വിഴിഞ്ഞത്തെ സമരം അച്ചന്‍മാര്‍ക്കും ബാധ്യതയായി മാറിയിരിക്കുകയാണ്. കേന്ദ്ര സേന എത്തുന്നതിന് മുമ്പ് സമരം അവസാനിപ്പിക്കാന്‍ സിപിഎമ്മും സമരക്കാരും ശ്രമിക്കുകയാണ്. ഓരേ സമയം ചര്‍ച്ചയും പ്രചരണവുമാണ് പാര്‍ട്ടി നടത്തുന്നത്. വിഴിഞ്ഞം സമരത്തിന് എതിരെ തിരുവനന്തപുരം ജില്ലയില്‍ പ്രചാരണ ജാഥ നടത്താന്‍ എല്‍ഡിഎഫ്. 6, 7, 8, 9 തീയതികളിലായി പ്രചാരണ ജാഥ നടത്താനാണ് തീരുമാനം. മറ്റന്നാള്‍ ചൊവ്വാഴ്ച്ച വര്‍ക്കലയില്‍ മന്ത്രി പി രാജീവ് ജാഥ ഉദ്ഘാടനം ചെയ്യും.

9 ന് സമാപന സമ്മേളനം വിഴിഞ്ഞത്ത് സിപിഎം സംസ്ഥാന സെക്രട്ടറി എം വി ഗോവിന്ദന്‍ ഉദ്ഘാടനം ചെയ്യും. വികസനം സമാധാനം എന്ന പേരിലാണ് എല്‍ഡിഎഫിന്റെ പ്രചരാണ ജാഥ. വിഴിഞ്ഞത്ത് സംഘര്‍ഷ സാധ്യത നിലനില്‍ക്കുന്നതായി തിരുവനന്തപുരം ജില്ലാ സെക്രട്ടറി ആനാവൂര്‍ നാഗപ്പന്‍ പറഞ്ഞു. പ്രചാരണ ജാഥ ആര്‍ക്കും എതിരല്ലെന്നും എല്ലാവരും സഹകരിക്കണം എന്നും ആനാവൂര്‍ നാഗപ്പന്‍ പറഞ്ഞു. അതേസമയം വിഴിഞ്ഞത്ത് കേന്ദ്രസേന വേണമെന്ന ആവശ്യത്തില്‍ പരസ്പരം പഴിചാരുകയാണ്.

ക്രമസമാധാന പാലനത്തിന് കേന്ദ്ര സേന ആവശ്യമില്ലെന്നും കേരള പൊലീസ് പര്യാപതമാണെന്നും തുറമുഖമന്ത്രി പറഞ്ഞു. കഴിഞ്ഞ ദിവസം ഹൈക്കോടതിയില്‍ കേന്ദ്രസേന വേണമെന്ന അദാനിയുടെ ആവശ്യത്തിന് സര്‍ക്കാര്‍ കൈകൊടുത്തിരുന്നു. എന്നാല്‍ കേന്ദ്രവും സംസ്ഥാനവും ചര്‍ച്ച ചെയ്ത് നിലപാട് അറിയിക്കാനാണ് കോടതി നിര്‍ദ്ദേശം നല്‍കിയത്. സംസ്ഥാനം നേരിട്ട് കത്തയച്ച് കേന്ദ്രസേനയെ കൊണ്ടുവരാന്‍ ശ്രമിക്കില്ലെന്ന സൂചനയാണ് ലഭിക്കുന്നത്. സര്‍ക്കര്‍ മനപ്പൂര്‍വ്വം പ്രകോപനം ഉണ്ടാക്കിയതാണ് കഴിഞ്ഞ ദിവസത്തെ സംഘര്‍ഷത്തിന്റെ കാരണമെന്നാണ് ലത്തീന്‍ അതിരൂപതക്ക് കീഴിലെ പള്ളികളില്‍ വായിച്ച സര്‍ക്കുലറിലെ വിമര്‍ശനം.

അതേസമയം വിഴിഞ്ഞത്ത് സമവായനീക്കവുമായി സിപിഎമ്മും രംഗത്തെത്തി. തിരുവനന്തപുരം ജില്ലാ സെക്രട്ടറി ആനാവൂര്‍ നാഗപ്പന്‍ ലത്തീന്‍ അതിരൂപത ആര്‍ച്ച് ബിഷപ്പ് ജെ. നെറ്റോയുമായി കൂടിക്കാഴ്ച നടത്തി. തുറമുഖത്തിനായി സിപിഎം പ്രചാരണജാഥ നടത്തുമ്പോഴും പ്രശ്‌നം തീര്‍ക്കാനാണ് പാര്‍ട്ടിയുടെയും ശ്രമം.

കര്‍ദ്ദിനാള്‍ ക്ലിമിസ് കാതോലിക്കാ ബാവ ഇടപെട്ടുള്ള മധ്യസ്ഥ ചര്‍ച്ചയുടെ തുടര്‍ച്ചയായാണ് പലവഴിക്കുള്ള അനുരജ്ഞന ശ്രമങ്ങള്‍. സിപിഎം ജില്ലാ സെക്രട്ടരി വെള്ളയമ്പലം ബിഷപ്പ് ഹൗസിലെത്തിയാണ് ആര്‍ച്ച് ബിഷപ്പ് തോമസ് ജെ നെറ്റോയെ കണ്ടും. സഭയുമായി പാര്‍ട്ടി ഏറ്റുമുട്ടലിനില്ലെന്നും സംഘര്‍ഷം ഒഴിവാക്കണമെന്നുമാണ് ആനാവൂര്‍ അറിയിച്ചതെന്നാണ് സൂചന. പാളയം ഇമാമും ശാന്തിഗിരി മഠാധിപതി ഗുരുരത്‌നം ജ്ഞാന തപസ്വിയും സമരസമിതി ജനറല്‍ കണ്‍വീനര്‍ യൂജിന്‍ പെരേരുയുമായി കൂടിക്കാഴ്ച നടത്തി.

വരും ദിവസങ്ങളിലും തുടര്‍ ചര്‍ച്ചകളുണ്ടാകും. വികസനം സമാധാനം എന്ന പ്രചരാണര്‍ത്ഥം തുറമുഖത്തിനായി 6 മുതല്‍ 9 വരെ സിപിഎം ജില്ലാ കമ്മിറ്റി പ്രചാരണ ജാഥ നടത്തുന്നുണ്ട്. പ്രചാരണം സഭക്കെതിരെ അല്ലെന്നാണ് നേതാക്കളുടെ വിശദീകരണം. അതേസമയം കേന്ദ്ര സേനയില്‍ സര്‍ക്കാറും അയഞ്ഞു. കഴിഞ്ഞ ദിവസം ഹൈക്കോടതിയില്‍ കേന്ദ്രസേന വേണമെന്ന അദാനിയുടെ ആവശ്യത്തിന് സര്‍ക്കാര്‍ കൈകൊടുത്തിരുന്നു. എന്നാല്‍ കേന്ദ്രവും സംസ്ഥാനവും ചര്‍ച്ച ചെയ്ത് നിലപാട് അറിയിക്കാനാണ് കോടതി നിര്‍ദ്ദേശം.

സംസ്ഥാന നേരിട്ട് കത്തയച്ച് കേന്ദ്രസേനയെ കൊണ്ടുവരാന്‍ ശ്രമിക്കില്ലെന്ന സൂചനയാണ് ലഭിക്കുന്നത്. അതേസമയം, അദാനിയുടെ ആവശ്യത്തില്‍ കോടതി നിര്‍ദ്ദേശപ്രകാരം കേന്ദ്ര സേന വന്നാല്‍ എതിര്‍ക്കില്ല. സംഘര്‍ഷങ്ങളുടെ ഉത്തരവാദിത്വം സര്‍ക്കാറിന്റെ പ്രകോപനമാണെന്നാണ് ലത്തീന്‍ അതിരൂപത പള്ളികളില്‍ വായിച്ച സര്‍ക്കുലറിലെ വിമര്‍ശനം. എന്നാല്‍ തുറമുഖ നിര്‍മ്മാണം സ്ഥിരമായി നിര്‍ത്തിവെക്കാന്‍ ആവശ്യപെടുന്നിലെന്നാണ് ആര്‍ച്ച് ബിഷപ്പിന്റെ സര്‍ക്കുലര്‍, തുറമുഖ നിര്‍മ്മാണം നിര്‍ത്തിയുള്ള പഠനമാണ് ആവശ്യം.

സമവായ നീക്കങ്ങള്‍ക്ക് നേതൃത്വം നല്‍കുന്ന കര്‍ദ്ദിനാള്‍ ക്ലിമീസ് കാതോലിക്കാ ബാവ നാളെ തുടങ്ങുന്ന കെസിബിസി ശീതകാലസമ്മേളനത്തില്‍ ചര്‍ച്ചയുടെ വിശദാംശങ്ങള്‍ അറിയിക്കും. സമ്മേളനത്തിന്റെ ആദ്യ ഇനമായാണ് വിഴിഞ്ഞം ഉള്‍പ്പെടുത്തിയത്. എന്തായാലും കേന്ദ്ര സേന വരാന്‍ കേന്ദ്രം അനുകൂല നിലപാടെടുക്കാനാണ് സാധ്യത. കേന്ദ്ര സേനയെത്തിയാല്‍ നിര്‍മ്മാണം തുടങ്ങാനാകുമെന്നാണ് അദാനി ഗ്രൂപ്പും വിശ്വസിക്കുന്നത്. കേന്ദ്ര സേന വരുന്നതിന് സമരക്കാര്‍ക്കും താത്പര്യമില്ല. സംഘര്‍ഷമുണ്ടായാല്‍ അതിന്റെ ഉത്തരവാദിത്തം സമരക്കാര്‍ക്കാകും.