വേൾഡ് കപ്പ് ക്വാർട്ടർ ഫൈനലിൽ ബ്രസീൽ പുറത്തായല്ലോ.. അവർ സെമിയിൽ ഒന്നും എത്തില്ലെന്ന് ഞാൻ പണ്ടേ പ്രവച്ചിച്ചതാ... ഫുട്ബോൾ നിരീക്ഷണം പങ്കു വച്ച് സന്തോഷ് പണ്ഡിറ്റ്. അദ്ദേഹത്തിന്റെ ഫേസ്ബുക്ക് പോസ്റ്റിന്റെ പൂർണ്ണ രൂപം ഇങ്ങനെ; പണ്ഡിറ്റിൻ്റെ ഫുട്ബോൾ നിരീക്ഷണം

വേൾഡ് കപ്പ് ക്വാർട്ടർ ഫൈനലിൽ ബ്രസീൽ പുറത്തായല്ലോ.. അവർ സെമിയിൽ ഒന്നും എത്തില്ലെന്ന് ഞാൻ പണ്ടേ പ്രവച്ചിച്ചതാ... എന്നാല് രണ്ടാം ക്വാര്‍ട്ടറില്‍ അർജൻ്റീന ജയിച്ചു സെമിയിൽ എത്തിയതിൽ വിഷമം ഉണ്ട്. നെതര്‍ലന്‍ഡ്‌സിനെ പെനാല്‍റ്റി ഷൂട്ടൗട്ടില്‍ 4-3ന് തോല്‍പിച്ചാണ് സെമിയിലേക്ക് അവർ കഷ്ടിച്ച് കയറി കൂടിയത്. സെമിയിൽ ഇതുപോലെ കരുത്തരായ ക്രൊയേഷ്യയൊട് അവർക്ക് ജയിക്കുവാൻ ആകില്ല.

എങ്കിലും ലാറ്റിനമേരിക്കയുടെ "കനല്‍ ഒരുതരിയായി" അര്‍ജന്‍റീന സെമിയില്‍ എത്തി എന്ന് അവർക്ക് ആശ്വസിക്കാം. ക്വാർട്ടർ ഫൈനലിൽ അർജന്റീനയുടെ വിജയശിൽപ്പി എമിലിയാനോ മാർട്ടിനെസ് ജിയാണ്.. അങ്ങേരു പൊളിച്ചു. ഇന്നത്തെ ക്വാർട്ടർ ഫൈനലിൽ ഇംഗ്ലണ്ട് പുഷ്പം പോലെ ഫ്രാൻസിനെ തകർത്തു സെമിയിൽ മൊറോക്കോ യെയും തകർത്ത് ഫൈനലിൽ ക്രൊയേഷ്യയേ തോൽപിച്ച് കപ്പ് നേടും എന്നാണ് എൻ്റെ പ്രവചനം. ഇന്ന് പോർച്ചുഗൽ വിജയ സാധ്യത കുറവാണ്..

ആദ്യ ഗ്രൂപ്പ് കളിയിൽ അർജൻ്റീന തോറ്റ്പ്പോൾ അവർ പ്രീ ക്വാർട്ടർ കാണാതെ പുറത്താകും എന്നു പറഞ്ഞു രസിച്ച ബ്രസീൽ ഫാൻസ് ഇന്നലെ കരയുന്നുണ്ടാകും.. കാര്യങ്ങൽ തല തിരിഞ്ഞു പോയി.. പോട്ടെ സാരമില്ല.. (വാൽ കഷ്ണം.. തോൽക്കുന്ന ടീമുകൾക്ക് ഞാൻ നല്ല capsule പറഞ്ഞു തരാം ട്ടോ.. "ഞങൾ കപ്പ് കണ്ട് കൂടെ കൂടിയവർ അല്ലാ. വീട്ടിൽ ഒരു പണിയും ഇല്ലാതെ വായി നോക്കി ഇരിക്കുകയായിരുന്നു.. എപ്പോഴാണ് എവിടെയോ ലോക കപ്പ് നടക്കുന്ന വാർത്ത ഏതോ ഓൺലൈൻ ചാനൽ വഴി അറിഞ്ഞത്.

പിന്നെ നമ്മുടെ രാജ്യത്തിൻ്റെ ആരാധകർക്ക് കുറച്ചു രസം കിട്ടികൊട്ടെ എന്നു കരുതി കിടക്കയും , പായയും എടുത്തു ഇങ്ങോട്ടേക്കു പോന്നു. ചെറുതായി ഒന്ന് തോറ്റു.. അത്രേയുള്ളൂ.. ഇനി ഞങ്ങൾ അടുത്ത കപ്പിൽ കണക്ക് ചോദിക്കും.. കേരളത്തിൽ ഞങൾ ആവശ്യപ്പെടാതെ നദിയില് , പുഴയിലും ഒക്കെ ആരൊക്കെയോ ഫ്‌ളക്സ്‌ വെച്ചിട്ടുണ്ട്.. അതെല്ലാം പരാജയപ്പെട്ടു പുറത്തായതിന് ശേഷം അഴിച്ചു മാറ്റും എന്നു കരുതുന്നു. തൽകാലം വിട..")