കണ്ണീര്ക്കയത്തിലായി..... ഭര്തൃസഹോദരിയുടെ വിവാഹത്തിനുള്ള ഒരുക്കങ്ങള്ക്കിടെ പഴയങ്ങാടി റെയില്വേ സ്റ്റേഷന് സമീപത്തെ ഫാത്തിമ ഖമറുദ്ദീന്റെ ജീവന് വാഹനാപകടത്തില് പൊലിഞ്ഞത് വീട്ടുകാരെയും നാട്ടുകാരെയും സങ്കടക്കടലിലാക്കി
കണ്ണീര്ക്കയത്തിലായി..... ഭര്തൃസഹോദരിയുടെ വിവാഹത്തിനുള്ള ഒരുക്കങ്ങള്ക്കിടെ പഴയങ്ങാടി റെയില്വേ സ്റ്റേഷന് സമീപത്തെ ഫാത്തിമ ഖമറുദ്ദീന്റെ(24) ജീവന് വാഹനാപകടത്തില് പൊലിഞ്ഞത് വീട്ടുകാരെയും നാട്ടുകാരെയും സങ്കടക്കടലിലാക്കി. ഇന്നലെ പഴയങ്ങാടി പാലത്തിനു സമീപം കാറും സ്കൂട്ടറും കൂട്ടിയിടിച്ചായിരുന്നു മരണം സംഭവിച്ചത്.
അപകടത്തില് സ്കൂട്ടര് യാത്രക്കാരിയായ കീഴറയിലെ കണ്ണപുരം നോര്ത്ത് എല്.പി.സ്കൂള് അധ്യാപിക കുറ്റൂര് സ്വദേശി സി.പി. വീണ(47)യും ദാരുണമായി മരണപ്പെടുകയും ഫാത്തിമയുടെ ഭര്ത്താവ് കുട്ടിയസ്സന് സാക്കി, മകള് ഒന്നര വയസ്സുള്ള ഇസ്സ, മാതാവ് എം.പി താഹിറ എന്നിവര്ക്ക് പരിക്കേറ്റു.
നാളെ ഫാത്തിമയുടെ ഭര്തൃസഹോദരി ഹാദിയയും ഇരിക്കൂര് ദാറുല് ഫലാഹില് എന്. ഖാലിദിന്റെ മകന് സി.സി. സഗീറും തമ്മിലുള്ള വിവാഹം നടക്കാനിരിക്കെയാണ് നാടിനെ നടുക്കിയ അപകടം സംഭവിച്ചത്.
വിവാഹത്തിനായി രണ്ടു വീടുകളിലും ഒരുക്കങ്ങള് തകൃതിയായി നടക്കുകയും പന്തലുള്പ്പെടെയുള്ള സജ്ജീകരണങ്ങള് പൂര്ത്തിയാക്കുകയും ചെയ്തിട്ടുണ്ടായിരുന്നു. പക്ഷെ കുടുംബാംഗത്തിന്റെ അകാലമരണത്തെ തുടര്ന്ന് വിവാഹം മാറ്റിവെച്ചു. വ്യാഴാഴ്ച വൈകുന്നേരം അഞ്ചോടെ കണ്ണൂര് ഭാഗത്തുനിന്ന് വരുകയായിരുന്ന ഫാത്തിമയും കുടുംബവും സഞ്ചരിച്ച കാറും ചെറുകുന്ന് ഭാഗത്തേക്കു പോവുകയായിരുന്ന സ്കൂട്ടറും കൂട്ടിയിടിക്കുകയായിരുന്നു.
അപകടത്തില് പരിക്കേറ്റ എല്ലാവരെയും ചെറുകുന്നിലെ ആശുപത്രിയില് എത്തിച്ചെങ്കിലും ഫാത്തിമ, വീണ എന്നിവരുടെ ജീവന് രക്ഷിക്കാന്ഡ# കഴിഞ്ഞില്ല.
"
https://www.facebook.com/Malayalivartha
