മലപ്പുറത്ത് കാട്ടാനയുടെ ആക്രമണത്തെ തുടർന്ന് ഒരു സ്ത്രീയ്ക്ക് ദാരുണാന്ത്യം. മ​ല​പ്പു​റം പ​ര​ശു​റാം​കു​ന്ന് സ്വ​ദേ​ശി ആ​യി​ഷ(63) ആ​ണ് കാ​ട്ടാ​ന ആക്രമണത്തിൽ കൊ​ല്ല​പ്പെ​ട്ട​ത്. ഇന്ന് രാവിലെയായിരുന്നു സംഭവം.

രാവിലെ റ​ബ​ര്‍​തോ​ട്ട​ത്തി​ല്‍ ജോ​ലി​ക്ക് പോ​കു​ന്ന തൊ​ഴി​ലാ​ളി​ക​ളാ​ണ് വീ​ടി​നു സ​മീ​പം മൃ​ത​ദേ​ഹം ക​ണ്ടെ​ത്തി​യ​ത്. സംഭവത്തിൽ കൂടുതൽ വിവരങ്ങൾ ലഭ്യമല്ല. മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

അതേസമയം കഴിഞ്ഞ ദിവസം തി​രു​വി​ഴാം​കു​ന്ന് ക​ച്ചേ​രി​പ​റ​മ്പി​ൽ കാ​ട്ടാ​ന​ക​ളു​ടെ വി​ള​യാ​ട്ട​ത്തി​ൽ വാ​ഴ​കൃ​ഷി ന​ശി​ച്ചിരുന്നു. നെ​ല്ലി​ക്കു​ന്ന് ക​രി​മ്പി​നി പാ​ട​ശേ​ഖ​ര​ത്ത് കൃ​ഷി​യി​റ​ക്കി​യ കോ​ട്ട​യി​ൽ മു​ഹ​മ്മ​ദി​ന്റെ 150 ഓ​ളം കു​ല​ച്ച വാ​ഴ​ക​ളാ​ണ് ന​ശി​ച്ച​ത്.

ഇക്കഴിഞ്ഞ വ്യാ​ഴാ​ഴ്ച്ച പു​ല​ർ​ച്ചെ അ​ഞ്ചു മ​ണി​യോ​ടെ എ​ത്തി​യ മൂ​ന്ന് കാ​ട്ടാ​ന​ക​ളാ​ണ് കൃ​ഷി നാ​ശം വി​ത​ച്ച​ത്. പാ​ട്ട​ത്തി​നെ​ടു​ത്ത അ​ര ഏ​ക്ക​ർ സ്ഥ​ല​ത്ത് 300 വാ​ഴ​ക​ളാ​ണ് വെ​ച്ചി​രു​ന്ന​തെ​ന്നും ക​ഴി​ഞ്ഞ​ദി​വ​സം കു​ര​ങ്ങു​ക​ളും നി​ര​വ​ധി വാ​ഴ​ക്കു​ല​ക​ൾ ന​ശി​പ്പി​ച്ച​താ​യും മു​ഹ​മ്മ​ദ് പ​റ​ഞ്ഞു. മാത്രമാണ് ഇതോടെ ഒ​രു ല​ക്ഷ​ത്തോ​ളം രൂ​പ​യു​ടെ ന​ഷ്ട​മാ​ണ് ക​ണ​ക്കാ​ക്കു​ന്ന​ത്.

അ​തേ​സ​മ​യം, കാ​ട്ടാ​ന​ക​ൾ കൃ​ഷി ന​ശി​പ്പി​ക്കു​ന്ന​തും നാട്ടിൽ ഇറങ്ങുന്നതും പ​തി​വാ​ണ്. ക​ർ​ഷ​ക​ർ​ക്ക് അ​ർ​ഹ​മാ​യ ന​ഷ്ട പ​രി​ഹാ​രം ല​ഭ്യ​മാ​ക്കാ​ൻ വ​നം​വ​കു​പ്പും സ​ർ​ക്കാ​രും ത​യ്യാ​റാ​കു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു. മാത്രമല്ല വ്യാ​ഴാഴ്ച രാ​വി​ലെ മ​ദ്റ​സ​യി​ലേ​ക്ക് പോ​വു​ക​യാ​യി​രു​ന്ന വി​ദ്യാ​ർ​ഥി​ക​ൾ ആ​ന​ക​ൾ നെ​ല്ലി​ക്കു​ന്ന് റോ​ഡ് ക​ട​ന്നു​പോ​കു​ന്ന​ത് ക​ണ്ട​താ​യി പ​റ​യു​ന്നു.