പ്രശസ്ത നര്ത്തകി മല്ലികാ സാരാഭായ് കലാമണ്ഡലം കല്പിത സര്വകലാശാലയുടെ ചാന്സലറായി നിയമിച്ച് സംസ്ഥാന സര്ക്കാര് ഉത്തരവിറക്കി
പ്രശസ്ത നര്ത്തകി മല്ലികാ സാരാഭായ് കലാമണ്ഡലം കല്പിത സര്വകലാശാലയുടെ ചാന്സലറായി നിയമിച്ച് സംസ്ഥാന സര്ക്കാര് ഉത്തരവിറക്കി. സാമൂഹ്യ പരിവര്ത്തനത്തിന് കലയേയും സാഹിത്യത്തേയും ഉപയോഗപ്പെടുത്തിയ പ്രതിഭയാണ് മല്ലികാ സാരാഭായിയെന്ന് സാംസ്കാരിക മന്ത്രി വി എന് വാസവന് പറഞ്ഞു.
കേരള ഗവര്ണര് ആരിഫ് മുഹമ്മദ് ഖാനെ നേരത്തെ സര്ക്കാര് കേരള കലാമണ്ഡലത്തിന്റെ ചാന്സലര് സ്ഥാനത്ത് നിന്ന് നീക്കിയിരുന്നു.
സംസ്ഥാനത്തെ കല്പ്പിത സര്വകലാശാലയാണ് കലാമണ്ഡലം. സാംസ്കാരിക വകുപ്പിന് കീഴിലാണ് കലാമണ്ഡലം പ്രവര്ത്തിക്കുന്നത്. ചാന്സലര് സ്ഥാനത്ത് നിന്ന് നീക്കിക്കൊണ്ട് സാംസ്കാരിക വകുപ്പ് ഉത്തരവ് പുറപ്പെടുവിക്കുകയായിരുന്നു.
പുതിയ ചാന്സലര് ചുമതലയേറ്റെടുക്കും വരെ പ്രോ ചാന്സലറായ സാംസ്കാരിക വകുപ്പ് മന്ത്രി വിഎന് വാസവനായിരുന്നു ചാന്സലറുടെ ചുമതല. 75 വയസാണ് ചാന്സലറാകാനുള്ള പരമാവധി പ്രായമായി നിശ്ചയിച്ചിരിക്കുന്നത്. 2006 മുതല് സംസ്ഥാന ഗവര്ണറാണ് കലാമണ്ഡലത്തിന്റെ ചാന്സലര്.
കലാമണ്ഡലത്തിന്റെ ചട്ടങ്ങള് അനുസരിച്ചും യു ജിസിയുമായുള്ള ധാരണപ്രകാരവും മറ്റു സര്വകലാശാലകളില് നിന്നു വ്യത്യസ്തമായി ഇവിടെ ചാന്സലറെ നിയമിക്കാനുള്ള അധികാരം സര്ക്കാരിനാണുള്ളത്.
"
https://www.facebook.com/Malayalivartha
