഗവർണറെ നീക്കാനുള്ള ഓർഡിനൻസിൽ അനിശ്ചിതത്വം തുടരുകയാണ്. കഴിഞ്ഞ ദിവസം ഓർഡിനൻസ് രാജ്ഭവനിലേക്ക് അയക്കുമെന്നയിരുന്നു ആദ്യ പദ്ധതി. പക്ഷെ ഓർഡിൻസ് അയച്ചിരുന്നില്ല. ഓർഡിനൻസ് മന്ത്രിസഭ അംഗീകരിച്ചിട്ടു രണ്ടു ദിവസം കഴി ഞ്ഞു.പക്ഷേ ഇതുവരെ അതു ഒപ്പിടാനായി രാജ്ഭവനിൽ എത്തിയിട്ടില്ല എന്നതാണ് ശ്രദ്ദേയമായ കാര്യം.

രാജ്ഭവനിലേക്ക് ഓർഡിനൻസ് അയക്കുന്ന കാര്യത്തിൽ വൈകുന്നത് എന്താണെന്ന് എന്ന കാര്യത്തിൽ സർക്കാർ ഇത് വരെ ഒരു വ്യക്തമായ മറുപടി തന്നിട്ടില്ല എന്നതാണ് ശ്രദ്ധേയമായ കാര്യം. അതിന് പിന്നിലുള്ള കാരണം എന്താണ് എന്ന സൂചനകൾ ഇപ്പോൾ കിട്ടുകയാണ് . ഓർഡിനൻസ് ഗവർണർക്ക് അയയ്ക്കുന്ന കാര്യത്തിൽ സർക്കാർ കേന്ദ്രങ്ങളിൽ ചില സംശയങ്ങൾ നിലനിൽക്കുന്നു എന്നാണ് അറിയുവാൻ സാധിക്കുന്നത്.

ഗവർണറെ ബാധിക്കുന്ന ഓർഡിനൻസ് ആണ്. അതുകൊണ്ട് ഈ വിഷയത്തിൽ താൻ തീരുമാനമെടുക്കില്ലെന്നും രാഷ്ട്രപതിക്ക് അയയ്ക്കുമെന്നും ഗവർണർ ആരിഫ് മുഹമ്മദ് ഖാൻ പറഞ്ഞിരിക്കുകയാണ്. എന്നാൽ ശ്രദ്ധിക്കേണ്ടുന്ന മറ്റൊരു കാര്യം ഓർഡിനൻസ് രാഷ്ട്രപതി പരിഗണിക്കുമ്പോൾ അതിനു പകരമുള്ള ബിൽ നിയമസഭയിൽ കൊണ്ടുവരാൻ സാധിക്കില്ലെന്ന ചട്ടം നിലനിൽക്കുകയാണ്.