ഗവർണർ ഇന്ന് തലസ്ഥാനത്ത് എത്തുകയാണ്. കുറെ നാളുകൾക്ക് ശേഷമാണ് അദ്ദേഹം തിരുവനന്തപുരത്തേക്ക് തിരിച്ചെത്തുന്നത്. ഇപ്പോൾ അദ്ദേഹം കൊച്ചിയിലാണ്. അദ്ദേഹത്തിന്റെ വരവിനായി കാത്തിരിക്കുകയാണ് എല്ലാവരും. അദ്ദേഹം എന്തൊക്കെ പ്രസ്താവന നടത്തുന്നു എന്നതൊക്കെ ഏവരും ഉറ്റു നോക്കുകയാണ്. സർക്കാരിനെ പ്രതിരോധത്തിൽ ആക്കുന്ന പ്രസ്താവനകളും തീരുമാനങ്ങളും അദ്ദേഹം എടുക്കുമോ എന്നതാണ് അറിയേണ്ട കാര്യം.

പ്രധാനമായും അദ്ദേഹംപറഞ്ഞത് ഇനി താൻ ഇടപെടാൻ പോകുന്നത് മന്ത്രിമാരുടെ പേഴ്സണൽ സ്റ്റാഫിനെ നിയമിക്കുന്ന വിഷയത്തിലായിരിക്കും എന്നദ്ദേഹം പറഞ്ഞിരുന്നു. ആ വിഷയത്തിൽ നിർണായകമായ പ്രസ്താവനകൾ ഉണ്ടാകുമോ എന്നാണ് ഏവരും ഉറ്റു നോക്കുന്നത്. മന്ത്രിമാരുടെ പേഴ്‌സണൽ സ്റ്റാഫ് നിയമന വിഷയം ദേശീയ തലത്തിൽ അടക്കം ഉയർത്തുമെന്നാണ് ഗവർണർ വ്യക്തമാക്കിയത്.

കോടതിയിൽ എത്തിയാൽ ഈ വിഷയത്തിലും നടപടി ഉണ്ടാകുമെന്ന് ഉറപ്പാണെന്നും അദ്ദേഹം വ്യക്തമാക്കി. ഇക്കാര്യം മുതിർന്ന വാക്കേലുമായി സംസാരിച്ചെന്നും ഉപദേശത്തിന് 45 ലക്ഷം നൽകേണ്ടതില്ലെന്നും അദ്ദേഹം സർക്കാരിനെ പരിഹസിക്കുകയും ചെയ്തിരുന്നു.