പേരൂര്ക്കട മാനസികോരോഗ്യകേന്ദ്രത്തിലെ രോഗിയുടെ മരണം തലയ്ക്കേറ്റ ക്ഷതം മൂലമെന്ന് പോസ്റ്റുമോര്ട്ടം റിപ്പോര്ട്ട്...
പേരൂര്ക്കട മാനസികോരോഗ്യകേന്ദ്രത്തിലെ രോഗിയുടെ മരണം തലയ്ക്കേറ്റ ക്ഷതം മൂലമെന്ന് പോസ്റ്റുമോര്ട്ടം റിപ്പോര്ട്ട്. ആശുപത്രിയില് വച്ചുണ്ടായ പരിക്കാണ് മരണകാരണമെന്നാണ് പൊലീസിന്റെയും നിഗമനം.
സംഭവവുമായി ബന്ധപ്പെട്ട് ആറ് ആശുപത്രി ജീവനക്കാരെ പൊലീസ് ചോദ്യംചെയ്യുന്നു. നവംബര് 29 -ാംം തീയതി വൈകുന്നേരത്തോടെയാണ് മാനസീകാരോഗ്യകേന്ദ്രത്തിലെ സെല്ലില് ശാസ്താംകോട്ട സ്വദേശി സ്മിതാകുമാരിയെ ആശുപത്രി സെല്ലില് അബോധാവസ്ഥയില് കണ്ടെത്തിയത്.
ഉടന് തന്നെ തിരുവനന്തപുരം മെഡിക്കല്കോളേജ് ആശുപത്രിയില് എത്തിച്ചെങ്കിലും രക്ഷിക്കാനായില്ല. ആശുപത്രില് വച്ച് ജീവനക്കാര് മര്ദ്ദിച്ചതാണ് മരണകാരണമെന്ന് ബന്ധുക്കള് ആരോപണവുമായി ബന്ധുക്കള് രംഗത്തെത്തി.
തുടര്ന്ന് നടത്തിയ പ്രാഥമിക പോസ്റ്റുമോര്ട്ടം പരിശോധനയിലാണ് തലയിലേറ്റ പരിക്കാണ് മരണകാരണമെന്ന് വ്യക്തമായത്. സംഭവത്തില് കേസെടുത്ത് അന്വേഷണം ആരംഭിച്ച പൊലീസ് സിസിടിവി ദൃശ്യങ്ങള് പരിശോധിക്കുകയും ജീവനക്കാരെ ചോദ്യംചെയ്യുകയും ചെയ്തു.
26ന് വൈകീട്ടാണ് സമിതാകുമാരിയെ ആശുപത്രിയില് പ്രവേശിപ്പിച്ചത്. വാര്ഡില് വച്ച് അസ്വാസ്ഥ്യം പ്രകടിപ്പിച്ച സ്മിതയെ പിന്നീട് സിംഗിള് റൂമിലേക്ക് മാറ്റിയിരുന്നു. മരിക്കുന്നതിന് ഏതാനും മണിക്കൂറുകള്ക്ക് മുമ്പാണ് മരണകാരണമായ ക്ഷതം തലയ്ക്കേറ്റതെന്ന് പോസ്റ്റുമോര്ട്ടം റിപ്പോര്ട്ടില് പറയുന്നത്.
പരിക്ക് എങ്ങനെ സംഭവിച്ചു എന്നാണ് ഇപ്പോള് അന്വേഷിക്കുന്നത്. ആശുപത്രിയില് ജീവനക്കാരുമായുണ്ടായ പിടിവലിക്കിടയിലാണോ പരിക്കേറ്റത്. രോഗി സ്വയം തല ഭിത്തിയില് ഇടിച്ച് പരിക്കേല്പ്പിച്ചതോ? ഈക്കാര്യം കണ്ടെത്താന് ജീവനക്കാരെയും ഫൊറന്സിക് പരിശോധനയ്ക്കും വിധേയരാക്കി.
കാര്യങ്ങള് കൂടുതല് വ്യക്തമാകാന് ഫൊറന്സിക് വിഭാഗത്തിലെ ഡോക്ടര്മാര് സ്ഥലപരിശോധനയും നടത്തണമെന്നാണ് പൊലീസ് ആവശ്യപ്പെടുന്നത്.
https://www.facebook.com/Malayalivartha
