സങ്കടമടക്കാനാവാതെ വീട്ടുകാർ... സുഖമില്ലാതിരുന്ന അമ്മയെ പരിചരിക്കാനായി അമേരിക്കയിൽ നിന്ന് നാട്ടിലെത്തിയ മകൻ, അമ്മയുടെ മരണത്തിന് ദിവസങ്ങൾക്കകം മരണമടഞ്ഞു. തൃപ്പൂണിത്തുറ വടക്കേക്കോട്ടെ പാഴൂർ ലെയിനിലെ 'ചിത്ര'യിൽ താമസിച്ചിരുന്ന പി കെ രുക്മിണി അമ്മ 83)യും മകൻ ഹരിമിത്ര(51)യുമാണ് ദിവസങ്ങളുടെ വ്യത്യാസത്തിൽ മരിച്ചത്.

കൊച്ചിൻ ദേവസ്വം ബോർഡിന്റെ മുൻ അംഗമായിരുന്ന രുക്മിണി അമ്മയ്ക്ക് സുഖമില്ലെന്ന് അറിഞ്ഞാണ് അമേരിക്കയിൽ സ്ഥിര താമസക്കാരനായ ഹരിമിത്ര കുറച്ച് നാൾ മുൻപ് നാട്ടിലെത്തിയത്. കഴിഞ്ഞ ശനിയാഴ്ചയാണ് രുക്മിണി അമ്മ മരിച്ചത്. വിദേശത്തുള്ള കൊച്ചുമക്കൾ എത്തിച്ചേരേണ്ടതിനാൽ സംസ്കാരം മാറ്റിവെച്ചിരിക്കുകയായിരുന്നു.

ഇതിനിടെ പെട്ടെന്നുണ്ടായ അസ്വസ്ഥതയെ തുടർന്ന് ഹരിമിത്രയെ ആശുപത്രിയിൽ പ്രവേശിപ്പിച്ചെങ്കിലും ഇന്നലെ മരിച്ചു. തുടർന്ന് അമ്മയുടെയും മകന്റെയും സംസ്കാരം ഒരേ ദിവസം തന്നെ നടത്തി. പാർവതി (അമേരിക്ക) ആണ് ഹരിമിത്രയുടെ ഭാര്യ. . രുക്മിണി അമ്മയ്ക്ക് മറ്റൊരു മകൻ കൂടിയുണ്ട്.