കായംകുളത്ത് പറമ്പിലെ മാങ്ങ പറിച്ചതിനെ തുടർന്നുണ്ടായ തർക്കത്തിൽ സ്ത്രീകൾക്ക് വെട്ടേറ്റു. അയൽവാസികൾ തമ്മിലുള്ള തർക്കത്തിനിടെയാണ് മൂന്ന് സ്ത്രീകൾക്ക് വെട്ടേറ്റത്. കായംകുളം മൂലശേരി ക്ഷേത്രത്തിന് സമീപമാണ് സംഭവം നടന്നത്. 

അതേസമയം തർക്കത്തെ തുടർന്ന് മൂലേശ്ശേരി അമ്പലത്തിന് സമീപം ബിനോയി ഭവനത്തിൽ മിനി എന്ന കൊച്ചുമോൾ (49), അമ്പലശ്ശേരിൽ സ്മിത (34), നന്ദു ഭവനത്തിൽ നീതു (19) എന്നിവർക്കാണ് വേട്ടറ്റത്.

എന്നാൽ കഴിഞ്ഞ ഏതാനും ദിവസം മുമ്പ് പറമ്പിലെ മാങ്ങ പറിച്ചതുമായുള്ള തർക്കം കായംകളം പൊലീസ് പരിഹരിച്ചതിന് പിന്നാലെയാണ് അക്രമം ഉണ്ടായത്. തുടർന്ന് വെട്ടേറ്റവരെ കായംകുളം ഗവ. താലൂക്ക് ആശുപത്രിയിലും പിന്നീട് വണ്ടാനം മെഡിക്കൽ കോളജിലും പ്രവേശിപ്പിച്ചു.