തലശ്ശേരിയില്‍ അനുജന്റെ കുത്തേറ്റ് ചികിത്സയിലായിരുന്ന യുവാവ് മരിച്ചു. പാലയാട് ഡിഫിലി മുക്കിലെ ആയിഷാസ് വീട്ടില്‍ ആഷിഫാണ് (28) മരിച്ചത്. ശനിയാഴ്ച രാത്രി 11നാണ് സംഭവം നടന്നത്.


മദ്യപിച്ച് വീട്ടിലെത്തിയ ആഷിഫ് ബഹളം വച്ചത് അനുജന്‍ അഫ്‌സല്‍ ചോദ്യം ചെയ്തതാണ് കൊലപാതകത്തിലേക്ക് കലാശിച്ചത്. ഇവര്‍ തമ്മില്‍ വാക്കേറ്റമുണ്ടായതിനെ തുടര്‍ന്ന് അഫ്‌സല്‍ കറിക്കത്തി എടുത്ത് ആഷിഫിന്റെ കൈക്ക് കുത്തുകയായിരുന്നു.

അഫ്‌സലിനെ ധര്‍മടം പൊലീസ് അറസ്റ്റ് ചെയ്തു. സംഭവത്തിനുശേഷം രക്ഷപ്പെട്ട അഫ്‌സലിനെ തലശേരിയില്‍വച്ച് പോലീസ് കസ്റ്റഡിയിലെടുത്തു.