സംസ്ഥാന ബജറ്റില്‍ ശബരിമല മാസ്റ്റര്‍ പ്ലാനിനായി 30 കോടി വകയിരുത്തി... കുടുംബശ്രീയ്ക്ക് 260 കോടി; എല്ലാ ജില്ലകളിലും ഇലക്ട്രിക് ചാര്‍ജിങ് കേന്ദ്രങ്ങള്‍ തുടങ്ങുമെന്ന് ധനമന്ത്രി

എരുമേലി മാസ്റ്റര്‍ പ്ലാന് അധികമായി 10 കോടിയും കുടിവെള്ള വിതരണത്തിന് 10 കോടിയും നിലക്കല്‍ വികസനത്തിന് 2.5 കോടിയും വകയിരുത്തിയതായി ധനമന്ത്രി ബാലഗോപാല്‍ ബജറ്റ് അവതരവേളയില്‍ വ്യക്തമാക്കി. വിശദാംശങ്ങളിങ്ങനെ....

വ്യവസായ മേഖയില്‍ അടങ്കല്‍ തുകയായി ബജറ്റില്‍ 1259.66 കോടി വകമാറ്റി.
വ്യവസായ വികസന കോര്‍പറേഷന് 122.25 കോടി
ചെന്നൈ ബംഗലൂരു വ്യാവസായ ഇടനാഴി , സാമ്പത്തിക തൊഴില്‍ വളര്‍ച്ചക്ക് വഴി വക്കും.
സ്വയം തൊഴില്‍ സംരംഭക സഹായ പദ്ധതിക്കായി 60 കോടി
സ്വകാര്യ വ്യവസായ പാര്‍ക്കുകളെ പ്രോത്സാഹിപ്പിക്കാന്‍ 10 കോടി
കയര്‍ വ്യവസായ യന്ത്രവത്കരണത്തിന് 40 കോടി
ലൈഫ് സയന്‍സ് പാര്‍ക്ക് പ്രവര്‍ത്തങ്ങള്‍ക്കായി 20 കോടി
കയര്‍ ഉത്പാദനവും വിപണി ഇടപെടലിനും 10 കോടി
കശുവണ്ടി പുനരുജ്ജീവന പാക്കേജിന് 30 കോടി

എല്ലാ ജില്ലകളിലും ഇലക്ട്രിക് ചാര്‍ജിങ് കേന്ദ്രങ്ങള്‍ തുടങ്ങുമെന്ന് ധനമന്ത്രി. ഇലക്ട്രിക് വാഹന ചാര്‍ജിങ് സ്റ്റേഷനുകള്‍ക്കായി 7.8 കോടി രൂപ ബജറ്റില്‍ വകമാറ്റി.

2026 ന് മുന്‍പ് എല്ലാ ജലസേചന പദ്ധതികളും കമ്മീഷന്‍ ചെയ്യും. ജലസേചനത്തിനും വെള്ളപ്പൊക്ക നിയന്ത്രണത്തിനുമായി ആകെ 525 കോടി രൂപ ബജറ്റില്‍ വകയിരുത്തു.

മത്സ്യ ബന്ധന ബോട്ടുകളുടെ എന്‍ജിന്‍ മാറ്റാന്‍ ആദ്യ ഘട്ടമായി 8 കോടി അനുവദിച്ചു. കടലില്‍ നിന്ന് പ്ലസ്റ്റിക് നീക്കാന്‍ ശുചിത്വ സാഗരത്തിന് 5 കോടി അനുവദിച്ചു. സീഫുഡ് മേഖലയില്‍ നോര്‍വേ മോഡലില്‍ പദ്ധതികള്‍ക്കായി 20 കോടി വകമാറ്റി. ഫിഷറീസ് ഇന്നൊവേഷന്‍ കൗണ്‍സില്‍ രൂപീകരിക്കും. ഇതിനായി ഒരു കോടി വകമാറ്റി.

ലൈഫ് മിഷന്‍ 1436.26 കോടി വകമാറ്റി. ലൈഫ് മിഷന്‍ വഴി 322922 വീടുകള്‍ പൂര്‍ത്തിയാക്കിയെന്നും ധനമന്ത്രി നിയമസഭയില്‍ പറഞ്ഞു. സംസ്ഥാന ബജറ്റില്‍ കുടുംബശ്രീക്കായി 260 കോടി രൂപ വകയിരുത്തി.

വനസംരക്ഷണ പദ്ധതിക്കായി 26 കോടി മാറ്റിവെച്ചതിന് പുറമേ, ജൈവ വൈവിധ്യ സംരക്ഷണ പദ്ധതിക്കായി 10 കോടി, കോട്ടുകാല്‍ ആന പുനരധിവാസ കേന്ദ്രത്തിന് 1 കോടി, ത്രിശൂര്‍ സൂളോജിക്കല്‍ പാര്‍ക്കിനായി 6 കോടി, 16 വന്യജീവി സംരഷണത്തിന് 17 കോടിയും വകയിരുത്തി.

മൃഗചികിത്സ സേവനങ്ങള്‍ക്ക് 41 കോടി, പുതിയ ഡയറി പാര്‍ക്കിന് 2 കോടി
മീറ്റ് പ്രൊഡക്ട്‌സ് ഓഫ് ഇന്ത്യക്ക് 13.5 കോടി

നാളികേര വികസന പദ്ധതിക്കായി 60.85 കോടി
നെല്‍കൃഷിക്ക് 91.05 കോടി

നാളീകേരത്തിന്റ താങ്ങു വില കൂട്ടി
തേങ്ങ താങ്ങുവില 32 രൂപയില്‍ നിന്ന് 34 ആക്കി

സ്മാര്‍ട് കൃഷിഭവനുകള്‍ക്ക് 10 കോടി
കാര്‍ഷിക കര്‍മ്മ സേനകള്‍ക്ക് 8 കോടി

കുറ്റ്യാടി ജലസേചന പദ്ധതിക്കായി 5 കോടി
തോട്ടപ്പള്ളി പദ്ധതിക്കായി 5 കോടി
ഡാം പുനരുദ്ധാനത്തിനും വികസനത്തിന് 58 കോടി
കുളങ്ങളുടെ നവീകരണം -7.5 കോടി
കുട്ടനാട് പാടശേഖരം പുറംബണ്ട് നിര്‍മ്മാണത്തിന് 100 കോടി
മീനച്ചിലാറിന് കുറുകം അരുണാപുരത്ത് പുതിയ ഡാം- 3 കോടി
സഹകരണ സമാശ്വാസ നിധിയിലേക്ക് 4.25 കോടി
ഓഡിറ്റിംഗ് പരിഷ്‌കരിക്കുന്നതിന് 5 കോടി

എരുമേലി മാസ്റ്റര്‍ പ്ലാന് അധികമായി 10 കോടി
കുടിവെള്ള വിതരണത്തിന് 10 കോടി
നിലക്കല്‍ വികസനത്തിന് 2.5 കോടി

വിള ഇന്‍ഷുറന്‍സിന് 30 കോടി
തൃത്താലക്കും കുറ്റ്യാടിക്കും നീര്‍ത്തട വികസനത്തിന് 2 കോടി വീതം