എന്ത് അസംബന്ധവും വിളിച്ചുപറയാനുള്ള വേദിയായി നിയമ സഭയെ മാറ്റാന് പാടില്ല; എന്തിനും ഒരു അതിരുണ്ട്; എന്തും വിളിച്ചുപറയുന്ന ഒരാളാണ് എന്നതുകൊണ്ട് കോണ്ഗ്രസ് പാര്ട്ടി അദ്ദേഹത്തെ ചുമതലപ്പെടുത്തിയതാണോ ? പൊട്ടിത്തെറിച്ച് മുഖ്യമന്ത്രി പിണറായി വിജയന്
കരുനാഗപ്പള്ളി ലഹരിക്കടത്ത് കേസില് അടിയന്തര പ്രമേയത്തിന് അനുമതി തേടിയ മാത്യു കുഴല്നാടന് എംഎല്എയ്ക്കെതിരെ പൊട്ടിത്തെറിച്ച് മുഖ്യമന്ത്രി പിണറായി വിജയന്. എന്ത് അസംബന്ധവും വിളിച്ചുപറയാനുള്ള വേദിയായി നിയമ സഭയെ മാറ്റാന് പാടില്ലെന്ന് അദ്ദേഹം പറഞ്ഞു. എന്തിനും ഒരു അതിരുണ്ടെന്നും മുഖ്യമന്ത്രി മുന്നറിയിപ്പ് നല്കി
മുഖ്യമന്ത്രിയുടെ വാക്കുകൾ ഇങ്ങനെ; 'പ്രതിപക്ഷ ആരോപണങ്ങള്ക്ക് എക്സൈസ് മന്ത്രിയാണ് മറുപടി പറയുക. എങ്കിലും എനിക്ക് പറയാനുള്ളത്.. ഒരു അംഗത്തിന് സിപിഎം പോലെയുള്ള ഒരു പാര്ട്ടിയെപ്പറ്റി എന്ത് അസംബന്ധവും പറയാനുള്ള വേദിയാക്കി നിയമസഭയെ മാറ്റാന് പറ്റില്ല. എന്താണ് അദ്ദേഹം അവതരിപ്പിച്ച കാര്യങ്ങള്. എന്താണ് അദ്ദേഹം ഉദ്ദേശിച്ചത്.
എന്തും വിളിച്ചുപറയുന്ന ഒരാളാണ് എന്നതുകൊണ്ട് കോണ്ഗ്രസ് പാര്ട്ടി അദ്ദേഹത്തെ ചുമതലപ്പെടുത്തിയതാണോ ? ഇങ്ങനെയാണോ സഭയില് കാര്യങ്ങള് അവതരിപ്പിക്കുന്നത്? ഈ രീതിയിലാണോ അടിയന്തര പ്രമേയം അവതരിപ്പിക്കുന്നത്. എന്തിനും ഒരു അതിരുവേണം. ആ അതിര് ലംഘിച്ച് പോകാന് പാടില്ലെന്നും മുഖ്യമന്ത്രി പറഞ്ഞു.
കരുനാഗപ്പള്ളി ലഹരിക്കടത്ത് കേസില് പ്രതിയായ സിപിഎം നേതാവിനെ സംരക്ഷിക്കാന് പോലീസ് ശ്രമിക്കുന്നുവെന്ന് ആരോപിച്ചാണ് പ്രതിപക്ഷം അടിയന്തര പ്രമേയത്തിന് നോട്ടീസ് നല്കിയത്.
https://www.facebook.com/Malayalivartha
