വര്ക്കലയില് കഞ്ചാവ് ബീഡി വലിക്കാന് വിസമ്മതിച്ച പതിനഞ്ചുകാരന് ലഹരി മാഫിയാ സംഘത്തിന്റെ ക്രൂരമായ മര്ദ്ദനം..... അബോധാവസ്ഥയിലായ കുട്ടി ആശുപത്രിയില് , സംഭവത്തില് നാലു പേര്ക്കെതിരെ കേസ്
വര്ക്കലയില് കഞ്ചാവ് ബീഡി വലിക്കാന് വിസമ്മതിച്ച പതിനഞ്ചുകാരന് ലഹരി മാഫിയാ സംഘത്തിന്റെ ക്രൂരമായ മര്ദ്ദനം..... അബോധാവസ്ഥയിലായ കുട്ടി ആശുപത്രിയില് , സംഭവത്തില് നാലു പേര്ക്കെതിരെ കേസ്
വര്ക്കലയിലാണ് ഞെട്ടിക്കുന്ന സംഭവം നടന്നത്. ചെവിയില് നിന്നും മൂക്കില് നിന്നും രക്തം വന്ന് അവശ നിലയിലായ കുട്ടി അബോധാവസ്ഥയിലായി. കുട്ടിയെ മെഡിക്കല് കോളജ് ആശുപത്രിയില് പ്രവേശിപ്പിച്ചു. സംഭവത്തില് അയിരൂര് സ്വദേശികളായ സെയ്ദ്, വിഷ്ണു, ഹുസൈന്, അല് അമീന് എന്നിവര്ക്കെതിരെ അയിരൂര് പൊലീസ് കേസെടുത്തു.
ഈ മാസം രണ്ടാം തീയതിയാണ് സംഭവം നടന്നത്. വര്ക്കല ഇടവപ്പുറത്ത് 15 കാരന് കുളത്തില് കുളിക്കാന് പോയതായിരുന്നു. അവിടെയുണ്ടായിരുന്ന സെയ്ദ്, വിഷ്ണു, ഹുസൈന്, അല് അമീന് എന്നിവര് ചേര്ന്ന് കുട്ടിയോട് കഞ്ചാവ് ബീഡി വലിക്കാനായി നിര്ബന്ധിക്കുകയായിരുന്നു.
വിദ്യാര്ത്ഥി കഞ്ചാവ് വലിക്കാന് വിസമ്മതിച്ചു. ഈ വിവരം വീട്ടില് പറയുകയും ചെയ്തു. ഇതിന്റെ പ്രതികാരമായാണ് നാലംഗ സംഘം മൂന്നാം തീയതി വൈകുന്നേരം മൂന്ന് മണിയോടെ വിദ്യാര്ത്ഥിയുടെ വീട്ടിലെത്തി അതിക്രമിച്ച് കയറി കുട്ടിയെ ക്രൂരമായി മര്ദ്ദിച്ചത്. സംഭവം നടന്ന് ഒരാഴ്ച കഴിഞ്ഞിട്ടും ഒരു പ്രതിയെ പോലും പിടികൂടാന് പൊലീസിന് കഴിഞ്ഞിട്ടില്ല.
"
https://www.facebook.com/Malayalivartha
