ഇത് അതുക്കും മേലെ... ഗവര്ണര്ക്കെതിരെ ആഞ്ഞടിച്ചിരുന്ന ഭരണപക്ഷവും പ്രതിപക്ഷവും ഇന്നലെ ഗവര്ണറുടെ നന്മ കണ്ടു; ആരിഫ് മുഹമ്മദ് ഖാന് ഗാന്ധിയനെന്ന് രമേശ് ചെന്നിത്തല; ഗവര്ണറുടെ അറ്റ് ഹോമില് പങ്കെടുത്ത് സ്പീക്കറും മുഖ്യമന്ത്രിയും; പിണറായി സര്ക്കാരിനെ വാനോളം പുകഴ്ത്തി ഗവര്ണര്
ഗവര്ണറും സര്ക്കാരും തമ്മിലുള്ള അടി തുടങ്ങിയിട്ട് കുറച്ച് നാളായി. എന്നാല് അടുത്തിടെ അതിന്റെ മഞ്ഞുരുകലും കണ്ടു തുടങ്ങിയിരുന്നു. ഇതിനിടെ ഗവര്ണര്ക്കെതിരെ പ്രതിപക്ഷവും രംഗത്തെത്തിയിരുന്നു. എന്നാല് എല്ലാം മാറിമറിയുന്ന കാഴ്ചയാണ് കഴിഞ്ഞ ദിവസങ്ങളില് കാണാന് കഴിഞ്ഞത്. ഭരണപക്ഷവും പ്രതിപക്ഷവും ഇന്നലെ ഗവര്ണറുടെ നന്മ കണ്ടു പുകഴ്ത്തി.
ഗവര്ണര് ആരിഫ് മുഹമ്മദ് ഖാനെ പ്രകീര്ത്തിച്ച് കോണ്ഗ്രസ് നേതാവ് രമേശ് ചെന്നിത്തല രംഗത്തെത്തി. ആരിഫ് മുഹമ്മദ് ഖാന് ഗാന്ധിയനാണെന്നും അദ്ദേഹത്തിന്റെ എല്ലാ വാക്കുകളും പ്രവര്ത്തികളും ഗാന്ധിയന് മൂല്യങ്ങളിലൂന്നിയാണെന്നും ചെന്നിത്തല പറഞ്ഞു. അദ്ദേഹത്തെ വര്ഷങ്ങളായി തനിക്ക് വ്യക്തിപരമായി അറിയാമെന്നും ചെന്നിത്തല പറഞ്ഞു. ദേശീയ ബാലതരംഗത്തിന്റെ ശലഭമേളാ വേദിയിലായിരുന്നു പരാമര്ശം. ഗവര്ണറും പരിപാടിയില് പങ്കെടുത്തിരുന്നു.
ഗവര്ണറുമായി സര്ക്കാരും പ്രതിപക്ഷവും ഒരുപോലെ ഭിന്നതയില് നില്ക്കെയാണ് മുന് പ്രതിപക്ഷ നേതാവായ രമേശ് ചെന്നിത്തലയുടെ പരാമര്ശമെന്നത് ശ്രദ്ധേയമാണ്. ഗവര്ണറും സര്ക്കാരും ഒത്തുകളിക്കുകയാണെന്ന് നയപ്രഖ്യാപന പ്രസംഗത്തിന് ഗവര്ണര് നിയമസഭയില് എത്തിയപ്പോള് പ്രതിപക്ഷം ആരോപിച്ചിരുന്നു.
അതേസമയം റിപ്പബ്ലിക് ദിന വിരുന്നായ അറ്റ് ഹോമില് മുഖ്യമന്ത്രി രാജ്ഭവനിലെത്തി പങ്കെടുത്തു. സ്പീക്കര് എ എന് ഷംസീര്, ഭക്ഷ്യമന്ത്രി ജി.ആര് അനില് എന്നിവരും പങ്കെടുത്തു. റിപ്പബ്ലിക് ദിനാഘോഷ ചടങ്ങുകള്ക്കായി വിവിധ ജില്ലകളിലായതിനാല് മറ്റു മന്ത്രിമാര് പങ്കെടുത്തില്ല.
അതേസമയം ധനമന്ത്രി എത്താത്തത് ചര്ച്ചയായി. കഴിഞ്ഞ വര്ഷം ഒക്ടോബറിലായിരുന്നു ഗവര്ണര് അസാധാരണ നടപടിയുമായി രംഗത്തെത്തിയത്. ധനമന്ത്രിയെ പിന്വലിക്കണമെന്ന് മുഖ്യമന്ത്രിക്ക് ഗവര്ണര് ആരിഫ് മുഹമ്മദ് ഖാന് കത്തെഴുതുകയായിരുന്നു. നിയമന അധികാരി എന്നനിലയില് പ്രീതി നഷ്ടപ്പെട്ടതിനാല് മന്ത്രിയെ പിന്വലിക്കണമെന്നായിരുന്നു ആവശ്യം. ഗവര്ണറുടെ ആരോപണങ്ങളില് കഴമ്പില്ലെന്ന് അന്വേഷണത്തില് കണ്ടെത്തിയെന്നും തുടര് നടപടി ആവശ്യമില്ലെന്നും ആയിരുന്നു മുഖ്യമന്ത്രി നല്കിയ മറുപടി.
കേരള സര്വ്വകലാശാലയെ പരിപാടിക്കിടെ നടത്തിയ ഈ പ്രസംഗമാണ് ഗവര്ണറെ പ്രകോപിപ്പിച്ചത്. മന്ത്രി കെഎന് ബാലഗോപാല് സത്യപ്രതിജ്ഞ ലംഘിച്ചു. ബോധപൂര്വ്വം സത്യപ്രതിജ്ഞാ ലംഘനം നടത്തുകയും രാജ്യത്തിന്റെ ഐക്യത്തേയും അഖണ്ഡതയേയും ദുര്ഡബലപ്പെടുത്തുകയും ചെയ്യുന്ന ഒരു മന്ത്രിക്ക് എന്റെ പ്രീതിയില്ല. കെഎന് ബാലഗോപാലിനോട് പ്രിതി നഷ്ടമായി. ഇക്കാര്യം അര്ഹിക്കുന്ന ഗൗരവത്തോടെ എടുക്കുമെന്ന് ആശിക്കുന്നു. ഭരണഘടനാനുസൃതമായ നടപടിയും പ്രതീക്ഷിക്കുന്നു ഇതായിരുന്നു ഗവര്ണര് മുഖ്യമന്ത്രിക്ക് അയച്ച അസാധാരണ കത്തിന്റെ ആകെത്തുക.
അതേസമയം റിപ്പബ്ലിക് ദിനത്തില് സര്ക്കാരിന്റെ വികസന നേട്ടങ്ങള് എണ്ണിപ്പറഞ്ഞ് ഗവര്ണര്. മുഖ്യമന്ത്രിയെ പുകഴ്ത്തിയും രാജ്യത്തിന്റെ വളര്ച്ചയില് പ്രധാനമന്ത്രിയെ വാഴ്ത്തിയുമായിരുന്നു ഗവര്ണറുടെ റിപ്പബ്ലിക്ദിന സന്ദേശം. ജില്ലകളിലെ റിപ്പബ്ലിക്ദിന പരേഡുകളില് മന്ത്രിമാര് സല്യൂട്ട് സ്വീകരിച്ചു.
21 സായുധ, സായുധതേര വിഭാഗങ്ങളും അശ്വാരൂഡ സേനയും അണിനിരന്ന പരേഡില് ഗവര്ണര് സല്യൂട്ട് സ്വീകരിച്ചു. പ്രത്യേക അതിഥികളായി കര്ണാടക പൊലീസിന്റെ വനിത സേനാംഗങ്ങളും പരേഡില് അണിനിരന്നു. മോദിയെ ഇന്ത്യയെ അഞ്ചാമത്തെ സാമ്പത്തിക ശക്തയാക്കി മാറ്റിയെന്ന് പറഞ്ഞ ഗവര്ണര് ആര്ദ്രം, ലൈഫ് പദ്ധതികള് ഉയര്ത്തി മുഖ്യമന്ത്രിക്കും കൈയ്യടി നല്കി. ഉന്നതവിഭ്യാഭ്യാസത്തിനായി വിദ്യാര്ഥികള് പുറത്തുപോകുന്നത് തടയാന് നടപടി വേണമെന്നും ഗവര്ണര് ഓര്മിപ്പിച്ചു. ജില്ലകളില് മന്ത്രിമാര് പരേഡുകളെ അഭിവാദ്യം ചെയ്തു.
"
https://www.facebook.com/Malayalivartha
